О?у жетістіктерін сырттай ба?алау?а сапалы дайындауды? ж?мыс ж?йесі

"Қостанай қаласы әкімдігінің білім бөлімінің №16 орта мектебі" ММ

Баяндама:

«Оқу жетістіктерін сырттай бағалауға сапалы дайындаудың жұмыс жүйесі»

Қазақ тілі мен әдебиет пәнінің мұғалімі: Cадуева К.С.

Қостанай қаласы.

2016 жыл

ОЖСБ-ға сапалы дайындаудың жұмыс жүйесі.

Қалалық семинар

Қазақ тілі мен әдебиет мұғалімі: К.С.Садуева

17.02.2016ж.

Білім беру ұйымдарына оқу жетістіктерін сырттай бағалау (ары қарай ОЖСБ) Қазақстан Республикасындағы Білім беруді дамытудың 2011-2020 жж. арналған мемлекеттік бағдарламасына және ҚР «Білім туралы» Заңындағы өзгерістерге байланысты енгізілген болатын.

ОЖСБ-ның міндеттері:

1) білім алушылардың оқу жетістіктерін мониторингілеуді жүзеге асыру;

2) оқу процесін ұйымдастырудың тиімділігін бағалау;

3) білім беру ұйымдары көрсететін білім беру қызметі сапасына салыстырмалы талдау жасау болып табылады.

Тестілеу тапсырмалары оқу бағдарламаларының шеңберінде әзірленеді, олардың мазмұны аталған бағдарламалардың шеңберінен шығуы мүмкін емес.

ОЖСБ кезінде оқушылар 4 пән: қазақ тілі (міндетті түрде) және жыл сайын Білім және ғылым министрлігімен анықталатын 3 пән бойынша тест тапсырады. Әр пән бойынша тест тапсырмаларының саны – 20.

Тестілеуге 2 сағат (120 минут) уақыт беріледі.

ОЖСБ нәтижесі әрбір дұрыс жауап үшін 1 балмен бағаланады.

  Тестілеудің ерекшеліктері:

1. Оқушы өзін-өзі бақылайды, бағалайды, кемшіліктерін анықтайды.

2. Сапалық көрсеткіштерде жақсы нәтижеге жеткізеді.

3. Нәтижесі тікелей белгілі болады.

4. Барлық оқушыға бірдей талап қойылады.

5. Оқушылардың білім дәрежесі әділ бағаланады әрі оқытушының өз пікірінше ғана бағалауына жол берілмейді.

6. Оқушылардың білім деңгейін білу үшін оқылған материал тегіс қамтылады.

Тақырыптық тест жинақтарын қолдана отырып, оқушылардың материалды меңгеру деңгейлерін бағалау және олардың тест тапсырмаларын орындауға дағдыландыру. ОЖСБ оқушылар білімін тез әрі жан-жақты бақылау мен бағалауда тиімді әдіс болып табылуда. Сондықтан бүгінгі таңда осы әдіс жаппай қолданылуда.

Өткен жылдағы ОЖСБ –ның қорытындысы

Мектепте ОЖСБ -ға дайындау барысында көптеген жұмыстар жүргізіліп жатыр. ОЖСБ -ға арнайы стенд рәсімделген, оқу кабинеттерде ОЖСБ -ға арнайы бқрыштар рәсімделген. Ақпанның 17 дейін 6 рет сынама тестілеу өткізілді, 3 рет жинақтар арқылы, 3 рет электронды тест. Мектепте электронды тесттер базасы бар.

Әдістемелік бірлестік жұмысының жоспарына осы ОЖСБ -ға барынша дайындық жұмыстары енгізілген және жұмыс түрлері қолдануда.

Оқушыларды ОЖСБ-ға дайындаудың жұмыс түрлері:

1. Әдістеме бірлестігінің жоспары.

2. Қазақ тілі мұғалімдерінің ОЖСБ -ға дайындық іс-шараларының жоспары (Бұл жоспарға ОЖСБ бойынша жүргізілетін барлық жұмыс түрлері кіреді).

Оқушыларды ОЖСБ-ға сапалы дайындау үшін қосымша сабақтар, әр оқушымен жеке жұмыстар жүргізіледі. Әр сынама тестілеуден соң терең талдау өткізіледі.

Мұғалімнің жеке папкасындағы мониторингтері.

Грамматикалық тақырыптар /ОЖСБ-ға/ 9Б сынып

Сынама тестілеудің мониторингі

9Б сынып сынама тестілеудің нәтижесі

Қазіргі кезде жаңа технологияларды енгізу оқушылардың мүмкіндіктері мен талаптарын жүзеге асыруда. Ол үшін бүгінгі күні сабақ берудің жаңа тәсілдерін жасау бағытында жақсы жұмыс істеу қажет.

Сабақта және қосымша сабақтарда оқушылар компьютер арқылы тесттерге жауап береді.

Сынама тест өткізілген соң интерактивті тақта арқылы оқушылардың жауаптары тексеріліп, қателерді дұрыстау жұмысы жүргізіледі.

Оқушылардың білімін жетілдіру үшін ұсынылатын жұмыстар:

1. Өткен тақырыптарды жүйелі түрде қайталау;

2. Апта сайын пән бойынша қосымша сабабақтар өткізу;

3. Оқушылар үшін қиын тақырыптарды қайтадан өту;

4. Тестілеуден кейін жіберілген қателермен жұмыс жүргізу;

5. Сынып жетекшімен бірігіп жұмыс жүргізу, әр оқушының қосымша сабақтарға келуін бақылау;

6. Арнайы папкаға оқушылардың жетістік көрсеткіштерін белгілеп отыру;

7. Даралап оқыту үрдісін дамыту.