Жол ережесін са?таймыз

Тақырыбы: Ел сенімін ақтаймыз,

Жол ережесін сақтаймыз!

Мақсаты:1.Бағдаршам және оның қызметін, жол ережесін түсіндіру;

2.Оқушылардың белсенділігін арттыру, ойлау қабілетін дамыту;

3.Оқушыларды мейірімділікке , бауырмалдыққа, ұқыптылыққа тәрбиелеу.

Көрнекілігі: Бағдаршам макеті,слайд.

Барысы: 1.Ұйымдастыру.

2.Тақырыппен таныстыру. » Ел сенімін ақтаймыз,Жол ережесін сақтаймыз».

Балалар, біз бүгін жолда жүру ережелерімен танысамыз.Жолда жүру тәртібін орындамау көліктердің жүріп-тұруына кедергі келтіреді.

Көшеде жүру тәртібін не басқарады?

Бағдаршам.

Әли.. Бағдаршам аты- Көп көзі бар батыр.

Тоқ болғанмен заты , Өзінде көп ақыл.

Бағдаршам-өмірімізді жазымнан сақтандыратын көмекшіміз,оның сырын біліп,тілін алу баршамызға керек. Жиекжол деген не?

Ол-адамдар жаяу жүретін көше жиегіндегі жол.

Нарбек . Жиекжол бар ғой , Жандар үшін жаяу.

Деп оны сен тар ғой, Шықпа жолға таяу.

Бағдаршам: Ерік: Көрегенмін ,қырағымын. Үш көзім бар, үш сыншым.

Сақтап халық өмірін, Тәртіпті мен орнаттым.

Ортаға үш көмекшім, үш сыншымды шақырамын, қайдасыңдар , достарым?

Қарақат Қ. Мен көзімді ашқанда, Ешқашанда басап алға.

Орныңда тұр қозғалма, ереже бұл Сен тоқта.

Алина. С.к. Мен көзімді ашқанда, Қарап қалма аспанға.

Жүруге әлі болмайды, Дайындықты сақтайды.

Жанер. Ж.к. Мен көзімді ашқанда , Көліктер саған тоқтайды.

Ережені білгендер , Өтуге еш қорықпайды.

Аяжан.Ал,тыңдаңдар батамды, Жаман істі кешпеңдер.

Ананың ақ сүтін ақтаңдар. Ар-ұятты сақтаңдар. Жол ережесін әрқашанда сақтаңдар.

Жол ережесін білу өмірімізді қауіптен,жазымнан сақтайды. Оның сырын біліп, жол ережесін орындау баршамызға қажет.

Дильназ. Есігінен артқы ,Көлікке сен мінгін. Дәл осы бір сәттен ,Құлағыңды тіккін.

Назерке К. Кезекте сен әлгі , Артқы есіктен мінгін.

Енді есіктен алғы Түсеріңді білгін.

Жангүлім.Қызыл көзі жанса,Мейлі көлік жоқта.

Қатып қалған жанша, Қыбыр етпе тоқта!

Наргиза:.И.Жанса жасыл көзі, Жолың айдай ашық.

Жүре бергін батыл, Керегі жоқ сасып.

Гаухар.Сөйлегенді білмейді,Бірақ тоқта, жүр дейді.

Ерхат Менің үш көзім бар: Бір көзім Кідір дейді.

Аяу. Әйгілеп үш сөзді, Бір дәу тұр үш көзді.

Оған жас-кәріміз, Бағындық бәріміз.

С.Дильназ. Айтқан сөзді құптап, Тек абайлап атта Ережені мықтап , есіңде ылғи сақта.

Жангүлім:.Бағдаршам жоқта,Асықпағын текке. Ондай жерде тоқта, Жолды қиып өтпе.

Дильназ И. Жаяу үшін белгі, Қойылады арнай.

Тауып сондай жерді, Өткін еппен аңдай.

Жангүлім. 5жас емес , 14 ,Болсаң дағы кетпе Жолға шығып дәндеп ,Велосипед теппе.

Исмаил. Машиналар жүретін үлкен жолмен жүруге болмайды.

Назерке А.Көлік артына жабысуға болмайды.Құлап апатқа ұшырауы мүмкін.

Артур Жүріп келе жатқан көліктің алдынан өтпе. Ол тоқтағанша не өтіп кеткенше тоса тұр.

Сабрина. Аялдамада тұрған автобустың арт жағынан айналып өту керек.

Ерік. Көшеден өтерде әуелі сол жағыңа ,көшенің орта тұсына жеткенде оң жағыңа көз сал.

Егермашина келе жатса, өтіп кеткенше сол орныңда күте тұр.

Слайд көрсету. Қорытынды. Сұрақ-жауап.

1.Бағдаршам дегеніміз не? 2.Қай жерде ойнауға болмайды? 3.Қай жерде ойнауға болады?

4.Қанша жастан бастап велосипедпен жүруге рұқсат етіледі?

-Жол ережесін жақсы білгенде, 14 жасқа толғанда.

5.Жүргіншілер қай жолмен жүру керек?-Жүргіншілер жиек жолмен жүру керек. Немесе жер асты жолымен жүру керек.

6.Жаяу адамдарға қай жермен жүруге болмайды?- Машиналар жүретін жолмен жүруге болмайды.

Балалар, жолда жүру ережесін әрқашан есте сақтап, бұлжытпай орындап, сақ жүріңдер.

Ойын: