Жыр жазамын жүрегімнен
Мақсаты: оқушыларға қазақ ақындарының өмірі мен шығармашылығы туралы мәліметтер беру, олардың шығармаларын дәріптеу.
Балаларды поэзияны сүюге, түсіне білуге дағдыландыру, мәнерлеп оқуға бейімдеу.
Оқушыларды ІІІ топқа бөлеміз:
І. Тұманбай
ІІ. Мұқағали
ІІІ. Фариза
І. Поэзия-жүрек тілі (Ақындар өлеңдерін оқу)
ІІ. «Ән сал, жаным» (Ақын өлеңдеріне жазылған әндер)
ІІІ. «Жазылар естеліктер мен туралы» (естеліктер айту)
І. Қолтаңбамды бердім мен жас ұланға,
Жыр оқы деп көңілің жасығанда.
Қолындағы әртүрлі қымбатына,
Қолтаңбамды әкетті қосып ол да. – деп Тұманбай ағамыз айтқандай ақынның
өлеңдерін мәнерлеп оқуға кезек береміз.
ІІ. Үй тұрар шумақтарын қойсаң қалап,
Өлеңдері өрелі жайсаң ғажап.
Азамат, ірі ақын бол, ұлы ақын бол.
Қайта туған ұлыңды қарсы ал, қазақ!
Енді қай ақынның өлеңдерін оқимыз. Мұқағалиға кезек береміз.
ІІ. Фариза!
Фаризажан, Фаризақыз,
Өмірде ақындардың бәрі жалғыз.
Шыдай-шыдай ақыры жолығармыз,
Бірімізден-біріміз арылармыз, - деп кім өлең арнады?
ІІ кезең. Ән сал, жаным. Ақын өлеңдеріне жазылған әндерді орындаймыз.
ІІІ кезең. Жазылар естеліктер мен туралы.
Тарыдай бақ, таудай азап сыйлаған Тұманбай Молдағалиев – махаббат лирикасының марқасқа майталманы.
С. Досанов
«Өзіңді тосып жүрмін. Дүниеге бір ән келді. Оның сөздерін тек қана сен жазуың керек. Бұл ән би алаңында айтылатын ән болады».
Ш. Қалдаяқов
Тұманбай аға - нағыз ақын: ол өлең жолдарын жүрегі мен жанын толқыта отырып, терең сезім мен түйсік түкпірінен тудыратын шынайы лирик-ақын.
Халық сөзі
«Мұраты мықты Мұқағали,
Қуаты құтты Мұқағали». М. Әлімбаев.
«Мұқағали дүниеден өтіп, бізге таза ақындығын-мөлдір поэзиясын ғана қалдырды». Ә. Тәжібаев.
«Мұқағалидың кітаптарын ең қымбат қазынадай қастерлеп оқы!»
Т. Молдағалиев.
«Фариза прозасындағы эссе-қара сөз дегені болмаса, баяғы сол есіліп тұрған поэзия» Ш. Мұртаза.
«Фаризаның шығармашылығын түсінуге ерекше бір талғам керек».
А. Бақтыгереева.
«Фариза – аспанға алау атып, шоқ шашыратып жатқан рух жанартауы. Өшпейтін де, сөнбейтін өжеттік қайнары». Ә Кекілбаев.
Мұқағали – бір ғасырда бір келетін, қазақ поэзиясының алтын домбырасы дерліктей хас талант иесі.,
Иә, «Өлді деуге сия ма, айтыңдаршы, өлмейтұғын артында із қалдырған».
деп Абай айтқандай, өшпес жырлары барда Тұманбай, Мұқағали, Фаризалар есімі жадымызда мәңгі сақталады.
Көңіл қойып тыңдағандарыңызға рахмет.
