Тақырыбы: «Имандылық иірімдері» Мақсаты: ислам діні туралы, мұсылмандықтың бес парызы туралы ұғындыру, имандылық туралы түсінік беру, Ойлау қабілетін шыңдау, адамгершілікке, ұлтжандылыққа тәрбиелеу. Көрнекілігі Нақыл сөздер, интерактивті тақта. Сабақтың жүрісі I. Кіріспе сөз - Құрметті ата - аналар, ұстаздар! Бүгінгі «Құран - Шариғат» бағыты бойынша өтетін «Имандылық иірімдері» атты ашық тәрбие сағатымызға хош келдіңіздер!
Ислам діні деп – Аллаһтан басқа құлшылық қылуға лайықты тәңір жоқ екендігіне және Мұхаммед Аллаһтың елшісі екендігіне жүрекпен, тілмен және дене мүшелерімен куәлік беруді айтады.
Ислам – Аллаһ Тағаланың алдында қабыл қылынатын жалғыз ғана дін. Аллаһ Тағала Ислам дінін жеңіл әрі қолайлы қылды, онда ешбір қиыншылық немесе машақат[4] жоқ. Ислам дінін ұстанушыларға шама жетпейтін, жағдай көтермейтін немесе мүмкіншіліктерден тыс бірде-бір амал, іс-әрекет міндеттелмеген.
Әрі қарай сөз кезегін жүргізушіге беремін.
Жүргізуші: Мұсылман әлемі мен мәдениеті өте ежелгі әрі қызықты тарихи оқиғалардан құралған, Ислам діні - әлемдік діндер ішіндегі ең кең тараған қасиетті дін. Ол Араб түбегінде VII ғасырда пайда болды. Ислам дінінің негізін салған – Мұхаммед ибн Абдулла ибн Әбді Мүтәліб ибн Хашим. Мұхаммед пайғамбар Меккеде 13 жыл, Мединеде 11 жыл араб халқын Ислам дініне үгіттеген. Діни ұғым бойынша Алла бар, ол біреу және бәрі соның қолында. Алладан басқа табиғат құбылыстарына, қолдан жасалған мүсіндерге, рухтарға табынуға, сыйынуға болмайды. Діннің басты негізі және мұсылмандықтың кілті – «Лә иләһа илла Аллаһ, Мұхаммад расул Аллаһ», яғни мағынасы «Алладан басқа тәңір жоқ, Мұхаммед оның елшісі» деген сөйлемде жинақталған. Мың жылдан астам уақыт бойына ата - бабаларымыз осы Ислам дінін ұстанып, жоғары бағалап, мұсылман атанып келеді. Рухани тазалықтың, ар - ұят пен адалдықтың мызғымас тірегі дін екенін сол қоғамда өмір сүріп отырған әрбір адам білуі шарт. Сондықтан да имандылық пен адамгершілікті бір ұғым деп білген жөн.
Айгерім: Күллі мұсылман қауымының шариғат заңдылықтарында, діни ғұрыптарында, тіпті күнделікті тіршілігінде басшылыққа алатын, аса киелі, қасиетті кітабын Құран деп атаймыз. Ол мұсылмандар ұғымында тура жол көрсетуші қасиетті кітап Құранда 144 сүре бар. Оның ең қысқа сүресі 3 аяттан тұратын «Кәусар», ал ең ұзағы 286 аяттан тұратын «Бақара» сүресі. Ислам діні адамның тән тазалығымен қатар ішкі жан дүниесін де таза ұстауға көмектеседі. Өзін мұсылман санайтын адам баласы 5 парызды ұстануы керек. 1. Аллаға сеніп, Мұхаммедтің үмбеті екенін мойындау. 2. Дәрет алу, күніне бес рет намаз оқу. 3. Рамазан айында отыз күн ораза ұстау 4. Қажылыққа Меккеге бару. 5. Жарлыға зекет беру (пітір - садақа беру) Елдос:Алла тарапынан білдірілген әмір, міндет және тыйымдардың жиынтығын дін деп атайды. Дін – үлкен ғылым. Ислам діні қоғамға және ізгі адам баласын адамгершілікке баулуға қызмет етеді. Қасиетті Құран кітабын дәрет алып қолға ұстағанда «Биссмиллаһир - рахманир - рахим» деу керек. Құран кітапта жазылған аяттар адамды мұсылмандық жолға бастайды. Мешіт – Алла үйі, қасиетті инабат, ғибадат орыны. Мешітке оң аяқпен сәлем беріп кіреді. Мұнда төрге, орынға таласпайды, әдепсіз сөйлеуге болмайды. Әр мұсылман Алла үйіне құрметпен қарауға міндетті. Жүргізуші: Хадистер- Мұхаммед пайғамбардың даналық сөздерінің жиынтығы. Сәнтөре: Өз жолына иланғандарға Мұхаммед пайғамбар үйреткен ережелер: 1) 1. Ашуды тежеп ұста. Туыстардың қияңқы қылықтарын кешір. 2. Бір - біріңе кек сақтама. Біріңді - бірің қызғанба. Біріңді - бірің мазақтама. 3. Өзара аңдыспа. Басқаның сенімін алдама. 4. Досыңды сыртынан жамандама 5. Ұрлық жасама. 6. Заңсыз іске араласпа. 7. Мұқтаждық үшін берген қарыздан өсім алма. 8. Біреудің осалдығын дабырлатпа. 9. Хайуанаттарға қатігездік жасама т. б.
Хор-Шүкір алла 2)Ербол: Мұхаммед пайғамбар шындықтың адамдарды жақсылыққа жеткізетінін, ал өтірік күнәға батыратынын ескертеді. «Ей, адамдар, өтіріктен аулақ болыңдар!» деп үндеді. Адамның ең ұлы қасиеті – адалдық. Өмірді адалдық қана нұрландырады, жан тазалығына жеткізеді. 3)Нұрлан: «Қайырымдылықты оң қолыңмен жаса, сол қолың білмей де қалсын» дейді екен пайғамбар. Бірақ қайырымдылық қайыр – садақамен ғана шектелмеген. Айталық: біреулердің басқаларға жылы шырайы, жолдан адасқанға жөн сілтеу, жол үстінде аяққа оралға шөп - шалаң, тас - кірпіштерді алыптастау, соқырды кедергіден өткізіп жіберу, тіл қатқан адамға сыпайы сөйлесу, әлде біреуді сабырға шақырып, сабасына түсіру. 4)Ләззат: Әке - шешені пайғамбар қатты құрметтеді. «Жұмақ ананың табанында» деді ол. «Әкенің ризалығы – Алланың ризалығы. Әкенің реніші – Алланың реніші». Бір күні пайғамбарға әлдекім келіп: Айтыңызшы, мен жақсылықты әуелі кімге жасауым керек? - деп сұрапты. «Өз анаңа» деді пайғамбар. «Тағы кімге?» деді әлгі адам. «Анаңа» деп жауап берді пайғамбар. «Сонан соң кімге?» деді сұраушы. «Өз әкеңе» деді пайғамбар. Кім ата - анасына қандай жақсылық көрсеткен болса, соны өзінің бала - шағасынан көреді. Күнәлардың ең үлкені – ата - анаға лағнет айту. Ата - анаға ренжіп, кейіп, сөз қайтармауымыз керек, яғни ата - анамызды ренжітуден аулақ болуымыз керек. 5) Бейбарыс:«Білім игеріңдер» деді пайғамбар өзіне ілескендерге. Білім іздеу - әрбір мұсылманның қиналғанда қуаткер, оңашада ой - серік, жалғыздықта жолдас, бақытқа бастар ақылшы, торыққанда таяныш, адамдар арасында айбар, жауға қарсы жебе – сол білім болмақ. 6)Саламат: Әрбір мұсылман баласы ерекше таза киініп жүруге міндетті. Ислам қағидалары бойынша киім - кешектің екі түрлі қызметі бар: адам денесін ыстық - суықтан қорғайды, сондай - ақ адамға көрік, сән береді. Мұсылман баласы ерекше қымбат киімге әуес болмағаны дұрыс. 7) Әсет:Жәрдем немесе қайыр садақа беруді ең әуелі өзіңнен баста. Артылғаның болса, отбасыңды жарылқа, тағы бірдеңең артылып қалса ағайын - туыстарыңа бер. Олардан да артылып жатса, басқаларға бер. 8) Айгерім:Адамдармен үнемі ұрыс - керіс жағдайында болу күнәһар атану үшін жеткілікті. Ашу қыса бастаса сабыр сақтау керек. Адамға ашу түрегеп тұрған кезінде келсе, дереу отыра қалсын. Егер ашуы сонда да басылмаса, жатып алсын. Оттың ағашты жалмағаны сияқты, ашу - ыза мен қызғаныш ізгілікті жояды. 9)Нұрлан: Тістерің мен саусақтарыңды күтіп ұстаңдар! Өйткені олар – тазалық, ал тазалық имандылыққа шақырады, ал имандылық өз серігімен бірге жұмақта болады. 10)Ақырыс: Қанша қауіпті болып көрінсе де сіз әрқашан ақиқатты қалаңыз, соңы сәтті болады. Құтқарушы адал сияқты көрінсе де өтіріктен аулақ болыңыз, аяғы қасіретке соғады. Жүргізуші: Көрініс: «Ата мен бала»
Мұртаза: «Лә Иләһи илләллаһ, Мұхаммәдур Расулулаһ», Имам Ағзам – мазһабым Мұсылманыңмын асқақ үн. Шайтанның еріп соңынан, Бұлт шалмасын аспаным. Бір Аллаға сыйынам, Қолдай алар басқа кім?
Ақырыс: Мұсылман болып бір беті, Кәпір болып бір беті. Өзгеріп кетті бүгінде, Қазағымның келбеті. Қайда кетіп барасың, Мұхаммедтің үмбеті. Орындалмай жатыр ғой, Пайғамбардың сүннеті.
Қайда кеткен халқымның, Құранға деген құрметі. Жұртыма менің жұқпасын, Күпірліктің індеті. Мойынсыну Аллаға - Мұсылманның міндеті. Мұсылманды түбінде, Мойындайды жер беті. Жүргізуші: Мұсылман мейрамдары мен салт - жоралғылары.
Намаз оқу.
Тәулігіне бес рет оқылатын бес уақыт намаз – арсыздық пен жамандықты тыюшы. Аллаһ Тағала намаз оқыған адамға дінінің көркемдігімен иманының ізгілігін және сауабын реттейді. Мұсылман адам бес уақыт намаз арқылы бұл дүниеде де, ақыретте де оны бақытты қылатын рухани және дене рахатына ие болады.
Ораза тұту.
Барлық мұсылмандар һижра есебімен жылдың тоғызыншы айында ораза тұтады.Бұл айда барлық мұсылмандар ішіп-жеу, өздерінің табиғи құмарлықтарымен шәһауаттарынан таң атқаннан күн батқанша тиылады. Оның есесіне Аллаһ Тағала олардың иман байлықтарын арттырып, күнәларын жарылқайды да, дәрежелерін көтеріп қояды. Және де ораза тұтқандары үшін дүниемен ақыреттің көптеген жақсылықтарынан береді.
Қажылық қылу.
Ислам шариғатында мәлім болғандай қажылық деп – белгіленген уақытта ниет қылып, белгіленген ғибадаттарды орындау үшін Меккедегі Аллаһтың үйі – қасиетті Қағбаны зиярат қылуды атайды.
Ләззат:Рамазан айт. Бұл мейрам мұсылмандардың ораза тұтанын Рамазан айы аяқталып Шәууал айының 1 - күні басталады. Ол үш күнге созылады. Мұсылмандар алғашқы күні айт намазын оқып, артынша амандық сұрасып, бір - бірін қонаққа шақырады, өзара жақсы тілектер айтып, ерекше қуанышпен атап өтеді. Әсет:Құрбан айт. Үш күнге созылатын бұл мейрам мұсылман күнтізбесі бойынша Ораза айтынан 70 күннен кейін Зұлхиджа айының 10 - ы күні басталады. Құрбан айтта мұсылмандар Айт намазын оқып, құрбан шалады. Айгерім:Мәуліт мерекесі. Мәуліт – Мұхаммед пайғамбардың туылған күні. Мәулітте құран оқылып, Мұхаммед пайғамбарға салауаттар айтылады. Елдос:Қадір түні. Құран кітабы түскен, адамдардың күәсі кешірілетін, бір жылғы ырзығы белгіленетін, жақсылығының сауабы еселенетін, дұға тілегі қабыл болатын, Алланың мейірімі жауатын ең қасиетті түн. Қадір түні Рамазан айының 27 - түні болады. Бұл түнді мұсылмандар құлшылықпен, мінәжатпен өткізеді. Дана:Құрбандық шалу – Жаратушыға жақындау үшін жасалатын құлшылық міндеттердің бірі, құрбандыққа негізінен түйе, сиыр, қой немесе ешкі сойылады. Құрбан етінің үштен бірі отбасына қалдырылып, 2 - бөлігі ағайын - туысқа, көршілерге немесе жолдас - жораларға беріліп, 3 - бөлігі тұрмысы төмен кедейлерге, жетім - жесірге таратылады.
Күй Жүргізуші: Имандылық туралы өлеңдер.
Дана: Ш. Құдайбердиев «Адамдық борышың» Адамдық борышың – халқыңа еңбек қыл, Ақ жолдан айнымай, ар сақта, оны біл. Талаптан да білім мен өнер үйрен. Білімсіз, өнерсіз болады ақыл тұл.
Мақтанға салынба, мансабтың тағы үшін, Нәпсіңе билетпе, басыңның бағы үшін. Өміріңді сарп қыл өлгеніңше, Жоба тап, жол көрсет келешек қамы үшін.
Қайтадан қайырылып қауымға келмейсің Барыңды, нәріңді, тірлікте бергейсің. Ғибрат алар артыңа із қалдырсаң, Шын бақыт – осыны ұқ, мәңгілік өлмейсің!
Кісіге адамшылық неге керек? Кісіге адамшылық неге керек? Адамдық өзге айуаннан артық демек. Ит талаған төбеттен қалай дейсің Аямай әл келгенді жұлып жемек?
Мейірімсіз қасқырда да күшті өмір бар, Артылған жерің қайсы онан бөлек? Үнемі сен жеріңді қайдан білдің Бұл дүние кезек берер істі дөңгелеп.
Жүргізуші: Имандылық туралы мақал – мәтелдерге кезек берейік. 1. Ата жолы - адамдық, ана жолы – адалдық. 2. Кішілік пен кісілік – ұлылықтың белгісі. 3. Кешірім жасау – кеңдік, кешіре алмау – кемдік 4. Алғыс алған алтынға жолығады. Қарғыс алғанның аты жоғалады. 5. Алла деп бастаған іс алдымен бітеді. 6. Мал – бір жерге, иман бір жерге. 7. Ұяты жоқтың иманы жоқ. 8. Қадірлесең, әр тін қадір. 9. Сеннен - әрекет, Алладан – берекет. 10. Молда болғаннан, адам болған қиын. 11. Сұрай - сұрай Қағбаға да жетерсің. 12. Хақтың жолы – бір, жалғанның жолы – мың. 13. Жалғыздың жары – құдай. 14. Жаманмен жүздесу жаһаннам. 15. Әкбар бермейді – Алла береді. 16. Семсер, құран серті – бір. Жүргізуші –Кешір Алла (Мұртаза)
Әсел: Ақиқат жолы (Ғ. Төлегенқызы) Өміріме нұр құяр Құран шырақ. Ойыма салмас ешбір тұман - сызат. Айнымастан әрқашан сеніп өтем Төрт шындықтың барына күмәнсіз - ақ
Ең бірінші сенемін – Жаратқанға Екіншіден сенемін Хақ сөзіне Үшіншіден сенемін Пайғамбарға Бас иемін Алланың жарлығына.
Қанатын қырандардың қайырмағай Сұмдық - қулық қоғамға жайылмағай Жаратқаным жар болып бәрімізге Ақиқаттың ақ жолынан айырмағай. Жүргізуші: - Мың жылдан астам уақыт ата - бабаларымыз ұстанып келген Ислам дінін құрметтеуіміз керек. Отан иманнан басталады демекші. Өз Отанымызды сүйген адал, иманды азамат болайық. Хор «Кешір Алла»
Қорытынды Жүргізуші: Бір Аллаһ болсын жүректе Өзгеге кетпе сатылып Жаратқанды білмеген, Адамзат сипат мақұлық. Соңғы жылдары лаңкестіктің бір түрі – діни экстремизм кеңінен таралуда. Діни ұйымдар басқа мемлекеттің сыртқы және ішкі саясатына, адамдардың психологиясына әсер етуде, қауіпті сипат алып келеді. Оның қауіптілігі сол, діни экстремистік ұйымдар қандай да бір елдегі қалыптасқан тәртіпті бұзуға әрекет жасайды және бұл істе өзінің қатарына жастарды тартуы. Елбасымыз халыққа жолдауында айтылғандай:«Ұлттық қауіпсіздік» Тәуелсіз мемлекетіміздің өмір сүруінің басты кепілдігі болса, оны қорғау әрбір қазақстандықтардың қасиетті борышы болып табылады. Елбасымыз Н. Ә. Назарбаевтың «Дініміз –Ислам, түбіміз –түрік, мәзһабымыз – имам Ағзам» - деген сөзін жаңғыртуымыз керек.
«Батамен ер көгерер, жаңбырмен жер көгерер» дейді халық мақалы.
Бата жасау рәсімі 5 парыздың бірі- намазды қаза қылмай 5 уақыт оқып жүрген
Мұхаммедибрахим Мұртазаға беріледі.
Дұға оқып, бата жасау қазақ халқының ең маңызды бір дәстүрі болып табылады.
Мұртаза:
О. Жасаған құдайым,
Өзіңнен медет сұраймын.
Пәле - жаладан, қауіп - қатерден,
Күле жүріп күңіренгеннен сақта.
Иә, бабам бағып жүр,
Адассақ жолға салып жүр,
Пәлекет тисе егер де,
Қанатыңмен қағып жүр,
Жарлы қылмай малды қыл,
Топ ішінде көсем қыл.
Дұшпандарға сөз бермей,
Сөзге жүйрік шешен қыл!
Дұға оқылып, бата жасалғанда ізгі тілекке көп болып атсалысады.
Мұғалім:Алла тағала да «көптің тілеуін берейін» деген. Біздің де тілегіміз қабыл болсын!Осымен 4 в сыныбының «Имандылық иірімдері »атты дайындаған ашық тәрбие сағаты аяқталды.Назар аударғандарыңызға көп-көп рахмет!Ендігі сөз кезегін директордың тәрбие ісі жөніндегі орынбасары Өмірбаева Бибігүл апайға және ата- аналарға беріледі.
