Бала т?рбиесіндегі ата-ананы? жауапкершілігі

Тақырыбы: «Бала тәрбиесіндегі жауапкершілік және қауіпсіздік»

Мақсаты:

• қазіргі кездегі баланың дамуына, жеке тұлға болып қалыптасуына ата - ана тәрбиесінің әдіс - тәсілдерін жетілдіре отырып, қарым - қатынас орнату және ұлттық сананы бойына сіңіру. Ата - аналарды мектеппен, мұғалімдермен тығыз байланыста болуға шақыру. Тәрбие сапасының жоғарылауына ықпал ету.

Әдістері: пікір алмасу, жағдаяттық сұрақтар, Шараның өтілу барысы:

I. «Танысу» тренингі І. Топқа бөлу. ІІI. Пікір алмасу. IV. Жағдаяттық сұрақтар. V. Ой қозғау. «Бала деген кім?» VІ. Ата-ана  басшылыққа алу қажетті  ұстанымдар;

VII.Қорытынды

Бүгін бізде қонақта ата - аналар отыр. Біз топпен жұмыс істейміз.

  1 - топ: «Жауапкершілік» тобы

  2 - топ: «Қауіпсіздік» тобы

  Даналық сөз: «Баланы дұрыс тәрбиелеу - бұл біздің қарттық шағымыз, жаман тәрбиелеу - бұл біздің келешек қасіретіміз»

А. С. Макаренко

1.  «Танысу» жаттығуы.

Ата-аналар өз есімдерін және баласының есімінің неге сүйеніп қойғандарын айту.балаларымыздың аттары қалай қойылғандығына сипаттама беріп,шағын тарихын айтып шығасыздар.Кім қойды,себебі,кімнің және ненің құрметіне деген сияқты.

• Қандай  әсер алдыңыздар ?
• Не қиындық келтірді ?

ІI. Топқа бөлу.

Ата - аналар стикерге жасырынған мақалдың әрбір сөздерін оқып шар тұрған үстелге жайғасады

• 1)Атаның еккен ағашы ұрпаққа сая;
• 2)Бала-ананың бауыр еті;

III. пікірсайыс тақырыбы:

«Бала тәрбиесіне кім кінәлі?»

• Құрметті ата-аналар бүгін біздің өткізгелі отырған пікірсайыста қозғалатын өзекті мәселе «Бала тәрбиесіне кім кінәлі?» деп аталады. Осы күрделі тақырыпты анықтау үшін бүгін бізде екі топ пікірсайысқа қатысқалы отыр

Енді бүгінгі пікірсайыстың негізгі желісі «Жұмбақ кейіпкер» сөзіне кезек берсек.

«Жұмбақ кейіпкер» сөзі: Мен мектепке дейін ата - анамның сүйікті ұлы болдым, мектеп қабырғасында бастауыш класта сабақты жақсы оқыдым. , бірақ өзім қатарлы балаларға үстемдік жасағанды ұнататынмын. Бұл жағдай 7-8 класс оқыған кезімде онан сайын өрши түсті. Өз қатарымнан көрі ауладағы жасы үлкен топтағы балалармен бірге жүруді дағдыға айналдырдым. Олардан темекі, наша тартуды үйрендім. Осындай көңілді бір сәтте көшеде келе жатқан бір балаға тиісіп төбелес ұйымдастырдым, оның аяғы ол баланың ауыр жарақат алып өлуімен аяқталды. Мен тұтқындалып ауыр қылмыс жасағаным үшін бас бостандығымнан айрылдым. Қазір түрмеде отырмын. Түрмедегі жағдайым өте ауыр. Өткен өмірімде жіберген қателіктерім, дөрекілігім үшін қатты өкінемін. Осындай деңгейге жетуіме жол берген, ақылдарын айтпаған кінәлі жандарды іздеймін..

Топ басшылары конверттер алу арқылы тапсырмаларын алады. - Қәнекей, топ басшылары өздеріне берілген тапсырмаларды таныстырып отырсын. Пікірсайыс басталмас бұрын көрермендер арасынан жеңімпаз топтарды анықтау үшін дауыс беру құралы қуанышты немесе ренішті смайлик арқылы көрсетеміз.

- Құрметті көрермен мен сарапшылар, пікірсайыстың жүру барысы мұқият бақылауларыңызды сұраймын. Себебі, пікірсайыстың соңында екі топтың құнды пікір айтқандығын сіздер анықтайсыздар.

• 1-топ : Әке тәрбиесін кіналаушылар;
• 2-топ: Ана тәрбиесін кіналаушылар;
• Ойлануға 5 минут уақыт беріледі. Пікірсайысты бірінші номерлі топ бастайды. Бірінші топ тапсырмасы: Жұмбақ кейіпкеріміздің дұрыс тәрбие алмауына кінәлі әкенің дұрыс тәрбие бермеуінен бала осындай деңгейге жетіп отыр деп санайтын топ пікірін тыңдасақ.
• Топ мүшелері өздерінің пікірлерін кезектесіп айтып шығады.
• Кезекті екінші топқа берсек. Екінші топтың тапсырмасы: Жұмбақ кейіпкеріміздің дұрыс тәрбие алмауына кінәлі анасының кінәсінен бала осындай деңгейге жетті деп санайтын топ пікірін тыңдасақ. Мұнан кейін топтар айтылған пікірлерге сәйкес бір бірлеріне екі сұрақтан қойып жауаптар береді.
• Пікірсайысқа байланысты сарапшылар смайлик арқылы екі топ пікірлеріне сараптама жасайды.

• Құрметті көрермендер сіздер бүгін «Бала тәрбиесіне кім кінәлі» атты ата-аналар арасында өткізілген пікірсайысты көріп тамашаладыңыздар, ой түйдіңіздер. Енді осы тақырып бойынша және ата-аналардың пікірсайыс барысындағы белсенділігі мен олардың берген жауаптарының құндылығына байланысты өз пікірлеріңізді ортаға салсаңыздар. Қай топ қатысушылары осы пікірсайыста жан-жақты ұтымды ойымен жауап бере алды деп ойлайсыздар?

• IV. Жағдаяттық сұрақтар «Қымбат машина» әңгімесі «Бірде әкесі Аманға жаңа ойыншық сатып әкеліп берді де: «Сындырушы болма, қымбатқа сатып алдым»- дейді. Қандай ойыншық десейші. Қара бояуы жалтылдаған әдемі машина. Келесі күні Аман жаңа ойыншығын құшақтап аулаға шықты. Сыртта оны Рахат, Қанат, Мұса қоршап алды. - Қараңдаршы, папам әперді. Аман машинасын құшағынан шығармай мақтана сөйледі. - Келші көрейік... Бере тұршы жүре ме екен? - Қандай әдемі, кел. ойнайық. Аман ойыншығын құшақтап оларға бермей қойды. Әрі - беріден соң Рахат та, Қанат та, Мұса да өз беттерімен ойнап кетті. Аман ойыншықты үйге әкеліп, төсегінің астына қойды да сыртқа шықты. Қараса, балалар өздерінше арық қазып ойнап жүр екен. Аман қызығып, жүгіріп қастарына келді. - Мен де ойнайыншы. - Ал, балалар болса үндемей, ойындарын жалғастыра берді.»

Сұрақтар: 1. Әңгімеден не түсіндіңіздер? 2. Кім қателік жіберді деп ойлайсыздар? 3. Аман кінәлі ме? 4. Аманның әкесінің орнында сіздер қайтер едіңіздер?

V. Ой қозғау:

Бала деген кім?

Ата- аналар балаларын қалай жақсы көретіндерін стикерге жазып,жүрекшеге іледі.

• VI. Ата-ана  басшылыққа алу қажетті  ұстанымдар:   1.Баланың ең  алдымен денсаулығын қадағалау қажет 2. Баламен жақын дос,сырлас болуға тырысу. 3.Баланың ісіне күдікпен қарамай ,түсіністікпен қарау 4.Баласының  достарының  арасына түспеу 5.Балаңыздың  немен айналысатынын,қандай іске икемді екенін бақылау 6.Баланы еркін  тәрбиелеу. 7.Баланы ойланып сөйлеуге  дағдыландыру. 8.Баланың өзіне деген сенімін қалыптастыру.

VII. Қорытынды:

• Бүгінгі сабақты қорытындылай келе, естігенімізді, көргенімізді, түйгенімізді, одан әрі дамыта береміз. Өйткені бұл тақырып бір сағатта, бір күнде айтып бітіре салатын нәрсе емес.Ата-аналардың бүгінгі тақырып туралы жақсы пікірлерін тыңдадық, ой түйдік. Сондықтан әр адам өзін өзі танып, тәрбиелей білуі керек. Міне, бүгінгі «Бала тәрбиесіндегі жауапкершілік және қауіпсіздік» атты пікірсайыста азда болса тұлғаны танып білуге, өздеріңізді тануға жол ашты деп ойлаймын. Бүгінгі пікірсайыста өз ойларыңды ортаға салғандарыңыз үшін баршаңызға ризашылығымды білдіремін.