Эстафеталық жарыс. "Біз шыныққан баламыз". Мектепалды даярлық топ.

Тақырыбы: «Біз шыныққан баламыз»
Мақсаты:     Спорттық  эстафеталық  жарыстарға  деген

                     қызығушылықты арттыру.    Спортқа деген

                    сүйспеншілігімізді  нығайту. Салауатты өмір салтын сақтау, дені сау, рухы таза ұрпақ тәрбиелеу.Ұлттық ойындарға деген қызығушылығын арттырып, қалыптастыру.  Ептілікке шапшаңдыққа жаттықтыру.                  
Көрнекі құралдар:  2 үлкен доп,2 туннель,  2 велеосипед, 20 орташа доптар, 1 арқан, кедергілер.
Жүргізуші:
        Спорт деген азанда,
        Алады да тұрғызып.
        Еріншектік аз  онда,
        Бастайды ойын бір қызық.
        Аязда да тоңбайсың,
        Ыстыққа да күймейсің,
        Сергектікті қолдайсың,
        Жалқаулықты сүймейсің,
        Бақыт сенен қашпайды,
        Өнер білген пайдалы,
        Спорт соның айғағы .
         Бүгінгі мектепалды даярлық тобының арасында өткізгелі отырған , «Біз шыныққан баламыз» атты жарысымызға қош келдіңіздер!
Ал, сайыскер балалар, Ешкімің жоқ алалар «Жеңімпаз» болу үлкен ерлік Оны әділ қазы лар бағалар. (әділқазы мүшелерімен таныстыру)

Төреші:О.Зияханов

1.ДТІЖО: З.Кулантаева
2.Үйірме жетекшісі:М.Жолшиев

      Уа ,халқым,назар аудар денсаулыққа,
                    Өмірде бақыттысың денің сауда.
                    «Денсаулық-терең бақыт»деген сөзді
                   Құр айтпаған ұлы Абай данамыз да.
                   Денің сауда күштісің бұл әлемде,
                   Денің сауда сұлусың жер бетінде.
                  Сол мықты денсаулықтың арқасында
                  Жетерсің әлі талай бақыттарға деп,- ортаға

1.     «Сұңқар»тобын шақырамыз.

2.     «Алғыр»  тобын шақырамыз.

Топтар бір-бірімен сәлемдеседі.

Топтармен  таныстырып өтейік:

«Сұңқар» тобы:   

Ұраны:   Спортпен достас,

        Жалқаулықпен қоштас.

«Алғыр»  тобы:

Ұраны:  Салауатты өмір салтын сақтаймыз,

              Жаттығудан ешқашан да қашпаймыз

           Жарысымыз «6» турдан тұрады.
1. «Кім  жылдам» 

Ойын шарты:  Бірінші  ойыншы қолына допты алып , жүгіру арқылы

           белгіленген орындағы себетке допты алып , қайта орнына жүгіріп   келіп, екінші ойыншыға кезегін беріп ойынды жалғастырады.

            Қай топ бірінші аяқтаса сол топ жеңіске жетеді.

           
2. «Жүйрік паравоз» жарысы

Ойын шарты:   Бірінші бала паравоз, қалған балалар вагондары болады. Бірінші паравоз бала белгіленген жерден өзі айналып келіп, екінші баланы ертіп айналып келіп, үшінші баланы ертеді, жарыс осылай жалғаса береді. Жарыс соңында қай топтың паравозы вагондарын жинап мәреге бірінші жетсе сол топ жеңеді.

3. «Кедергіден өту»

Ойын шарты:  Ойыншылар алдарына қатарластырып қойылған

         кедергілерден тепе-теңдік сақтап өтіп,белгіленген орнына қайта айналып келіп,екінші ойыншыға велеосипедті береді. Ол ойыншы ойынды

         жалғастырады.
4. «Туннель»

Ойын шарты: Бірінші ойыншы отырып жүріп туннелден еңбектеп өтіп,белгіленген жерден жүгіріп айналып топқа келіп,екінші ойыншы әрі қарай ойынды жалғастырады. Сол топ жеңіске  жетеді.
5. «Кенгру» жарысы

Ойын шарты:     Үрленген шарлармен кедергілер арасымен секіріп, белгіленген межеден айналып келеміз. Бірінші жеткен топ осы бөлімнің жеңімпазы атанады.
6. «Арқан тартыс» жарысы

Ойын шарты:   Ортаға арқан беріледі. Арқанның қақ ортасында белгісі бар. Екі топ арқанның екі жағынан ұстап белгі бойынша тартысады. Қай топ арқанды өзіне қарай тартып алса, сол топ арқан тартыс жарысы бойынша жеңіске жетеді.

   Жарыс заңы ежелден, Жеңімпазды анықтау, Жеңімпаз болу шарты сол,  

  Еңбектену, жалықпау. Біреу озса сайыста, Біреу артта қалады. Бұл сайыста ренжімей, Тараса бізге жарады,-демекші сайысымыздың шарты бойынша қорытынды шығарып жеңімпазды анықтап, марапаттау сөз әділ қазылар алқасына беріледі.

.
( ойынға қатысқан ойыншылар марапатталды).

Жүргізуші: Осымен  мектепалды даярлық тобының арасында өткізілген   «Біз шыныққан баламыз» атты  жарысымыз аяқталды.

                  Жарқын,шаттық заман болсын,

                  Бүлдіршіндер  аман болсын.

                  Сыйластық пен бірлік болып,

                  Әрқашан орта толсын. ( Қортындылау, мадақтау ).