Просмотр содержимого документа
«Білім беру процесінде а?паратты?-коммуникациялы? технологияларды ?олдануды? ма?ызы мен м?ні»
Білім беру процесінде ақпараттық-коммуникациялық технологияларды қолданудың маңызы мен мәні
Жаңа мыңжылдық- бұл күнтізбедегі жаңа уақыт өткелі емес. Ол-өткенді таразылып, өмірдің мәнін жаңашалап түсінуге, болашақты барынша жете дұрыс анықтайтын уақыт. Осыған орай қоғамның барлық салаларындағы дамытушылық үдерістер жарқын болашақтың әрі қарай нұрланылуына бағытталуда. Қоғамның қарқынды дамуы, көбіне оның білімімен және мәдениетімен анықталады. Сондықтан, біздің ойымызша, білім жүйесін құру, қоғамды мына күнде дамып отырған әлемге дайындау-бүгінгі күннің ең негізгі және өзекті мәселесі. Ақпараттық қоғам-бұл саяси,әлеуметтік-экономикалық,қоғамның әрбір мүшесінің кез келген ақпарат көзіне еркін ену қабілетін қамтамасыз ететін ғылыми факторлардың өзара байланысқан жиынтығы.
«Қазақстан Республикасының 2020 жылға дейінгі Стратегиялық даму бағдарламасында» ақпараттық-коммуникациялық технологиялардың қарқынды дамуы және бейімделуі экономикалық көрсеткіштерге ғана емес, адамдардың өмір сүру салтына да әсер етіп, қоғамды жаңғыртудың маңызды факторы болатыны белгіленген [1]. Бұл жағдай ақпараттық-коммуникациялық технологияларды дамытудың қазіргі Қазақстанның экономикасы және азаматтарының өмірі үшін маңыздылығын көрсетеді.
Ақпараттық-коммуникациялық технологиялар әлемдік экономиканы дамытудың қорғаушы күші болып табылады. Ақпарат дәуірінде ақпарттық-коммуникациялық технологиялар және ақпараттық инфрақұрылым жаңа бизнес-үлгілерді тауып, тауарлар мен қызметтерді, жаңа ашылулар мен өнертабыстарды дайындауға ықпал жасайды, жалпы экономиканың бәсекеге қабілеттілігін арттыра отыра мемлекеттің дамуын қайта құрудың ғылыми-технологиялық кілті болып табылады. Ақпараттық-коммуникациялық технологияларды кеңінен қолдану, ең алдымен, жыл санап артып келе жатқан аталған саладағы инновацияларды дамытудың өсіңкіліктрендімен байланысты. Бүгінде Интернет, бұлыңғыр есептеулер, мобильді және мультимедиалық технологиялар, RFID,NFC, роботтар, виртуалды шындық және басқалары «ақылды» экономикасы бар елдердің міндетті атривутына айналып отыр.
Қазақстан Республикасының ірі бәсекеге қабілетті мемлекеттердің қатарына кіруге қатысты мақсаттары елде білімге негізделген жаңа экономиканы қалыптастыру бойынша үлкен күш жұмсауды талап етеді. Осындай талаптың жүзеге асуы тек ақпараттық-коммуникациялық технологияларды дамыту және енгізу арқылы мүмкін болатыны сөзсіз.
Осыған байланысты еліміздің алдында ақпараттық-коммуникациялық технологияларды тұтынудың және қолданудың өск қарқынын елеулі арттыру және елдің бәсекеге қабілеттілігін ұзақ мерзімді қамтамасыз ету мақсатында ақпараттық-коммуникациялық технологиялардың білім беру жүйесіне енгізуді жетілдіру міндеті тұр. Қазіргі таңда аралас, яғни дәстүрлі және электрондық оқыту тәжірибеден өткізілуде. Халықаралақ зерттеулерге сәйкес (Watson,John,2008) болашақта аралас оқу түрі орта білім беру саласында басымдылыққа ие болады деп күтілуде.
Әдебиеттер:
Қазақстан Республикасының 2020 жылға дейінгі Стратегиялық даму бағдарламасы.
Сейтенова С.С. Білім беру жүйесіндегі ақпараттық-коммуникациялық технологияларды дамытудың маңыз. Международная научно-практическая конференция «Проблемы совершенствования обучения матиматике, физике и информатике в школе и вузе» Казахскиий национальный педогогический университет имени Абая (Институт матиматики, физики и информатики) по плану мероприятий Министерства 2014
