Құт-береке әкеле бер, Жаңа жыл

№1.Армысыздар , құрметті ата-аналар, қымбатты ұстаздар, оқушылар!

Зарина мінеки біздің көптен күткен жаңа жылымызда келіп жетті.

№2.Ия .Перизат.Бұл сағындырып жеткен –үлкен мереке.Ендеше Сіздерді жаңа жыл мерекесімен шын жүректен құттықтаймыз!

№1.Жаңа жыл жаңа бақыт, отбасыларыңызға қуаныш,елімізге тыныштық әкелсін!

№2.Қош келдіңіз, бүгінгі кешімізге,

Жаңа табыс тілейік ісімізге.

Келе жатқан жаңа жыл құт әкелсін,

Мына отырған барша жан бәрімізге.

№1.Жаңа жылдың таңы неткен арайлы,

Ақ мамыққа бөлеп алды маңайды.

«Жаңа жылмен құттықтаймын» деген үн

Қанаттана кең алқапқа тарайды.

№2.Жаңа жыл –қайсарлық пен жүректілік

Баратын болашаққа білек түріп.

Біз жаңа жылдарға қол соғамыз

Әлемге жақсылықтар тілеп тұрып.

№1.Жаңа жылдық мерекемізді ашып беру үшін мектебіміздің директоры Мұсаев Қайрат ағайға сөз береміз.

№2. Жаңа жылға арналады жаңа жыр,

Жаңа жылда шақырады бар өмір.

Бақыт болып , жаңа жылым келді ғой,

Құтты болсын,құтты болсын Жаңа жыл. -деп 5а сыныбының биші қыздарын ортаға шақырамыз.

№1..Мектебіміздің бишілерін шақырайық,

Қошеметпен ,құрметпен қарсы алайық.

Бишілерімізді ырғалтып би билетіп,

Қол соғып биік шыңға самғатайық.-деп 5ә сыныбының бишілерін ортаға шақырамыз.

№2.Перизат Біздің бүгінгі мерекемізге біреулердің жетіспей тұрғаны.

№1.Дұрыс айтасын Зарина.

Қуаныңдар ағайын , тамсаныңдар!

Сүйіншімен маңайға жар салыңдар.

Аяз ата келеді Ақшақармен,

Қол соғып қошеметпен қарсы алыңдар!деп Аяз атамен Ақшақарды бәріміз хормен шақырайық!

Хормен: Аяз ата!Ақша қар!

№1.Қош келдіңіз, Аяз ата!

№2.Қош келдіңіз,Ақшақар!

Аяз ата: Амансыңдар ма,ұлдарым,

Амансыңдар ма, қыздарым!

Қандай жарқын жүздерің,

Қандай әсем билерің!

Асулармен алыстым!

Асау желмен жарыстым.

Шыршамызға асығып,

Өздеріңмен табыстым.+

Ақшақар:Армысыздар, оқушылар, ата-аналар,

Жаңа жылдарыныз құтты болсын!

Жаңа жыл бірлік пен татулық жылы болсын!

Әр отбасы үшін ырыс пен береке жылы болсын!

№1.Жаңа жыл ! Жаңа бақыт ырысым,

Жақсылықтың жаршысы да , нұрысың.

Адамдардың асқақтаған арманы,

Ақындардың таусылмайтын жырысың.деп «Жаңа жыл»әнімен Уалихан Шұғыланы сахнаға шақырамыз.

Жаңа жыл мерексі құтты болсын!

Әрқашан меркелік көңіл толсын!

Кеудеміз күмбірлеген жырға толып,

Қане , достар, күлкімен орта толсын!деп ортаға 6ә сынып жігіттерінің КВН ортаға шақырамыз.

№2.Қуанышпен шаттыққа кенелейік,

Жадырап ән шырқап, тербелейік.

Төрле, төрле, халқымның құтты жылы,

Бәріміз дөңгелене би билейік.-деп 6 а сыныбының биші қыздарын ортаға шақырамыз.

№1.Кел, төрлет, Жаңа жылым құтты жылым,

Өзіңді бүкіл елім күтті бүгін.

Қарсы алдық сені еселі еңбекпенен,

Жарқырап әне алдымнан шықты күнім.деп 7 сыныбының биін қарсы алыңыздар!

№2.Жаңа жылда жаңа белден асамыз,

Жаңа жылға жырмен шашу шашамыз.

Бейбітшілік ұранымен жеңіспен,

Жаңа жылда тағы да алға басамыз.-деп Сабитқызы Арайлымды «Қош келдің, Жаңа жыл!»әнімен сахнаға шақырамыз.

Ортаға 7-сыныптың жігіттерін КВН сахнаға шақырамыз.

№1.Жаңа жыл – жаңа әннің тербелуі,

Жаңа жыл-ақ арманның өрленуі.

Жаңа жыл партадағы лүпілдеген,

Кішкентай шәкірттердің ержетуі.

Қорытынды.

№2. Келесі кездескенше хош сау болыңыздар.
Жақсылықта жүздесейік.
№1Әрбір жанұяға береке- бірлік, шаттық-қуаныш, бақыт тілейміз.

Сау-саламатта болыңыздар!

№152 қазақ орта мектебі

(5-7сыныптар аралығы)

Т ә л і м г е р: Р а х ы м б е к о в а А н а р

2015-2016 оқу жылы