Әскери адамдардың 2050 стратегиядағы орны

Сабақ жоспары.

Тақырып: Әскери адамдардың 2050- стратегиядағы орны.

Максаты: Оқушыларға стратегияны не үшін құратындығын және мағынасын түсіндіру.

Сабақ өткізілетін уақыты орны: 45 – минут. АӘД – сыныбы.

Әдіс-тәсілдер: Баяндама , түсіндіру.

Құрал-жабдықтары: Плакаттар.

Қолданылатын кітаптар: «Егемен Қазақстан» газетінен ҚР Президентінің жолдауы.

Сабақ барысы:

1. Кіріспе – 5 минут

• Сапқа тұрғызу

• Баянат қабылдау

• Жеке құрамды тексеру

• Тақырыппен сабақ мақсатын түсіндіру

• Сабақ барысындағы сұрақ – жауап

1. Негізгі бөлім – 10 минут.

Мазмұны: Қазақстан жолы – 2050:

Бір мақсат, бір мүдде, бір болашақ.

 Бір жыл бұрын ел президенті еліміздің 2050 жылға дейінгі дамуының жаңа саяси бағдарын жария етті. Басты мақсат – Қазақстанның ең дамыған 30 мемлекеттің қатарына қосылуы. Ол – «Мәңгілік Қазақстан» жобасы, ел тарихындағы біз аяқ басатын жаңа дәуірдің кемел келбеті.

Қазақ елі өткен 22 жылда қыруар іс тындырды. Біз үлгілі дамудың өзіндік моделін қалыптастырдық. Әрбір отандасымыздың жүрегінде елімізге деген шексіз мақтаныш сезімін орнықтырдық. Қазақстандықтар ертеңіне, елінің болашағына сеніммен қарайды. Халықтың 97 пайызы әлеуметтік ахуалдың тұрақтылығын және оның жыл өткен сайын жақсара түскенін айтады.

«Қазақстан-2050» Стратегиясы – әскери адамдар үшін ел шекарасын мықтап күзетумен қатар, ел тыныштығын сақтау және ел азаматтарымен азаматшаларының өз халқын, Отанын сүюге, қадірлеп – құрметтеуге және патриоттық сезімге тәрбиелеу арқылы үлес қосуда ерен еңбек көрсетуі тиіс. Қорғаныс министрлігі жаңа қару – жарақ және жаңа заманауи техникамен жабдықталып, біліктілігін шыңдау үстінде. Қысқа мерзімді әскери міндетін өтеуден келісім – шарт бойынша әскери міндетке ауыстыру туралы жоспарланып жатыр. Келісім – шарт бойынша әскери міндеттерін өтеуге жасы 18 – 45 ке дейінгі жас аралығындағы азаматтар мен азаматшалар алынады.

Бүгінде Отанымыздың жетістіктері – әрбір азаматтың ұлттық мақтанышы. Күшті, қуатты мемлекеттер ғана ұзақ мерзімдік жоспарлаумен, тұрақты экономикалық өсумен айналысады. «Қазақстан-2050» Стратегиясы – барлық саланы қамтитын және үздіксіз өсуді қамтамасыз ететін жаңғыру жолы. Ол – елдігіміз бен бірлігіміз, ерлігіміз бен еңбегіміз сыналатын, сынала жүріп шыңдалатын үлкен емтихан. Стратегияны мүлтіксіз орындап, емтиханнан мүдірмей өту – ортақ парыз, абыройлы міндет!

ХХІ ғасырдың Қазақстаны – талантты, еңбекқор, толерантты халықтың небәрі екі онжылдықта «нөлден» бастап құрған елі. Бұл – біздің бәріміз мақтан тұтатын ортақ жемісіміз! Бұл – біздің шексіз сүйетін ұлы туындымыз!

Біз қазақстандықтардың ел болашағының тұтқасын нық ұстауы үшін «Қазақстан-2050» Стратегиясын қабылдадық. Бүгінде көптеген табысты елдер – Қытай, Малайзия, Түркия ұзақ мерзімді жоспар бойынша жұмыс істеуде. ХХІ ғасырда стратегиялық жоспарлау ең өзекті қағида болып саналады. Егер ел өз бағыты мен баратын айлағын білмесе, ешқандай жел оңынан соқпайды. 2050 Стратегиясы айқын шамшырақ секілді басты мақсатымыздан көз жазбай, азаматтарымыздың күнделікті тіршілігінің мәселелерін шешуге мүмкіндік береді. Бұл біздің 30-50 жылда емес, жыл сайын халық тұрмысын жақсартатынымызды білдіреді.

Стратегия – күннен күнге, жылдан жылға елімізді, қазақстандықтардың өмірін жарқын ете түсетін нақты практикалық істер бағдарламасы. Бірақ нарықтық жағдайда аспаннан нәпақа күтпей, тиімді еңбектену керектігін әркім-ақ түсінуі тиіс. Мемлекеттің міндеті – осыған барлық жағдайды жасау. президент әлемнің озық елдері арасындағы Отанымыздың лайықты Болашағы ғана қазақстандықтарды мәңгілікке біріктіретініне сенімдімін.

Ел Президенті дамыған 30 елдің қатарына кіру жоспарымызды ұсынды. Президентің тапсырмасы бойынша Үкімет нақты тұжырымдама жобасын жасады. Осы Жолдаудағы менің тапсырмаларым ескеріле отырып жөнделгеннен кейін түпкілікті бекітілетін бұл құжатты жалпы алғанда қолдадым. Көптеген болжамдар бойынша, алдағы 15-17 жыл Қазақстанның ауқымды серпілісі үшін «мүмкіндіктер көзі» болмақ. Бұл кезеңде сыртқы ортаның қолайлылығы, ресурстарға, энергияға және азық-түлікке сұраныстың артуы, Үшінші индустриялық төңкерістің пісіп-жетілуі сақталады. Біз бұл кезеңді пайдалана білуге тиіспіз.

Біз 2050-дің мақсатына қарай күрделі жаһандық бәсекелестік жағдайында ілгерілейміз. Алдағы онжылдықтарда біз қазірдің өзінде біліп отырған сын-қатерлер, жаһандық нарық пен әлемдік саясаттағы болжаусыз жағдайлар, жаңа дағдарыстар аз кездеспейді. ХХІ ғасырда «жеңіл-желпі жүріп өту» деген болмайды. Ғасыр ортасы да таяп қалды. Әлемнің дамыған елдері соған сай нақты стратегияларын дайындауда. ХХІ ғасырдың орта тұсы күрделі болары даусыз, ал жаһандық отыздық тобының тізіміне кіретін үміткерлер саны тым шектеулі болады. президент «дамыған ел» ұғымының уақытқа сәйкес өзгеріп тұратын категория екенін бірнеше рет айтты. Дамыған елдерде халықтың мүлде жаңа өмір сапасы пайда болуда.

Бүгінде дамығандықтың іргелі көрсеткіштерін Экономикалық ынтымақтастық және даму ұйымына (ЭЫДҰ) мүше мемлекеттер көрсетіп отыр. Оған әлемдік ішкі жалпы өнімнің 60 пайыздан астамын өндіретін 34 ел кіреді. ЭЫДҰ-ға кіруге тағы 6 ел – Бразилия, Қытай, Үндістан,Индонезия, Ресей және Оңтүстік Африка Республикасы үміткер болып отыр. Ұйымға мүше барлық елдер терең жаңғыру жолынан өтті, инвестицияның, еңбек өнімділігінің, шағын және орта бизнесті дамытудың, халық өмірі стандарттарының жоғары көрсеткішіне ие болып отыр. Әлбетте, ЭЫДҰ елдерінің болашақ ұзақмерзімді қарқыны ескерілгендегі индикаторлары – жер жүзінің дамыған 30 мемлекетінің қатарына кіру жолындағы біздің базалық бағдарымыз осы.

Экономикада ішкі жалпы өнімнің жыл сайынғы өсімін 4 пайыздан кем қылмау жоспарлануда. Инвестиция көлемін қазіргі 18 пайыздан бүкіл ішкі жалпы өнім көлемінің 30 пайызына дейін ұлғайту керек. Экономиканың ғылыми қамтымды моделін енгізу Қазақстанның экспорттық әлеуетіндегі шикізаттық емес өнімнің үлесін 70 пайызға дейін арттыру мақсатын көздейді.

Экономиканың жоғары технологиялық жаңа салаларын құру ғылымды қаржыландыруды ішкі жалпы өнімнің 3 пайызынан кем емес деңгейге дейін арттыруды талап етеді. Ішкі жалпы өнімнің энергия тұтыну ауқымын 2 есе азайту маңызды. Шағын және орта бизнес 2050 жылға қарай Қазақстанның ішкі жалпы өнімінің қазіргі 20 пайызы орнына кемінде 50 пайызын өндіретін болады. Еңбек өнімділігін 5 есеге – қазіргі 24,5 мыңнан 126 мың долларға дейін арттыру керек.

Әлеуметтік саланы дамытудың 2050 жылға дейін басты бағдарлары нақты индикативті цифрларда көрсетілген. Біз ішкі жалпы өнім көлемін жан басына шаққанда 4,5 есе – 13 мың доллардан 60 мың долларға дейін арттыруымыз керек. Қазақстан халық құрылымында орта тап үлесі басым елге айналады. Урбанизацияның жаһандық үрдісіне орай қалалық тұрғындар үлесі барлық халықтың қазіргі 55 пайызынан 70 пайыздай деңгейге дейін өседі. Қазақстанның қалалары мен елді мекендерін сапалы жолдар мен көліктің барлық түрінің жүрдек бағыттары байланыстырады.

Саламатты өмір салтының орнығуы, медицинаның дамуы қазақстандықтардың өмір сүру ұзақтығын 80 жасқа дейін арттырады. Қазақстан медициналық туризмнің жетекші еуразиялық орталықтарының біріне айналады. Озық және бәсекеге қабілетті ұлттық білім беру жүйесін құру аяқталады.

Қазақстан әлемде адамдар үшін қауіпсіз және тұруға жайлы елдің біріне айналуға тиіс. Бейбітшілік пен тұрақтылық, әділ сот және тиімді құқық тәртібі дегеніміз – дамыған елдің негізі.

1. Оқушылардың баяндамасы – 22 минут.

1. Сұрақтар қою: Стратегия дегеніміз не? (Қазақ елінің болашаққа нық қадам басу үшін құрылған «Мәңгілік ел» жоспары). Стратегияның мақсаты және еліміздегі саясатта оның алар орны қандай? (Қазақстандықтар ел болашағының тұтқасын нық ұстау үшін 2050 – стратегиясын қабылдадық. Ал саясаттағы орыны халықтың тұрмыс – тіршілігін қамтамасыз ету жолында ел билігіндегі азаматтар талмай еңбек ету). Стратегиядағы негізгі 10 тапсырманың атаулары? Біздің атқаратын міндеттеріміз? (Стратегия бойынша ерінбей еңбек ету). «Мәңгілік ел» деген атауда әскери қызметкерлердің атқаратын қызметі мен орыны қандай болмақ? (Әскери қызметкерлердің міндеттері ел іргесінің тыныштығын қорғау мен қатар сыртқы күштерден қорғанудағы өз айбындарын нық ұстануы және қорғаныс пен қатар патриоттық сезіммен болашақ жастарымызды тәрбиелеу). Жасыл экономикаға көшу туралы тұжырым қандай?(2030 жылға қарай егіс алқаптары 15% - ды суды үнемдеу технологиясына көшеді). Шағын бизнес мамандандырудың маңызы қандай? (Үкімет пен қарапайым халықтың бірлесе отырып ел тұрмысын жақсартудың ең тиімді тәсілі жолға қойылмақ). Стратегиядағы инфрақұрылымдық жолдар туралы тұсініктерің қанда? (1 – ші Астана – Алматы 2 – ші Шымкент – Ақтөбе жолдарын Қарағады – Алматы, Астана – Павлодар – Өскемен, Алматы – Қапшағай – Өскемен автожолдарын салынуды бастадық).

2. Қорытынды бөлім – 5 минут

Сабақты қорытындылау: Қысқаша шолу жасау. Қорытындылау, түсінбеген тұстарын түсіндіру.

Бағалау: 3 минут.

_____________________________________________________

АӘД пәнінің мұғалімі Тулеубеков Е Т