Просмотр содержимого документа
«"?ыздан инабат" сыныптан тыс шара »
Тақырыбы : «Қыздан - инабат»
(сыныптан тыс шара)
Мақсаты: қыз балаларды адамгершілікке, әдептілікке, қарапайымдылыққа үйрету, жаман әдеттерден аулақ болуға, өз халқының әдеп –ғұрпын, салт –дәстүрін , ұлттық тәрбиені санаға сіңіру.
Қайырлы күн, құрметті көрермен қауым! Бүгінгі 7 а ,б сыныптары оқушыларының ұйымдастыруымен «Қыздан - инабат» тақырыбындағы «Айтуға оңай» ток шоуымызға қош келдіңіздер!
жүргізуші:
Бүгінгі білім берудегі өзекті мәселе жас ұрпаққа рухани –адамгершілік тәрбие беру.Соның ішінде қыз баланың тәрбиесіне ерекше көңіл бөлгіміз келіп отыр. Қазақ қыздары ұлтжандылығымен, өздеріне тән нәзіктігімен,сүйкімділігімен, рухани тазалығымен ерекшеленуі тиіс. Қазіргі қазақ қыздары бұзылу қаупін бастан кешіруде,олардың бірсыпырасының әрекеттері ұлттық психологиядан ауытқып бара жатқаны байқалады: арын сақтау, ұятты білу, үлкенді сыйлау, кішіні құрметтеу ұмтылып барады деуге болады.
Қазақ отбасында өз баласын мейірімділікке, имандылыққа баулып өсірген. Ал бүгінде сол тәрбие жүйесі түбегейлі өзгерген.Міне сол себепті осы мәселе өзекті, сондықтан бүгінгі кездесуіміздің тақырыбын «Қыздан инабат» деп алдық.
жүргізуші:
«Әкеге қарап ұл өсер, шешеге қарап қыз өсер» дейтін қазақ қыз балаларының тәрбиесіне аса үлкен назар аударды. Көрегенді отбасылары қыз баланы «қонақ» деп мәпелеп, қадірлеп өсірген.Қыз баласының тәрбиесіне ең бірінші анасы жауапты болған.(қазақ қыздары жайлы бейнебаян көрсетіледі).
Кешегі Айша бибі, Домалақ ана,кеудесін сұм соғыста отқа тосқан қос қарлығаш Әлия мен Мәншүк,сахна саңылақтары Шара, Күләш,Ғазиза Роза мен Бибігүл,ел анасы атанған Бикен мен Әмина, ақын апаларымыз Фариза мен Күләш, ел азаматтығы үшін құрбан болған Ләззат пен Сабираға қарап, қазақ қыздарына ғана тән осындай қасиетке ие болатын халықымыздың қайсар қыздарына қалайша таң қалмасқа?! Кешегі Жібектің,Қорланның кербез қылығы бүгін бар ма?Қазақ қыздарын бұрынғыдай сыйлай ма? Ал дәстүрден бүгінгі күні не қалды?
Бүгінгі бас қосуымызға осы сұрақтардың мазалауы себеп болып отыр. Осы тақырыпты талқыға салмас бұрын ортамызға бірінші қонағамызды шақырсақ: мектебіміздің қыздар төрайымы Қадырова Шынар апайымызды ортаға шақырамыз.
жүргізуші:
Төрлетіңіз. Өзіңізге қояр алғашқы сұрақ: Қазақ халқының тәрбие беру жолдары кешегі күні қандай еді, бүгінгі таңда қандай дәрежеде деп ойлайсыз? (қонақ пікірі тыңдалады.)
жүргізуші:
Ұлттық тәрбие отбасынан бастау алатын болғандықтан инабаттылық, мейірімділік, ана сүтімен, ана тілімен орныға бастайтыны аян.Сол себепті халық даналығы «Сүтпен біткен мінез, сүйекпен кетеді» деуі заңды. Ата –аналарымыз бала тәрбиесіне ата –ана ғана емес ауыл болып көңіл бөлген. Мысалы, үлкенге сәлем бермегеннің өзі сыйламаушылыққа жататын. Жалпы салт –дәстүр халықтың рухани мәдениетінің қазығы.Үлкенді сыйлау, ақылын тыңдау көрегендік деп есептеледі. Сондықтан үлкенді сыйлау керек.
2-жүргізуші:
Құрметті көрермен ,көпке топырақ шашудан аулақпын, дегенмен арамызда батысқа еліктеушілік,өз тілін бұрмалап сөйлеу, ашық –шашық киініп,үлкенге ізет, кішіге құрмет көрсетуді жөн санамай қалай болса, солай жүретін жастарымыз кездеседі. Сондықтан да парасаттылығымызды, мәдениеттілігімізді, адамгершілігімізді жоғалтып алмай ұлдар– ұлағатығымызды, қыздар –инабаттылығымызды ұстай білейік.
1-жүргізуші:
Ерасыл келесі қонағымызды ортаға шақырудың орайы келіп тұрған сияқты , олай болса мектебіміздің психологы Ләззат апайымызды ортаға шақырсақ.
Өзіңізге қояр сұрағымыз: психологиялық тұрғыдан қарағанда қыздардың тәрбиесі кеше және бүгінгі күні қандай екеніне тоқталып өтсеңіз. Қазақтың ұлттық психологиясындағы қыз бала тәрбиесі қандай болуы тиіс деп ойлайсыз? (қонақ пікірі тыңдалады.)
2-жүргізуші:
Абай атамыздың жетінші қара сөзіне құлақ түрейік. (бейнебаян)
Ендігі сөз кезегін мектебіміздің тәрбие ісі-жөніндегі меңгерушісі Сарқытбай Ақнұр апайымызға береміз. Сізге қояр сұрағымыз:
Имандылық, инабаттылық, парасатылық секілді асыл қасиеттер бойларына дарыған қазақ қыздарының арасында заман талабына, батыстық, шығыстық бағытқа еліктеп, ұлттық менталит ,игі дәстүр ізінен аттап кетушілер аз да болса кездесіп жатады. Осы орайда қыз бала тәрбиесіндегі ислами қағидалардың алатын орны қаншалықты ерекше екеніне тоқталып өтсеңіз? (қонақ пікірі тыңдалады.)
1-жүргізуші:
Енді кезекті даярланған шағын бейне материалымызға берсек.
Бейне материалдан қандай ой түйдіңіздер?
Қазақ қызды қашанда қырық үйден тыйып, тәрбиесіне аса мән беріп өсірген. «Қызға қырық үйден тыю» деген аталы сөздің мағынасын қалай түсінесіңдер?
Оқушылар ой пікірлеріңізбен бөлісе отырсаңыздар.
(оқушылар пікірі тыңдалады)
2-жүргізуші:
Сонымен тоқсан ауыз сөздің тобықтай түйінін қорытындыласақ, өзге халықтар сияқты қазақ елінде де бала тәрбиесі жөнінде атам заманнан бергі жиып терген мол тәжірибесі бар. Сіздер ертеңгі ұрпақты жалғастырушыларсыздар. Ертеңгі күні өркениетті ел болып, көптің алдында, көштің басында болуымыз сіздердің қолдарыңызда екенін ұмытпаңыздар. Бүгінгі отырысымызда айтылған жақсы қасиеттерді өз бойларыңа сіңіре біліңдер. Айтуға оңай. Осымен кездесуімізді аяқтаймыз. Сау саламатта боыңыздар.
