«Жоспар! Бос уақыт! Мен!» ұланбасылар арасындағы жоспарлау тренингі

«Жоспар! Бос уақыт! Мен!» ұланбасылар арасындағы жоспарлау тренингі

Жүргізуші: Армысыздар ұстаздар, оқушылар! «ЖасҰлан» оқушылар мен жасөспірімдер ұйымының «Руханият» бағыты жетекшілерінің «Жоспар! Бос уақыт! Мен!» жоспарлау тренингіне қош келдіңіздер! Осы тренинг аясында өздеріңіздің бос уақыттарыңды қалай ұйымдастырасыңдар, болашақтарыңды қалай жоспарлауға болады т.б мәлімет аласыздар деп оилаймыз. Оқушылар, барлықтарымыз мына бір баяу музыканы тыңдап,ойыңызға не оралды? Сол ойларыңызды ортаға салыңыздар.

(Баяу музыка ойнатылады)

(Оқушылар өз пікірлерін ортаға салады)

Жүргізуші: Ендеше, адам үшін ең қымбат нәрсе – уақыт. Уақытты дұрыс пайдалану, үнемдеу, бағалау керек. Біздің өміріміздегі ең қымбат нәрсе - ол уақыт. Адам белгілі бір уақытта жаратылды, уақытша жаратылды. Уақыт бізге емес, біз уақытқа тәуелдіміз. Уақытты қалаған кезімізде ұзартып, қалаған кезімізде қысқарта алмаймыз. Уақыттың адамға бағынбайтын өз заңдылығы бар. Қазақта уақытқа қатысты "қас қағым сәт", "көзді ашып-жұмғанша", "қамшының сабындай қысқа ғұмыр" тәрізді сөз тіркестері бағзы заманнан қалыптасқан. «Уақыт - емші», «уақыт - төреші» деген де бар. Ендеше, слайдқа назар аударайық.

(Слайд көрсетіледі)

Жүргізуші: Ал енді 2 топқа бөлініп, әр топқа 3 оқушыдан бөлініп отыра қойыңыздар.

1 топ: Бос уақыт

«Бос уақытыңды қалай өткізгің келеді?» тақырыбын қорғайды

2 топ: Жоспар

«Өз болашағыңа жоспар құр» тақырыбын қорғайды

(5минут уақыт беріледі)

Жүргізуші: Уақыт аяқталды 1топ өз жұмысыңызды қорғауға шығыңыздар.

(қорғайды)

Сергіту сәті: Видеоға назар аударып, қимыл-қозғалысты барлықтарымыз бирге жасаимыз.

Жүргізуші: 2 топ өз жұмысыңызды қорғауға шығыңыздар.

(қорғайды)

Жүргізуші: Алмас Темірбайдың «Уақыттан асқан билік жоқ» өлеңін манерлеп оқитын Қажекен Назым

Уақыттан асқан билік жоқ,

Уақыттан озған жүйрік жоқ,

Адамға Алла бұйыртқан

Уақыттан қымбат сыйлық жоқ.

Өзіңді-өзің алдама,

Уақытты салма саудаға.

Жиырма төрт сағат берді Алла

Балаға, кемпір-шалға да.

Жас болып мәңгі жүрмейсің,

Мәңгілік өмір сүрмейсің.

Үнемдеп жұмса уақытты,

Бітеді ол қашан білмейсің.

Әдемі сағат таңдайсың,

Көресің ұстап әрқайсын,

Он сағат сатып алсаң да,

Уақытты сатып алмайсың.

Уақытты жинай алмайсың,

Біреуге сыйлай алмайсың.

Уақытың бітсе, сен оны

Қарызға сұрай алмайсың.

Бұл өмір деген ─ қас қағым,

Өтер де кетер жас шағың!

Сыйлатқың келсе өзіңді,

Уақытын сыйла басқаның...

Жүргізуші: Оқушылар арасында жасалған анкетаның нәтижесінде уақыт жоғалтуға себепші болатын басты факторлар ретінде ұялы телефонмен ойнау, сөйлесу, компьютер немесе планшетпен ойнау, достармен ойнау, теледидар көру және т.б. себептер анықталған. Жоғарыда атап өткеніміздей бұларда да шектен аспауға мән беру керек. Компьютер ойындарының, теледидардың тұтқынына айналып қалмау керек. Телефонмен ұзақ сөйлесулерден тыйылу қажет. Күн ішінде немесе апта ішінде жасайтын істеріңізді, мақсаттарыңызды белгілеп, жоспарлап, бұларды жазып жүру осы мақсаттарға жету, бұған ынталану және анализ жасау тұрғысында пайдалы болып келеді. Жазылған істерді маңыздылығына қарай ретке келтіріңіз және сіз үшін қайсыларының маңызды екендігіне сенімді болыңыз. Назарларыңызға, уақытты тиімді пайдалану туралы видеоны ұсынамыз.

(Уақытты тиімді пайдалану видео көрсетіледі)

Жүргізуші: Ақиық ақын Мұқағалидың
Түн маған ұйықтау үшін берілмеген,
Ұйқы тең шала жансар өлімменен.
Қанша менің өлді екен уақытым,
Ақ жастық, ала жастық кебіндеген - деген өлең жолдарымен аяқтағым келіп отыр. Осымен біздің, бүгінгі, «Жоспар! Бос уақыт! Мен!» тақырыбында өткізілген тренинг өз шегіне жетті. Қатысқандарыңызға көп-көп рахмет! Сау болыңыздар!

А.Тайманов атындағы №34 мектеп-гимназия

Жоспар! Бос уақыт! Мен! ұланбасылар арсындағы жоспарлау тренинг

2020-2021 оқу жылы

«Жоспар! Бос уақыт! Мен!» ұланбасылар арасындағы жоспарлау тренингінің

Анықтамасы

Басты мақсатымыз: Осы тренинг аясында оқушылар өздерінің бос уақыттарын қалай ұйымдастыруға болатынын және де болашақтарын қалай жоспарлауға болатыны жайлы мәліметтермен танысады.

«ЖасҰлан» оқушылар мен жасөспірімдер ұйымының «Руханият» бағыты жетекшілерінің «Жоспар! Бос уақыт! Мен!» жоспарлау тренингіне 8-10 сынып оқушылары көрермен ретінде қатысып, тың деректерге қанықты.

Адам үшін ең қымбат нәрсе – уақыт. Уақытты дұрыс пайдалану, үнемдеу, бағалау керек. Біздің өміріміздегі ең қымбат нәрсе - ол уақыт. Адам белгілі бір уақытта жаратылды, уақытша жаратылды. Уақыт бізге емес, біз уақытқа тәуелдіміз. Уақытты қалаған кезімізде ұзартып, қалаған кезімізде қысқарта алмаймыз. Уақыттың адамға бағынбайтын өз заңдылығы бар. Қазақта уақытқа қатысты "қас қағым сәт", "көзді ашып-жұмғанша", "қамшының сабындай қысқа ғұмыр" тәрізді сөз тіркестері бағзы заманнан қалыптасқан. «Уақыт - емші», «уақыт - төреші» деген де бар. Сол себепті ұланбасылар «Бос уақытыңды қалай өткізгің келеді?» , «Өз болашағыңа жоспар құр» тақырыбында постерлерін қорғады.

Дайындаған: тәлімгер А.Б. Тулегенова