Цаһана Белдвр
Самбрт бичх: Цаһана Белдвр
Нөкц үгмүд: ааһ, шанһ, хәәсн, ниск. Цаһана туск келвр. Окн- Теңгрин зург. ЗУЛ.
Наадн: компьютерн наадн “Цә чанлһн ”
Күүкд гиичнрлә мендлнә.
Ээҗ: Бидн хальмг авъясар эн төрән эклнәвидн.
Адьян: Ирсн гиичнриг барун һар, барун көл ширә хәләһәд орулҗ суулһдмн.
Бата: Хальмг улст күндтә хотнь- цә, ирсн гиичдән күндләд цә бәрүлҗ өгнә.
Ээҗ: Күүкд өрк- бүлин тускар келҗ өк.
Алтан: Эн мини дү көвүн, ах, эцк, авһ, аав, ээҗ.Аав, ээҗдән бидн – ачнр.
Намҗл: : Эн мини дү күүкн, эгч, эк, наһц, наһц аав, наһц ээҗ. Наһц аавдан, наһц ээҗдән бидн – зеенр.
Ээҗ: Эн өрк- бүләрн цаһана белдврән эклхмн.
Ээҗ: Хальмг улс цаһан өдр эн бурхнд зальврна. Эн ямаран бурхн?
Сурһульчнр: Окн – Теңгр.
Цуһар йөрәл келнә: О! Хәәрхн.
Окн – Теңгрин сәкүсн евәҗ.
Олн әмтн төвкнүн бәәҗ.
ЦаҺаһан кеҗ
Цуһар байрта бәәтхә.
Ээҗ: Ода бидн цәәһән чанхм (нөкцл үгмүдән давтхмн)
Ээҗ: Эн ишкә герин дотркас маднд юн кергтә?(хәәсн).
Цә чанхла хәәснд юн кенә?
Саша: Ус кенә. Хар усхоосар буслһдм биш.
Уснд ю тәвнә?
Андрей: Уснд цә тәвнә.
Дәкәд ю тәвнә?
Леша: Уснд давс тәвнә.
Усн цәәтәһән буслхла ю кенә?
Вика: Үс кенә.
Дәкәд цәәд ю тәвнә?
Оля:Цәәд тос тәвнә.
Давид:Цәәд зать тәвнә.
Ээҗ: Герин эзн күн цәәһән самрад цә кенә.
Агиля: Цәәг бару нам эргүлҗ самрдг, хамг сансн күцтхә гиһәд.
Лиза: Цәәһәс дееҗ бәдм. Дееҗ бәрдг бичкн аһ бәәх йоста. Дееҗиг бурхна өмн тәвдмн.
Церен: Цәәһәс зулг өргдмн. Хойр- һурвн дусал цә шаанһд авад, үүдәрн һарад, үүднә деевр тал цацдмн.
Даяна: Ааһд цә дегд дүүргәд эс гиҗ дегд дундар кедм биш. Цә хойр һарарн бәрҗ өгдм.
Алтана: Цә уухин өмн барун һарин дунд хурһна үзүр норһад, өөдән цацна. Йөрәл тәвнә.
Церен: Улан цә зандрҗ
Уухин дееҗ болҗ
Уусн мадндан аршан болҗ
Ут нас, бат кишг
Деедс заях болтха
Элвг: Ширә деертн улан зандн цә уурарн канкнҗ
Улан чирәһәрн үзлцҗ
Уста нүдәрн харһлцҗ
Амрҗ җирһҗ йовтн.
Саша: Цә шиңгн болв чигн идәнә дееҗ
Цә- чигән өлвг делвг болҗ
Улан зандарн асхрҗ
Уусн маднд арүан болтха.
Алтана: Ааһта цәәһән бәрүлҗ, ааһин ам зуулһҗ
Улан зандн цәәһән
Өдр болһн чанҗ амулңг байрта йовцхай.
Цуһар: Тигтхә, йөрәл шиңгртхә.
Үлгүрмүд.
Саша: Экин хәләҗ күүкин ав, ааһин хәләҗ хотин у.
Церен: Цаасн нимгн болвчн номин көлгн,
Цә шиңгн болвчн идәнә дееҗ.
Андрей: Цә самрх дотран зальврх.
Агидя: Җомбаһас оңгдан хот уухшв, җораһас оңгдан мөр унхшв.
Оля: Хотынь сәәнинь күүнд өг, хувцна сәәнинь эврән өмс.
Шүлгүд
Оля: Уух идх тоотас
Уурта шимтә хотас
Уул чинрән даасн
Улан хальмг цә.
Бата: Цәәһәс әмтәхн уга
Цәәһәс чинртә уга
Цәәһәс үнтән уга
Цәәһәс ахнь уга.
Лида: Цәәгәр дееҗ бәрдг
Цәәгәр цацл цацдг
Цәәгәр гиичән тоодг
Цәәгәр хот кедг.
Ээҗ: Цәәһин тускар келчквидн. Цаһан өдр дәкәд ю кенә?
Боорцг шарна.
Компьютерд бәәсн нердүд келҗ өгх(целвг, җола, мошкмр, тохш, хорха).
Йөрәл.
Адьян: Идән – чигән өлвг болҗ
Эзн мөңк нас зүүҗ,
Эн цаһаһан кеҗ,
Олн әмтн
Амулң бәәх болтха!
Саша: Эн байрта Цаһан сард
Шар нарн халулҗ
Көк ноһан һарч
Үләс һарсндан байрлҗ,
Өсҗ, босҗ
Оньдин амулң йовцхай!
Агиля: Җил болһн иигҗ
Цаһаһан тосҗ
Борцг – тохшан кеҗ,
Амулң менд бәәтн!
Аня: Орҗах Цаһан Сар
Өлзәтә цаһан хаалһтаболтха
Үсн- тосн өлвг- делвг болт
Көк ноһан шавшҗ урһтх
Деед олн бурхд евәтхә.
Церен: Ирсн мана Цаһан Сар
Байрта бахта болҗ,
Өнкр көвүд- күүкд
Өсҗ, босҗ
Орчлң ни – негн
Дән- даҗг уга
Амулң менд бәәх болтха!
Давид: Эндр мана бичкдүд
Цаһаһан кеҗ,
Үүрмүдтәһән ни – негн бәәҗ
Эрдм билгән үзүләд
Байрта бәәтхә!
Адьян: Ирсн гиичнр ширә зөв эргәд һардм.
Ода мана күүкд нәәрән үзүлх.
