?зін-?зі тану апталы?ыны? ашылуы

«Өзін-өзі тану пәнінің үйретері көп» атты апталықтың ашылуы

Сабақтың тақырыбы: «Өзін-өзі тану пәнінің үйретері көп»

Мақсаты:Өзін-өзі тану – өмірді тану екендігі ұғындыру, адамгершілік құндылықтарды бойларына сіңіруге тәрбиелеу;

Барысы: Музыка ойналып тұрады. Жүргізушілер ортаға шығады.

1-жүргізуші: Сәлеметсіздер ме, көңілі шат, арманы асқақ, талғамы биік оқушылар.

2-жүргізуші: Армысыздар, ұрпағын ізгілікке бастаған, шәкірттер жүрегіне адамгершіліктің дәнін себуге ұмтылған ұстаздар!

1-жүргізуші: Мектебімізде үлкен жаңалық 2 ақпаннан 7 ақпанға дейін өзін-өзі тану пәнінің апталығы өтуде.

2-жүргізуші: Оқушыларды ізгілікке бастайтын ерекше пән апталығында өз үлестеріңізді қосуға ұмытпаңыздар.

1-жүргізуші: Иә, өзін-өзі тану пәні мектеп бағдарламасына пән ретінде енгізілгеніне 5 жыл уақыт болыпты. Осы уақыт ішінде не түйдік, нені меңгердік? деген сауалға жауап ретінде бар үйренгенімізді паш етуге асықтық.

2-жүргізуші: Өзін-өзі тану оқулығын қолға алғаннан бастап ерекше шартты белгілермен таныса бастадық. Әрбір белгінің өзінің ерекшелігі, мақсаты бар.

1-жүргізуші: Өзін-өзі тану пәнінде ән айтып, көңілімізді көтереміз. Жүрегімізге нұр құйылғандай әсер аламыз. «Ризашылық» әні /3 сынып/

2-жүргізуші: Мәтінді рөлдерге бөліп, сахналаған барлық балаға ұнайды.

«Жан сұлулығы» - 5 сынып оқушылары.

1-жүргізуші: Оқулықта берілген жағдаяттар бізге көп ой салады емес пе? Әрқайсысымыз шешімін табуға асығамыз.

Ақын-жазушылардың, ғұламалардың еңбегінен алынған сөздерді түсіну, талдау, мағынасын тану үлкен білімділікті, ойлылықты қажет етеді. Дәйексөз кезеңінде тәлім берер сөздерді танимыз.

2-жүргізуші: Ұлы Абай өз қара сөзінде «Естілердің сөзін ескеріп жүрген кісі өзі де есті болады» деген. Дәйек сөзді үнемі жаттап, есіне сақтап жүрген оқушыларды тыңдайық.

1. Адам – ғалам ғажайып жеке-дара,

Жан құмары – ізденген мәңгі сана.

Өзіңді өзің танысаң – істің басы,

Түзеген өз ғаламын болған дана.

1. Өкінбе, өкпелеме бүгініңе,

Өмір,өмір ,

Болмайды түңілуге.

Мәңгі сені жазбаған сүрінуге,

Қайта тұрып, қақың бар жүгіруге.

1. Нұрланып ізгі жандар тілегімен,

Күн күлер мейірімнің реңінен.

Әлемдік сыйластықтың қызыл жібі

Өтеді әр адамның жүрегінен.

1. Жақсы болу – өзіңнен,

Жаман болу-өзіңнен.

Өзіңді өзің ая да,

Өзің үйрен өзіңнен.

1. Жақсылық көрсең біреуден,

Мен қандаймын деп ойла.

Жамандық көрсең біреуден,

Мен қандаймын деп ойла!

1-жүргізуші: Өзін-өзі тану пәні барлық балалардың жүрегінен жол тауып, жақын достарына айналып үлгерді.

2-жүргізуші: Парасаттылыққа толы сөздер біздің ақыл-ойымызға міндетті түрде әсер етеді.

1-жүргізуші: Өзін-өзі тану – өмірді тану, өзін-өзі тани білген әрбір адам, өзінің бойындағы кемшіліктерді мойындап, түзеуге асығады.

2-жүргізуші: Мейірімділікке, жанашырлыққа, қарапайымдылыққа, отансүйгіштікке шақыратын өзін-өзі тану пәні ізгілікке бастар жолымыз.

1-жүргізуші: Үйретері көп, бұл пәнге, ризашылығымызды білдіреміз. Әрбір бала бақытты болуға лайық.

2-жүргізуші: Осымен апта бағдарламасымен таныс болайық :