Кембридж о?уы

Кембридж оқуы

ШҚО Абай ауданы Кеңгірбай би ауылы
"Шәкәрім атындағы орта мектебі" КММ
бастауыш пәні мұғалімі
Дюсекина Ботагөз
Тақырыбы:Кембридж оқуы.
Мен бірінші деңгейлі білім жетілдіру курсына не үшін келдім? Оқытудағы Кембридж тәсілдері қандай екен?-деген оймен келген едім.Осы курсқа келу барысында оқыту мен оқудағы әдістерді өзгертетін уақыт жеткенін сезіндім. Финляндия еліндегі білім беру жүйесінің оқушыларға жасап отырған жағдайлары ұнады.Мысалы оқушыларды тегін тасымалдаумен қамтамасыз етуі. Ал мұғалім мамандығына келген адамдарды біліміне қарап емес, психологиялық сенімділігіне қарай таңдауы ерекше екен.Біздің елмен салыстырар болсақ бізде бірінші кезекте келген маманның дипломы мен біліміне қарап жұмысқа алады. «Бірінші деңгейлі курсты игерген мұғалімнің негізгі функциясы-оқыту мен оқу тәжірибесінде жаңа тәсілдерді енгізу мақсатында өз мектептерін дамыту бағдарламасын әзірлеу.» (Нұсқаулық 4-бет) Осы орайда мектептің даму бағдарламасын әзірлеу үшін не істеу керек? -деген заңды сұрақ туындайды. Менің ойымша ол үшін мектептің қазіргі жағдайымен танысып, әрі қарай нені өзгерту керек екенін білген дұрыс.Бірінші кезекте мұғалім өзгеру керек деп ойлаймын. 
Синектің «Көшбасшылықтың конустық метафорасында» айтылғандай мектеп көшбасшылары НЕГЕ мектепте өзгеріс енгізу қажеттігін дәйектеп,өз мектептеріндегі мұғалімдерге тәжірибелерін өзгертуге ҚАЛАЙ көмектесуге болатынын білуі тиіс.Ал мұғалімдер оқушылардың оқу үдерісін жақсарту үшін НЕ істеу керек екенін білуге тиіс.(Нұсқаулық 17-бет) Сондықтан да бүгінгі күнде ең алдымен, оқушыға оның қажеттілігі мен қызығушылығына көңіл аударуды күшейтіп, әр оқушының жеке тұлғалық қасиеттерінің барлық байлығын дамытып, оны толық ашуға мүмкін болған жағдайды құру қажет етеді. Мінекей қазіргі мұғалімдер алдында тұрған міндет оқушыға белгілі бір білім жүйесін терең меңгертіп қана қоймай, оқу белсенділігін арттырып, олардың әрқайсысының шығармашылық қабілетін айтарлықтай дамыту болып отыр. Соған сәйкес оқушылардың сабаққа қызығушылығын арттырып, әр сабақты дұрыс ұйымдастыру мұғалімнің педагогикалық шеберлігіне қарайды. Оқушылар үшін құр ғана сабақ болып қоймас үшін,ол қызықты болуы дұрыс. Осыған қол жеткенде ғана мектеп жасөспірімдер үшін рухани ошағына, қол жетпес қазынасына айналатыны даусыз. Елбасымыз Нұрсұлтан Әбішұлының «Болашақта еңбек етіп, өмір сүретіндер, бүгінгі мектеп оқушылары, мұғалім оларды қалай тәрбиелесе, Қазақстан сол деңгейде болады. Сондықтан ұстазға жүктелетін міндет ауыр» деп айтқандай әрбір ұстаз еңбектене берері сөзсіз.