"Саумалк?лдегі ат спорты" шы?арма

Саумалкөлдегі « Самғат » ат спорт мектебі

Адал еңбек алға жетелейді. Шынымен де солай. Арлы да адал еңбекті жанына серік еткендердің жолы бола бастады. Айналаңа қара. Жігітте де жігіт бар азаматы бір бөлек – жылқыда да жылқы бар қазанаты бір бөлек. Жылқының асылын ұстап, тұқымды тазартуға қаржысын аямаған қазақтың қарасы осы күні көбейіп келеді. Елімізде жылдан жылға сәйгүлікті сайысқа салып, ат спортын түлетіп жүргендер де аз емес.

Иә, жүйрік ат десе делебесі қозып, қиялы қиянды шарлап кететін нағыз қасқа қазақ бүгін де баршылық. Біз Елбасымыздың Жалпыға Ортақ Еңбек Қоғамына қарай 20 қадам тұжырымдамасын сөз етсек, оның лайықты өкілінің бірі – «Баянтай» ЖШС-нің директоры, аудандық мәслихаттың депутаты, қазақтың қаптал азаматы - Сырымбет Қайрошұлы Есенғалиев десек, қателеспеген болармыз.

Сырымбет Қайрошұлын ауданымызда «Баянтай» жауапкершілігі шектеулі серіктестігінің директоры, еңбекқор, білгір басшы, ел азаматы ретінде жұртшылық таниды. Серіктестік шаруасымен қатар соңғы жылдарда ауданымызда сауынды жылқы малын жандандырып, бие сауып, қазақтың ұлттық сусындарының бірі – қымыз өндірумен де айналысып келеді. Енді міне, Саумалкөл селосындағы бұрынғы «Ақан сері» шаруашылығын өзіне алып, ондағы бос тұрған қораларды жөнге келтіріп, Сырымбет Қайрошұлын ауданымызда «Баянтай» жауапкершілігі шектеулі серіктестігінің директоры, еңбекқор, білгір басшы, ел азаматы ретінде жұртшылық таниды. Серіктестік шаруасымен қатар соңғы жылдарда ауданымызда сауынды жылқы малын жандандырып, бие сауып, қазақтың ұлттық сусындарының бірі – қымыз өндірумен де айналысып келеді. Енді міне, Саумалкөл селосындағы бұрынғы «Ақан сері» шаруашылығын өзіне алып, биылғы жылы ондағы бос тұрған қораларды жөнге келтіріп, шеттен асыл тұқымды сәйгүліктер сатып алып, ауданымызда ұлттық ат спортын жандандыруда.

Жақында ғана ауданымызға жұмыс сапарымен келген облыс әкімі аталмыш серіктестіктің «Самғат» ат спорты мектебіне арнайы ат басын бұрып, оның тыныс-тіршілігімен танысты. Осы орайда өңір басшысы спорттың бұл түріне тұрғындардың қызығушылығын арттыру қажет, - деген болатын.

Аталмыш ат спорты мектебіне таза асыл тұқымды 12 сәйгүлік әкелініп, аудан, облыс көлеміндегі және аймақтық ат жарыстарда бақ сынап жүлделі орындармен оралуда.

Биылғы жылдың ат жарысы маусымы ашылысымен желдей самғаған жүйріктер бәйге алаңында аудан жұтшылығын өнерлерімен тәнті етуде. «Соника» атты ат жуырда Ақтөбеде өткен жарыста I орынға, ал «Сұлтан», деген ат II орынға, Қостанайда өткен ат жарысында «Баянтай» деген ат аламан бәйгеден I орын алып автокөлікке, ал Саумалкөлде Ақансерінің 170 жылдығына өткен ат жарыста I орын алып автокөлікке ие болды. Сырымбет ағамыздың осындай жетістіктеріне біз әрқашан мақтана қуанамыз.

Айта кететін жәйт күрделі жөндеуден өткен ат қорада қосымша 2 жұмыс орыны ашылып, қазірдің өзінде ат спорты мектебіне көптеген оқушылар келіп жүр. Ондағы жас өрендерді аттың қыр сырына атқора меңгерушісі, ауданның ат спорты федерациясы директорлар Кеңесінің төрағасы, запастағы полковник Василий Полозов үйретуде.

Сырымбет Есенғалиевтің айтуынша - келешекте ауданымызда ұлттық ат спортын кеңінен насихаттап, спортпен шұғылданушыларды көптеп тарту.

Ендеше, адал еңбек алға жетелеп, келешекте ұлттық ат спортымыз жандана бергей!

Бұл - мен

Менің достарым және «Баянтай» ЖШС-нің директоры, аудандық мәслихаттың депутаты, қазақтың қаптал азаматы - Сырымбет Қайрошұлы Есенғалиев.

Солтүстік қазақстан облысы

Айыртау ауданы

Саумалкөл қазақ орта мектебінің

6 сынып оқушысы

Тулеуов Аян