Просмотр содержимого документа
«Студенттерді ?зіндік ж?мыс жасау?а ?йрету жолдары»
Студенттерді өзіндік жұмыс жасауға үйрету жолдары
Койшыгарина Гулнур Калкамановна
М.Тынышпаев атындағы ҚазККА
Ақмола колледжі
Студенттердің өзіндік жұмыстарын ұйымдастыру сабақ сапасының артуына септігін тигізеді. Теориялық білімін терең бекітіп, жүйелі қалыптасуына өзіндік жұмыстың дұрыс таңдалып алынып, құрастырылуына байланысты болады.
Өзіндік жұмыс кезінде студенттер оқулықпен және дидактикалық материалдармен, түрлі анықтамалық кітаптармен, газет-журналдармен, интернетпен жұмыс істеуге үйрене бастайды. Өздігінен жұмыс істеуге талпынады. Жұмысы нәтижелі болса, студенттің пәнге деген қызығушылығы артады.
Өзіндік жұмыстар ұйымдастырылуда мынандай талаптар орындалуы қажет:
Өзіндік жұмыстың мазмұны бағдарламаға қойылатын талаптарға сәйкес келуі керек.
Студенттердің ойлау қабілетін дамытуға тиісті.
Өзіндік жұмыстар түрі және мазмұны жағынан әр түрлі болуы керек.
Әрбір өзіндік жұмыс тексеріледі және бағаланады.
Өзіндік жұмысты тек қайталау кезінде ғана жүргізбей сабақтың барлық кезеңдерінде орынды жерінде өткізу керек.
Өзіндік жұмыстарды жеке студенттерге, топтарға бөлу арқылы барлық студенттердің қатысуымен ұйымдастыруға болады.
Өзіндік жұмыстардың түрлері: оқулықпен жұмыс, әр түрлі жаттығулар, бақылау жұмыстары, тест тапсырмалары, рефераттар, баяндамалар, слайд жұмысы, ғылыми зерттеулер, жобалар және тағы басқалар.
Өзіндік жұмыс әр сабақта жүргізіліп отырса студенттердің баға қорын толықтыруларына үлкен үлес қосары анық.
Топпен өзіндік жұмыс жүргізілгенде, әр топқа жеке тапсырмалар беру керек. Әр топтың үлгерімі жақсы, белсенді бір басшысы болады.Ол әрдайым өз тобына берілген тапсырманың дұрыс және уақтылы орындалуын қадағалап отырады.
Студенттерге өзіндік жұмыс ретінде тарихи материалдардан реферат, баяндама, слайд дайындауды беруге болады.
Тақырып бойынша өзіндік жұмыс жазғанда кеткен қатемен жұмыс жасалса дұрыс жауап студент есінде жақсы сақталады.
Сәйкестік тест жүргізгенде де әр студентке әр түрлі нұсқасын берсі әркім жеке жұмыс жасауға мүмкіндік алады.
Өз бетімен жұмыстар мақсатына қарай төмендегі топтарға бөлінеді:
Оқыту мақсаты – жаңа материалға қызығушылығын дамыту, оқытушы нені түсіндіріп жатқанына әрбір туденттің көңілін аудару. Осы жерде бірден ненің түсініксіз екендігі анықталады, яғни өтіліп жатқан тақырып бойынша қарапайым мысалдар келтірсе жақсы түсінеді.
Жаттығу мақсаты– өз бетімен жұмысқа арналған тапсырмалар бір текті болады, яғни түсіндіріліп берілген тақырып бойынша қорытынды шығара алуы керек.
Бекіту мақсаты - өз бетімен жұмыстар студенттердің логикалық ойлау қабілетінің дамуына септігін тигізеді және тақырып барысында кездескен әр түрлі терминдерді есте сақтау үшін қайталап отыруы керек.
Шығармашылық мақсаты– өз бетімен жұмыс өте жоғары деңгейде жүргізіледі, бұл студенттердің үлкен қызығушылығын арттырады.
Қайталау мақсаты– өз бетімен жұмысты оқытушы жаңа сабақты түсіндіргенге дейін жүргізеді, яғни студенттердің дайындығын тексеру мақсатында, қиындық келтіретін сұрақтар болса анықтауға көмектеседі.
Дамыту мақсаты– өз бетімен жұмыс белгілі бір тақырыпқа байланысты баяндама дайындауға үйге тапсырма беру арқылы жүргізіледі немесе олимпиадаға дайындау, ғылыми-конференциялар т.с.с.
Қорытынды: Студентті өзіндік жұмыс жасауға үйрету негізінде әрбір жеке тұлғаның өзіндік табиғатын қалыптастыру, білімділік деңгейін көтері болып табылады.
