Наша?орлы? ?о?ам дерті

Сабақтың тақырыбы:Ар-намысым, мақтанышым желтоқсан.

Сабақтың мақсаты:Оқушыларға желтоқсан оқиғасы туралы түсінік беру,

тәуелсіздік туралы ой-өрісін, ойлауларын дамыту.Туған елін,

жерін сүюге, ұлтжандылыққа, Отанын сүйе білуге тәрбиелеу.

Сабақтың көрнекілігі:суреттер, интерактивті тақта.

Сабақтың барысы:1.Ұйымдастыру кезеңі

2.Жаңа сабақ

1-жүргізуші:Жалғасып соғыс өрті сан ғасырға,

Біз көрдік хас дұшпанның балтасын да.

Еліме тәуелсіздік келіп жетті,

Мыңжылдық күрестердің арқасында.

2-жүргізуші:Жаңғырды халқымыздың мың өшкені,

Бар мұнда сан ұрпақтың үлестері.

Ел үшін мәңгілікке жалғасады,

Ақыл-ой, ар-намыстың күрестері.

1-жүргізуші:Құрметті қонақтар бүгін біз еліміздің сан мың жылдар бойы

армандаған , ғасырлар бойы найзаның ұшымен, дүниені дүр

сілкіндірген Желтоқсан оқиғасымен келген, тарихымызда қалатын

Тәуелсіздік, Егемендік күні мерекесіне арналған «Ар-намысым,

мақтанышым- желтоқсан» атты тәрбие сағатымызды сіздерге

ұсынамыз.

1-оқушы:Тәуелсіздіктің түп тамыры желтоқсан оқиғасы, 86-шы жылдың қайғылы

оқиғасы бір күн, бір жылдың көрінісі емес,тарихымыздың көрінісі.

2-оқушы: «Түбін білмеген-тексіз» деген қазақтың ғажап сөзі сонау бабалар

арманынан туындап жатыр.

3-оқушы:Кешегі үш жүзді бір тудың астына жинаған Абылай хан тұсындағы төбе

билеріміз қазақ қамы үшін сөз саптаған еді.Егемендік пен бірлік-Төле

бидің толғауында, Қазыбек бидің қаз дауысында, Әйтеке бидің

шешендігінен көрініс тапқан.

( ортаға үш би шығады)

Төле би:-Бір үйдің баласы болма,

Көп үйдің санасы бол.

Бір үйдің атасы болма,

Бар елдің данасы бол.

Халқына әділ бол.

Жауыңа қатал бол,

Досыңа әділ бол.

Қазыбек би:-Біз қазақ- мал баққан елміз,

Ешкімге соқтықпай жай жатқан елміз.

Елімізден құт-береке қашпасын деп,

Жеріміздің шетін жау баспасын деп,

Найзаға үкі таққан елміз.

Әйтеке би:-Бай болсаң халқыңа пайдаң тисін,

Батыр болсаң жауға найзаң тисін.

Хормен:Елім, ел болам десең, бесігіңді түзе, бірлігіңді жойма!

Ән: «Батырлар»

1-жүргізуші: Бабалар арманы, бабалар үміті үзілген жоқ! Ел болуды армандаған

кешегі Ахмет, Мағжан, Шәкәрім, Сәкен, Бейімбет; Міржақыптарды

да маңдайымызға сыйғыза алмадық.

2-жүргізуші:Бірақ қазақтың ер ұлдары мен қыздары азайған жоқ.Оның айғағы-

осыдан 23 жыл бұрын ел намысы үшін жанын берген желтоқсандықтар

еді. Ол әйгілі Желтоқсан оқиғасы еді.

4-оқушы:Желтоқсан айы естесің,

Дауыл боп бұрқап ескенсің,

Бұрқ етіп қазақ баласы,

Алаңға қарай ағылды,

Таусылып барлық шарасы.

5-оқушы.Жанымыз жомарт қазақпыз,

Мәңгүрт боп кете жаздаппыз.

Қосайық басты бауырлар,

Жанайық жансақ маздап біз.

6-оқушы:1986 жылғы желтоқсан оқиғасы саяси әлеуметтік көтеріліс болды.Жел-

тоқсан жаңғырығы қазақстанның барлық қалаларына естілді.

7-оқушы:Қазақтың қаншама жастары елі үшін қанды шеруге шықты.Олар:Ләззат

Асанова, Ербол Сыпатаев, Сәбира Мұханбетжанова, Қайрат Рысқұлбеков

еді.

Көрініс: (екі жағында милиция ұстаған Қайратты сүйретіп әкеледі)

Тергеуші:Сен милиция қызметкеріне тиістің ғой.Шыныңды айт.Сотта жазаң

жеңілденеді.

Қайрат:Жоқ. Мен адам өлтірген жоқпын.Жазаласаңдар жазалаңдар.

Тергеуші: Шеруде болғаны үшін Қайрат Рысқұлбеков ату жазасына бұйырылады.

Қайрат:Қайрат деген атым бар,

Қазақ деген затым бар,

Еркек тоқты құрбандық

Атам десең атыңдар!

(қолында гүлі бар кішкентай қыз бен анасы келеді)

Анасы:Қиын сәтте жалау еткен намысын,

Бағын жансын, қайсар ұлым

Жанын қиған ары үшін.

Алматыға Ноғайбайдың ұлы болып аттанып,

Бар қазақтың мақтаны боп қайта оралған арысым!

1-жүргізуші:Қайсар рухымен халқының тәуелсіздігі үшін жас ғұмырын сарп еткен

Қайрат Рысқұлбековке Халық Қаһарманы атағы берілді.Жауқазын жанды

жас өмірлері ерте үзілді.Бірақ жыл құсындай желтоқсан құрбандарының

аты аңызға айналды, ел жадында мәңгілік жаңғырып қалды.

Ән: «Туған ел»

8-оқушы:Тәуелсіздік оңайлықпен келмеді,

Бізге бұны ешкім аяп бермеді.

Тәуелсіздік-Қайрат, Ләззат, Ерболдың,

Тас көшеде тас-талқан боп өлгені.

9-оқушы:Шалажансар қар астына көмгені,

Тәуелсіздік ата-баба арманы

Қандай елмін бүгін, міне, көр мені,

Алаулайды мүмкін емес сөнбегі!

10-оқушы:Тойланып мың мереке, ұлыс күні,

Құйылған шаңырақтың ырыс нұры

Халқымның бақыты үшін аз байлық па,

Тәуелсіз еліміздің тыныштығы.

2-жүргізуші: «Жарық дүние жақсы адамдарсыз болмайды» демекші тәуелсіздік

үшін құрбан болған ағаларымыз бен апаларымыздың ерлігі ешқашан

ұмытылмайды.Желтоқсан –ерлік тарихымыз.

1-жүргізуші:Тәуелсіздігіміздің тұғыры биік, халқымыздың еңсесі жоғары,

егемендігіміз баянды болсын!

Ән: «Ақ тілек»

Солтүстік Қазақстан облысы Ақжар ауданы Талшық орта мектебі

Тақырыбы:

Дайындаған:

Адилева Д.М

2015-2016 оқу жылы