«Дарынды ж?не талантты балаларды о?ыту»

Коучинг тақырыбы: «Дарынды және талантты балаларды оқыту»

Жалпы мақсат:

Дарынды балаларды оқыту мен тәрбиелеуді ұйымдастырудағы басты міндет – балалардың қабілеттері мен таланттарын жан-жақты аша түсу үшін дарындылықтың ерекшеліктерін анықтау мен айқындауға кәсіби көмек көрсету.

Сілтеме:

1. Мұғалімдерге арналған нұсқаулық. 53-60 б.б.

2. «Балалардың дарындылығын диагностикалау» Ү.Б.Жексенбаева.

Түйінді идеялар:

Балалар бойындағы дарындылықты анықтау – ұлттық маңызды мүдделердің бірі. Дарынды балаларды анықтау мәселесі – білім беру ұйымдарындағы балалардың танымдық және тұлғалық дамуы үшін жағдайлар жасау деп түсіндіріледі.

Сабақта қолданылатын ресурстар:

А-3, А-4 флипчарттары, маркер, қалам, стикерлер, мәтін үзінділері, Powerpoint таныстырылымы.

Модульдер:

Дарынды және талантты балаларды оқыту, СТО, АКТ, Оқыту үшін бағалау және оқуды бағалау.

Тапсырмалар:

Блум таксономиясы

Орындауға берілген тапсырмалар

Жағымды психологиялық ахуал туғызу

(3 мин)

1. Мұғалімдермен амандасу:

Саламатсыздар ма, құрметті әріптестер! Желдей жүйткіген уақыттың тізгінін мығым ұстап, арбадағы шәкіртті үлкен жауапкершілікпен өзгермелі заман көшіне ілестіріп жатқан көшбасшылар!

Алдымызда келе жатқан «Отан қорғаушылар» және «Ұлы Жеңіс» мейрамы құтты болсын!

«Ақ көгершін» әнін қабыл алыңыздар.

Топқа бөлу және топ ережесін құрасты-ру.

(2-мин)

Баршаңызға бейбітшілік символы – ақ көгершінді сыйға тартам. Көгершін қанатында цифр жазылған. Сол цифр бойынша топқа бөлінейік.

«Миға шабуыл»

Тапсырма №1

(5 мин)

Ғалымдардың пікірінше дарынды және талантты балалар күрделі қабілеттердің иелері әрі олар адам қызметінің кез келген құнды саласында өз қабілеттерін көрсетуге бейім дейді.

Дарынды балалар бойында қандай қабілеттер мен дарын болады? Топтастырып жазып шығыңыздар.

Білу

Тапсырма №2

(10 мин)

«Дарындылық картасы» әдістемесі. Бұл әдістемені А.И.Савенков жасап шығарған. Сіз сынып жетекші болсаңыз немесе оқытатын сыныбыңыздағы дарынды баланың бойындағы түрлі дарыны мен қабілетін диагностикалап, жеке дарынының даму «портретін» көргіңіз келсе, осы әдіс сізге көмектеседі. Сіздерге бала іс-әрекеті мен мінез-құлқының өзіндік он саласын қамтитын жүйелендірілген 40 сұрақ ұсынылып отыр. Оларды зейін қойып зерделеп, келесі шкаланы пайдалана отырып, әрбір көрсеткіш бойынша балаңызға баға беріңіз.

(++) – егер тұлғаның бағаланып отырған белгісі жақсы дамып, анық байқалып, жиі көрінетін болса;

(+) – белгі анық көрінгенімен, тұрақты байқалмаса;

(0)- бағаланып отырған және оған қарама-қарсы белгі, анық көрінбеген, сирек байқалады, мінез-құлық пен іс-әрекет барысында бір-бірін теңестіріп отырады;

(-) – бағаланып отырған белгіге қарама-қарсы белгі анық жиі байқалады.

Нәтижелерді өңдеу

Жауап парағындағы цифрлар тұсына таңбаларды қойып шығыңыз. Алынған ұпай жиынтығы бала бойындағы мынадай дарындардың даму деңгейіне берген бағаңызды сипаттайды:

Жауап парағы

Түсіну

(5 мин)

Ұсынылып отырған әдістеме дарынды балалар мектебінде қолданылады. Ол мұғалімге баланың түрлі даму қырлары туралы жеке пікірін жүйелендіруге көмек береді.

Әр бағандағы дарынды бала мінез-құлқын сараптай отырып, ол қандай сипаттамаға жататынын табыңыз.

1. Сөздік қоры мол

2. Көптеген нәрседен хабардар және түрлі тақырыпта еркін ой қозғай алады

3. Адамдар мен заттар іс-әрекетінің мәні мен себептерін түсінеді

4. Жандық бақылаушы, өзгелерге қарағанда фильм, әңгіме немесе іс-әрекеттен «көп нәрсе көре алады»

5. Өз сыныбына қойылатын талаптан артық оқи алады

6. Арифметиканы жылдам түсінетіндігін көрсетеді.

1. Мәселені шешуде бірбеткей

2. Жеңіл әрі қызық емес тапсырмадан немесе жұмыста тез босаңсиды

3. Әдетте өзгелерге кедергі келтіреді

4. Іс-әрекетті аяқтауда күш жұмсайды

5. Мұғалім тарапынан көп нұсқауды қажетсінбейді

6. Өз пікірін дәлелдеуде бірбеткей

7. Өзгелердің пікірлеріне әсершіл

8. Басқаларға әсер етуге бейім, өзгелерді жиі басқарады, көшбасшы бола алады

1. Танып-білуге құмар, сұрақты көп қояды (шындыққа жақын емес тақырыптар бойынша)

2. Танымдық ойындарға, қиялдарға (егер... болғанда, не болар еді) беріледі

3. Жиі ерекше жауап беруге бейім, оқиғаларды асыра сілтеп әңгімелейді

4. Өзгелерге жаңалықтар туралы қызбалана әңгімелеуге бейім

5. Әзілкеш, көп жағдайда өзгелерге күлкілі емес нәрседен күлкілі нәрсе көреді

6. Сын тұрғысынан зертелмейінше ресми шешімдерді шындық деп қабылдамайды, себеп-салдарын талап етеді

7. Қалыпты рет бұзылса да, алаңдаушылық білдірмейді.

1. Жауапкершілікті өз мойнына алады

2. Сыныптастары жақсы көреді

3. Бірнеше қызмет түрі бойынша көш бастайды.

Сипаттама түрлері: оқу сипаттамалары; ынталандырушылық сипаттамалары; шығармашылық сипаттамалары; көшбасшылық сипаттамалары.

Қолдану

Тапсырма №3

(5 мин)

Өз қабілетің қандай?

Сөздік пайымдық қабілетіңді байқат

Ынталандыру материалы ретінде үш сөз ұсынылады. Топ мүшелері ұсынылған әр сөз бен сөз тіркесін құра алатындай төртінші сөзді таңдайсыз. Мысалы берілген сөздер: ақ, жылдам, ыңғайлы. Жауап сөз ретінде кеме сөзі сәйкес келуі мүмкін.

Талдау

Тапсырма №4

(10 мин)

Мәтін әсерінен қабілетіңді таныт

1. Сурет сал

2. Өлең жаз

3. Сынға ал

4. Сценарий құрастыр

5. Образға түс

6. Мәнерлеп әңгімелеп бер

7. Әуен жаз

8. Күлкіге айналдыр т.б.

Жинақтау

Тапсырма №5

(5 мин)

Дарындылық деген не?

Бағалау

(5 мин)

Дарындылық туралы біліміңді бағала

«Бұрынғы білімім- жаңа білімім»

Қандай ұсыныстар бар? Пікірлерін стикерге жазғызу.

Модуль туралы танысты-рылым

(5 мин)

Дарынды және талантты балаларды оқыту

Дарындылар мен талантты оқушылар біртекті топ емес, олардың әрқайсысы ерекше қасиетке ие. Дарынды және талантты балалар түрлі салаларда бейімділік таныта алады: олардың кейбірі ғылым мен техника саласындағы ерекше қабілетін көрсетуі мүмкін, ал кейбіреулері өнерде немесе поэзияда , қоғамдық көшбасшылықта көрінеді. Дарындылық пен таланттың ұғымына кең ауқымды зияткерлік, академиялық қабілеттерді, шығармашылық, көшбасшылық қабілеттерді, жеке мүмкіншіліктері мен өнердегі визуалдық және орындаушылық қабілеттерді жатқызуға болады. Сонымен қатар олар бір салада дарынды болса, басқа салаларда қиындықтарға тап болуы мүмкін. Олар дамудың бір кезеңінде өте қабілетті болса, келесі кезеңдерде қабілеттерін танытпауы мүмкін. Бұл дарындылық пен қабілеттіліктерді мұғалімдер, ата-аналар, топ мүшелері немесе балалардың өздері айқындай алады. Дарынды балаларды анықтау – баланың дамуын талдаумен байланысты ұзақ процесс. Дарындылықты қандай да бір әдіспен анықтау мүмкін емес. Дарынды баланы тәрбие беру мен оқыту барысында біртіндеп, сатылап анықтау қажет.Дәл қазіргі уақытта баланы дарынды және дарыны жоқ бала деп келешек өміріне қол сұғу дұрыс емес. Өйткені баланың бойындағы қайталанбас ерекшелігі өсе келе баланың шын мәнінде талантты болатынына кепілдік бере алмайды.