"Студенттік Оскар-2017"

Студенттік «Оскар-2017»

Студенттік шақ –  оқу орнында оқыған немесе оқып жатқан әрбір адамның өміріндегі ең жарқын кезең болып саналады. Жастық кез қимылға, эмоциаға, өмірді тануға құштарлық пен білім жинауға толы. Колледждің қоғамдық өмірі мазмұнды және қызықты. Әрбір студенттің белсенді өмірлік ұстанымы, патриоттық рухын және оптимисттік көзқарасы жоспар мен бағдарламалар негізінде қалыптасады. Студенттік өмірдің ерекшелігі әрбір студенттің өз уақытын пайдалы әрі қызық өткізуі болып табылады. Студенттік өмір - қиындығы мен қызығы қатар жүретін, адамның есте қалар ерекше кезеңі ғой. Алғашқы кезде үлкен қалада ата-анаңсыз өзіңнің оқуың, жаңа ортаға үйренісуің, сабақтың қиындығы, тамағың бірде бар бірде болмай қалатын кездері қиын болады. Кейінен баріне бейімделіп кеткеннен кейін, жаңа достар тауып қаламен танысып қызықтар басталады. Соған орай колледжімізде «студенттік Оскар-2017» атты студенттік билет табыстау кеші өтті.Кешке 1-2 және де жоғары курс студенттері белсене ат салысып өз өнерлерін көрсетті. Колледж директоры А.Байешов оқуға түскен студенттерді құттықтап, ата-аналарының үмітін ақтайтын колледжіміздің бетке ұстар студенттері болуларына сенім артты. Кеш соңы қызықты ойындар мен би кешіне жалғасты.

«Қостанай гуманитарлық колледжі»

мекемесінің тәрбие ісі жөніндегі

орынбасары Жангужина Зауреш Мейрамовна