?аза? тілі п?нінен "С?йлемні? біры??ай м?шелері" та?ырыбыны? жоспары

Сабақтың тақырыбы:Сөйлемнің бірыңғай мүшелері (8 –сынып)

Сабақтың мақсаты: білімділік- сөйлемнің бірыңғай мүшелерінің ерекшеліктерін оқыту, негізгі белгілерін түсіндіру, сөйлем мүшелерін пысықтау.

тәрбиелік- оқушыларды адамгершілікке, терең білім алуға үйрету, ұлттық құндылықтарды бойына сіңіруге тәрбпелеу;

дамытушылық-сауатты сөйлеп, жазуға үйрету, білім- білік дағдысын арттыру, шығармашылыққа баулу.

Сабақтың типі: жаңа сабақты меңгерту

Әдісі: шығармашылық жұмыс, талдау жұмыстары, тест тапсырмалары

Көрнекілігі: техникалық құралдар, қосымша әдебиет

Сабақтың барысы:

І. Ұйымдастыру: оқушыларды түгендеу, психологиялық дайындық өткізу.

ІІ.Үй жұмысын тексеру

ІІІ. Жаңа сабақ. Түсіндіру әдісі

Бірыңғай мүшелер.

Ереже шығару

Сөйлемдегі қызметі, тұлғасы, сұрақтары бірдей және бір ғана ортақ мүшемен байланысатын сөздер бірыңғай мүшелер деп аталады.

1.Өнеркәсіпте керекті заттар мыналар: тас, көмір, мұнай, болат, мыс.

2.Арғын,Найман, Керей, Уақ-төрт арыс бас қосыппыз.

3.Олар Абаймен біресе жарысады, біресе қалжыңдайды, ойнайды.

Тапсырма: Өлең жолдардан бірыңғай мүшелерді тауып, қарамен жазылған сөзге фонетикалық талдау жасау.

1.Қазақстан- менің туған анамсың,

Өзгеде жоқ, өзімде бар данамсың.

Кеңдігіңнен, молдығыңмен момақан

Ақыл, сабыр үлестірген данамсың. ( Ғ. Қайырбеков)

2.Нұр төккен жылтыратып Күні жарқын

Жайнайды сәулесі ойнап жанған алтын.

Күні де, түні де асқан керемет-ті,

Бірдей мол рахат, рахман самал салқын. (С.Сейфуллин)

3.Кемуді білмес кеңді өңір,

Құрсағы құтты сахара деймін.

Перзенті: болат, қорғасын, көмір,

Қазақстан-Республикам менің! (Д. Әбілов)

3.»Сабақ үстінде» деген тақырыпқа шығарма жазу. Бірыңғай мүшелері болуы керек.

4.Жаттығу жұмысы

82 -жаттығу

5.Бірыңғай мүшелерді қатыстырып ойтолғау жазу.

Тірек сөздер: мемлекеттік тіл,байлық, халық, егеменді, бірлік, татулық, халықтар достығы, Қазақстан, ұлттар.

Тақырыптыры: «Ана тілім», «Бірлігі жарасқан елміз».

ІV.Сабақты бекіту

Тест тапсырмалары

1.Бірыңғай мүшелерге тән белгілерді көрсет

А)туынды, негізгі болып бөлінеді; ә)бір сұраққа жауап береді, бір сөйлем мүшесінің қызметін атқарады; б)сөздердің тіркесуі, қосарлануы, бірігуі арқылы жасалады.

2.Сөйлемдегі бірыңғай мүшелер қандай мүшенің қызметін атқарып тұрғанын көрсет.

Ал Исатайдың істерін, ерліктерін сипатын айтқанда Махамбеттің Сөздері нөсер тауындай ақтарылып, аруағы қозып кетеді..

А)пысықтауыш ә)толықтауыш б)бастауыш

3.Сөйлемнің бірыңғай мүшелері дегеніміз не?

А)іс әрекетті, іс* кимылды білдіретін сөз табы ә)сөздердің тіркесі, қосарлануы, бірігуі арқылы жасалған сөздер б) сөйлемдегі қызметі, тұлғасы, сұрақтары бірдей жеке бір ғана ортақ мүшемен байланысатын сөздер.

4.Жалғаулықсыз келген бірыңғай мүшелердің арасына қандай тыныс белгі қойылады?

А)үтір ә)сызықша б)қос нүкте

V.Үйге тапсырма

Ережені жаттау; көркем әдебиеттен 5 сөйлем бірыңғай мүшелері бар.

VІ.Оқушыларды бағалау.