?дептілік-?демілікті? белгісі

Тақырыбы: Әдептілік- әдеміліктің белгісі.

Мақсаты:Оқушыларға адам бойындағы ұнамды,ұнамсыз қасиеттерді айта отырып,оларды әдемілікке, әдептілікке,кішіпейілділікке,қайырымдылыққа тәрбиелеу.

С/к:нақыл сөздер,суреттер

С/б : I.Ұйымдастыру бөлімі.

II.Тақырыппен таныстыру. Әдептілік- әдеміліктің белгісі.

Ой қозғау. Балалар әдептілікке,әдемілікке, қайырымдылыққа , ұқыптылыққа не жатады?

Әдептілік дегенді сендер қалай түсінесіңдер?

Әдеп дегеніміз- адамдармен қатынас барысында,әңгімелесу кезінде шамадан аспау,сыпайылық шегінен шықпау. Ата-ананың алдында әдепті болыңдар.Олармен сөйлескенде қабаттасып,әдепсіздікпен дауыстап сөйлеспе,ата-аналарың түрегеп тұрғанда сендер отырмаңдар. Ата-анаң немесебасқа үлкен кісі айтқан өнегелі сөзді зейін қоя тыңдап ұғып алуға тырыс,олар жұмсаған ісін орында,ата-анаңа көмекші бол.Адам әдептілігімен көрікті. Үлкендер отырған жерде олардың алдын орап арындап кетпей ,инабат,ізет таныта білу керек.

Әдептілік-үлкенді сыйлау,кішіге қамқорлық жасау,кез-келген жас ұрпақтың бойында қалыптасатын ерекше қасиет.Әдепті болудың алғашқы қадамы үлкенді сыйлау,басқаны сыйлай білу.

III.Әдептілік туралы өлең оқу.

1. Әдептілік дегенің- Әрқашанда керегің.

Әсемпаздық дегенің- Әуре-сарсаң әлегің.

2.Атам маған әманда Кішіпейіл бол деген.

Ата сөзі санамда, Мақтанбауды жөн көрем.

3.Атам маған әманда, Әдепті жан бол деген.

Ата сөзі санамда, Жасы үлкенге жол берем.

4.Көршілерді көргенде Сыйлап сәлем беремін.

Әдепсіз деп сөкпесін,Анама айтып өкпесін.

5.Кім үлкенді тыңдаса, Кім үлкенді сыйласа,

Үлкен болған кезінде, Сыйлы болмақ өзі де.

IY.Суретпен жұмыс.

Y .Сұрақ-жауап. 1.Мектептен шығысымен үйге қарай жүгіріп келе жатқанда алдыңнан үлкен кісі шықты,сен не істер едің? Үлкен кісімен амандасып,жол беремін.

2.Өзіңнен үлкен кісілер әңгімелесіп отырғанда не істеу керек? Үлкендердің сөзін бұзып әңгімеге араласпаймын.

3.Автобуста бөтен адамдарды көргенде не істейсің? Үлкен кісіге орын беремін.

4.Үлкен кісімен қалай сөйлесу керек? Үлкен кісімен «Сіз»деп сөйлесемін.

5.Шашы түсіп көзіне, Түсінбей нақыл сөзіне.Үлкендермен таласар,Дәлел тауып өзіне.

Ол қандай бала?/Жалқау бала/

6.Дәптер,сөмке бәрі де, Дал-дал болып жыртылған.Сия төгіп бантіне, Шимай салған сыртынан.

Ол қандай бала?/Салақ бала/

7.Сыйлап үлкен ағаны ,Сәлем берген баланы Кім дейміз?/Ұқыпты екен бұл дейміз./

8.Таудай биік талабы, Жақсы оқитын баланы Кім дейміз?/Үлгілі екен бұл дейміз. /

9.Сонда әдептілік,сәлемдесу дегеніміз не? Ол адамдардың жүріс-тұрысы,өзара қарым-қатынасының ережелері, бұған тілалғыштық,сыпайылық жатады.Егер сен бала кезіңнен әдепті болсаң ,есейгенде ата-анаңның ,өз Отаныңның мақтанышы боласың.Яғни,әдептілік адамдардың өзара жақсы қарым-қатынасының ,жүріс-тұрысының ,үлкенді сыйлау,кішіпейіл болу белгісі екен.

YI.Әдептілік ар-ұят,

Адамдықтың белгісі.

Тұрпайы мінез тағы жат,

Надандықтың белгісі,-дей келіп,қазақтың ырым-тыйымдарын есімізге түсірейік.

Бүйіріңді таянба. Үлкеннің алдын кеспе. Үлкеннің сөзін бөлме.

Үйге қарай жүгірме. Жалғыз ағашты кеспе. Күлді баспа.

Түнде тырнақ алма. Малды теппе.Ақты төкпе.

Босағаны керме. Кісіге қарап күлме.Нанды шашпа.