Просмотр содержимого документа
«Коучинг-сессияны? та?ырыбы"Сын т?р?ысынан ойлау?а ?йрету" »
Бектасова Нургуль Тынымовна Мұғалім портфолиосы В 1.2 есебі
15 топ 2 (негізгі) деңгей
Алматы қаласы 23.05.2014 жыл
«Сын тұрғысынан ойлауға үйрету» бойынша өткізілген коучинг туралы рефлексивтік есеп
Екінші коучинг «Сын тұрғысынан ойлауға үйрету» модуліне арналған. Бұл тақырыпты таңдауда мен кіріспе коучингте мұғалімдердің қажеттілік деңгейін анықтау мақсатында сауалнама өткіздім, 32 мұғалім қатысты және сауалнама нәтижесі бойынша 12 мұғалім диалогтық оқытуды таңдап, барлық қатысушылардан алғанда 32% ,1 мұғалім талантты және дарынды балаларды оқытуды және 13 мұғалім –сыни тұрғыдан ойлауды оқыту модулін, 2-инклюзивті оқыту, 4 -оқыту мен оқудағы бағалауды таңдағанын көрсетті.
Коучинг өткізердің алдында алынған сауалнама мұғалімдердің тәжірибеде белгілі «Ассоциация», «Кластер», «Синквейн» сияқты сын тұрғысынан ойлау әдістерін қолданатынын көрсетті. Мектеп үшін бұл тақырыптың маңыздылығы мұғалімге сабақ өткізудегі әдіс-тәсілдерді түрлендіруге, оқушының танымдық қызығушылығын дамытуға көтеруге көмектеседі. Коучинг-сессияны жоспарлағанда қойылған мақсатым: «Сыни тұрғыдан ойлауға үйрету», «Кластер» «Синквейн» «Блум ромашкасы», «Фишбоум», Блум иерархиялық үлгісімен таныстыру.
Келесі мақсаттар анықталды:
«Сыни тұрғыдан ойлауға үйрету» модулі туралы және әдіс тәсілдері туралы түсініктерін кеңейту.
Сыи тұрғыдан ойлауға үйрету тәсілдерін тәжірибеде қолдану.
Топтар қалыптасқаннан кейін мұғалімдерге топтарға жұмыс ережесін және табыс критерийлерін құру ұсынылды. Бұл тапсырманы қатысушылар тез орындады,постерлерге барлығына бірдей ереже мен табыс критерийлері жазылды. Сыни тұрғыдан ойлауға үйрету бірінші тапсырмадан басталды. Мұғалімдерге сыни ойлауға үйрету әдісін пайдалана отырып «Кластер» толтыру және «Сыни ойлай білетін адам қандай болуы керек?», «Сыни ойлау дегеніміз не?», «Мұғалім қалай сабақ беру процессінде сыни ойлау қабілетін дамыта алады?» деген сұрақтарға жауап берді.
Постерлер көрсетілімінен және стикерлермен өзара бағалаудан кейін «Сыни тұрғыдан ойлау», «Блум таксономиясы туралы» көрсетілімдер берілді. Қатысушыларға оқу мәтіні беріліп, Блум таксономиясы бойынша білу, түсіну, қолдану, талдау, синтездеу және бағалау бойынша сұрақтар құрастыру берілді. Бұл тапсырманың мақсаты мұғалімдерді жоғары деңгейде сұрақтар құрастыруға үйрету.
«Сыи тұрғыдан ойлауға үйрету» модулінің тәсілдерімен таныстыру үшінші тапсырманы орындағанда іске асты.Топтарға 3 тәсіл берілді «Синквейн», «Фишбоун», «Ромашка Блума» мұғалімдер ұсынылған тәсілдерді талдап ғана қоймай, тәжірибеде қалай қолданатынын көрсетуі керек. Тапсырма орындалғаннан кейін топтар өзара бірін-бірі бағалады. Мұғалімдер модуль мағынасын қаншалықты түсінгенін байқау үшін Блум таксономиясы бойынша сауалнама сұрақтарына жауап беруін өтіндім.
Коучинг бойы мұғалімдер «Синквейн», «Фишбоун», «Ромашка Блума» әдістерін қолдануды үйреніп, оқушылардың танымдық ойлау қабілетін арттыруға бағытталған «жоғарғы» және «төменгі» деңгейдегі сұрақтар құрастыруды үйренді, формативтік бағалау, топтық жұмысты ұйымдастырудан тәжірибе алды.
Мұғалімдер бұл әдістің сабақ барысында оқушыларды өз бетімен ойлануға, қателесуден қорықпай өз ойын еркін айтуға, достарын және өзін өзі бағалауға, бірін-бірі тыңдай білуге, сыйлауға үйрететінін айтты.
Коучинг қорытындысы бойынша мұғалімдер стикерлерде коучинг туралы өз ойларын білдіруді және «Бағалау терезесіне» жапсыруын сұрағанымда барлық мұғалімдер «Тез қолдана аламын» қатарына өз стикерлерін жапсырды.
«Коучинг-сессия қызықты өтті. Коучингте мұғалімдер коучты тыңдап, белсенді қатысып, керекті мәліметтерді жазып алып отырды. Өзім де және коучингке қатысушылар да көңілді жұмыс атмосферасында жұмыс жасадық. Бұл коучингтің артықшылығы әркімнің қателесуіне және қатысушылардың қолдауына жол берілген.
Коучинг кезінде кездескен қиындықтар-коучингке мұғалімдер мен жоспарлағаннан көп келді, сондықтан жұмыс жоспарымды өзгертуге тура келді. Мұғалімдер Блум таксономиясы бойынша берілген тапсырманы орындағанда қиындықтарға кездесті.
Осы коучингті тағы бір өткізуге мүмкіндік болса жұмыс ережесін құрастырғанда "Әркімнің сұрақ қою құқығы бар" ережесін енгізер едім және коучинг өткізуге ыңғайлы уақыт таңдап, әріптестерімнің тәжірибесін зерттеп барып жоспар құрар едім.
Кедергілержәнеолардыжою
Кедергілер
Нәтижелер
Болашаққа жоспар
Жоспарлау;
Мұғалімдер Блум таксономиясы бойынша берілген тапсырманы орындай алмады;
Мұғалімдерден ешқандай сұрақтар туындаған жоқ;
Коучинг–сессияны өткізу уақыты ыңғайсыз
«Сын тұрғысынан ойлауға үйрету» модулі туралы идеяны жеткіздім;
Кәсіби қажеттіліктерді іске асырдым;
Коуч тәжірибесін жинақтадым
Коучинг жоспарын мұқият жасадым және үйретуге қажетті әдіс-тәсілдерді таңдап алдым;
Топта жұмыс жасау ережесін құрғанда әркім сұрақ қоюға құқылы ережесін енгізер едім;
Коучинг өткізуге ыңғайлы уақыт таңдар едім;
Сыни тұрғыдан ойлаудың әдістері жазылған жаднама жасар едім;
Пайдаланылған әдебиеттер:
1. Мұғалімдерге арналған нұсқаулық «Назарбаев Зияткерлік мектептері» ДББҰ Педагогикалық шеберлік орталығы, 2014;
2. Мектептегі іс-әрекетті зерттеу,әдістемелік құрал.Кудайбергенева К.С. Алматы 2013;
«Сын тұрғысынан ойлауға үйрету» тақырыбындағы коучингтің жоспары
Білу: СТО-дың негізгі дағды, әдістерін және стратегияларын білу;
Түсіну: пән бойынша оқушылардың сын тұрғысынан ойлау қабілеттерін қалыптастыруда жиі қолдануға болатын әрі тиімді стратегияларын пайдалану;
Қолдану: СТО-ның стратегияларын өз жұмыстарын, іс-қимылдарын қорытындылауда, рефлексия жасауда, біртұтас жан-жақты ойлау қабілетін дамытуда, бар білімдерін, оқушылардың тақырып бойынша білім-білік-дағды деңгейін өзектілеуде қолдану.
Негізгі идеясы:
СТО – алдыңғы қатарда тұрған заманауи түсінік,оқу мен оқытудағы маңызды даму.
СТО келесі дағдылар дамиды:бақылау, интерпретациялау, анализ, қорытынды, бағалау, түсіндіру, метасана.
Блум таксономиясы бұл төменгі деңгейден жоғары деңгейге дамиды (білу, түсіну, қолдану, талдау, жинақтау, бағалау)
Коучинг-сессияның міндеттері:
1. Мұғалімдердің СТО модулі туралы білімдерін кеңейту және оның оқыту мен оқудағы стратегиялары;
2. СТО әдіс-тәсілдерін практикада қолдануға үйрету, «жоғары», «төмен» сұрақ қоя білу.
Тренинг-сергіту
Қатысушылар шеңбер құрады, бір-біріне жақсы тілек айтады. Мысал:Мен саған тілерім, денің сау болсын... (3мин)
Топтардыұйымдастыру
Түрлі- түсті қағаздармен үш-төрт топқа бөлу. (2 мин)
