Сыныптан тыс ж?мыс "Досты? ?ымбат ?мірде "

Сабақтың тақырыбы: «ДОСТЫҚ ҚЫМБАТ ӨМІРДЕ»

Мақсаты: 1 балаларды достарымен жағымды қарым - қатынас жасауға үйрету;2 өзара сыйластық, өзара түсіністік, өзара көмек қарым - қатынастарын дамыту;3 татулыққа, достыққа ұжымшылдыққа тәрбиелеу.
Көрнекі құралдар: үнтаспа, сюжетті суреттер.

Көрнекі құралдар: Ақ қағаздар, түсті қарындаш, фломастерлер.

Әдісі: Ойын сабақ

Сабақтың барысы:

І. Ұйымдастыру кезеңі:Психологиялық дайындық
Шаттық шеңбері: Әрқашан дос, біргеміз,
Ажырамас іргеміз.
Дос болайық бәріміз,
Жарасып тұр әніміз.
Балалар бір - біріне көргендеріне қуанышты екендерін білдіру үшін, бір - біріне жақсы тілек жылы сөз айтады.
ІІ. Қызығушылықтарын ояту

Дос болайық бәріміз, Жарасып тұр әніміз.

Тыныштықты сақтаймыз, Атсын күліп таңымыз.

Мұғалім сабақ тақырыбын ашу мақсатында тақтаға «Жүз теңгең болғанша - жүз досың болсын» дейтін мақал іледі және оның мәнін түсіндіреді:
- Балалар, достықтың қадірін білген, оның мәніне терең үңіле білген халқымыз осы мақал сөзді әрдайым өнеге етіп айтып отырған. Достық қашанда бәрінен қымбат. Мақалдың мағынасынан егер қалтаңда жүз теңгең болса, оны керегіңе жұмсайсың, ол тез ақ таусылып қалады. Ол ақшаға алған затың, ішкен - жегенің ұмтылып та қалады. Ал соншама досың болса, ол әрдайым қуанышқа бөлейді, әр уақытта қасыңнан табылады, сенімен әрдайым бірге болады.

• Балалар, өмірде Доссыз адам өмірінің мәні, сәні болмайды, тағамның тұзсыз дәмі болмаған секілді.

- Сонымен, балалар, «Доссыз адам – тұзсыз тағам!» деп бекерге айтылмаған. Ендеше, « ДОС » сөзіне дәм кіргізейікші, ол қандай болу керек, ол кім? Оның қазір көркі болмай, шуақсыз көңілсіз күндей, оған қасиеттер кіргізіп нұрын шашардай күндей етейікші. ( тақтада берілген күн « ДОС » сөзіне « шуақтарын » жазу )

Жолдас сыр бөлісетін адам

сенімді ДОС көмекші, мені өте жақсы түсінетін адам

қамқоршы қиындықта бірге болар

қандай жағдай болмасын бірге болатын адам

• Ендеше, бір-бірімізбен қол алыса отырып, өз ұранымызды айтайықшы.

Дос болайық бәріміз,

Жарассын достық әніміз.

Иықтасып жүрейік,

Қиындықта бәріміз. ( қимылмен көрсету )

Ойын. Мен қандай баламын?

Әр балаға бір парақ қағаз беріледі. Әр бала қағазға сол жақ қолдын суретін салып бас жағына аты жөнің жазады.Жазылған қағаздарын бір-бірімен ауысады. Әр бала досының бойындағы жақсы қасиеттерді жазып, сол парақ өз иелеріне қайтарылады. Әр бала достары жазған қасиеттерді кезекпен оқып шығады.

• « Менің достарым» атты тақырыпқа сурет салғыздыру. Суреттерде балалардың балабақшадағы достары; аулада ойнайтын құрбыластары; сыныптастары; бірге серуендейтін достарын бейнелейді.
  Балалар осы суреттерге қарап, өздерінің балабақшада бірге ойнаған достарын көз алдарына елестетіп, олардың есімдерін естеріне түсіреді; қандай ойындар ойнағандарын.Ауладағы құрбыларымен қандай ойыңды қалай ойнағандарын, ойын кезінде қандай қызықтар болғанын әңгімелеп, сурет арқылы салып береді.

• Сыныптастарымен сыныпта бір - біріне қандай өзара сыйластық, өзара көмек жасауды білгендерін, бірлесіп қандай істермен шұғылданғандарын сөз етеді. Сондай - ақ серуендеу кезінде достарымен қалай жүргендерін, қызықты оқиғаларды естеріне түсіріп әңгімілеп береді.
  
  

• Қорытындыға келейік. Қалай ойлайсыңдар, бұзақылық болу керек пе?

Сыныптың ішінде сондай сотқар, бұзақы оқушы бар ма?

Бұзақы болсаңдар не істер едіңдер, қателеріңді қалай түзер едіңдер?

( кешірім сұрап, тәртіпті оқушы болу керек )

ПІКІР АЛМАСУ: - Сендерге татуласу ұнады ма?

• Не сездіңдер? ( қуаныш, бақыт )

• Сендерге ренжіскен ұнады ма?

• Не сездіңдер? ( уайым, қайғы )

Қорытынды: - Сонымен, балалар, біздің сынып қандай? Сынып арасында сыйластық, достық қатынас орнаған ба? Бүгін не туралы өттік? Дос дегеніміз не? Сабақ сендерге ұнады ма?

Осымен сынып сағатымыз аяқталды. Барлықтарың жақсы қатыстыңдар, көптен-көп рақмет. Мен сендерге өте қуаныштымын.