"Ж?зден ж?йрік"" сайысы

Өткізген: Ажкаева А.Б

2015 ж

Тақырыбы:  «Жүзден жүйрік» cайысы.

 Мақсаты:          «Денсаулық» ұғымының адамгершлік  құндылығы ретінде мәнін ашу. Денсаулықты сақтау, нығайту қажеттілігі туралы түсініктерін кеңейту.   Денсаулығын нығайтуға қызығушылықтарын арттыру. Денсаулығын күтуге, бағалауға тәрбиелеу. Көрнекі құралдар:  «Жүзден жүйрік»жазуы, спортқа байланысты нақыл сөздер, шарлар,                                 

  Өту барысы:

1-жүргізуші:    Құрметті оқушылар және ұстаздар! «Денсаулық құпияларының   бірі – спорт» дегендей бүгінгі өткізгелі жатқан «Жүзден жүйрік» сайысына қош   келдіңіздер!

2-жүргізуші:       «Жүзден жүйрік» сайысы – бүгін 3-4 сыныптар аралығында өткелі тұр.

1-жүргізуші:        Біздің жетістіктерімізді бағалайтын әділқазылар алқасымен таныстыруға рұқсат етіңіздер!

                  1.ОІМ: Айтжанова Б.Ж

                  2.ТІМ: Сквирская Д.К

1-жүргізуші:        Ойнайық, ойнайық та ойлайық!

                               Қатардан артта қалып қоймайық,

                               Белсенді болайық ортада,

                               Уақытты тектен-тек жоймайық!

2-жүргізуші:                             Ойнайық, ойнайық та ойлайық!

                                                    Күшімізді көрсетейік, сынайық!

                                                    Жеңсең де, жеңбесең де ренішсіз

болайық,

                                                    Қаймықпай, көңілді болып тарайық!

  1-жүргізуші:  Бүгінгі спорттық сайыс 7 конкурстан тұрады.

                                             1. «Мұртты кенгуру» сайысы.

                                             2. «Пингвин» сайысы.

                                             3. «Қаңбақ шар» сайысы.

                                             4. «Сафари» сайысы.

                                             5. «Футбаскет» сайысы.

                                             6. «Кім көп секіреді?» сайысы.  

                                             7. «Желаяқтар» сайысы.

  2-жүргізуші:                                      

1 конкурс: «Мұртты кенгуру» сайысы.

Бала қарындашты мұрнына қысып, жартылай отырып жүріп отырып екінші  жаққа келіп берілген есепті шығарады. Қайтарда жүгіріп барады да келесі оқушының  алақанынан ұрып келесі эстафетаны оқушыға береді. Келесі оқушылар жалғастырады.

                   (Ойыншылар жарыса бастайды)

Мұғалім:  Ал енді «Мұртты кенгуру» сайысының қорытынды бағаларын білейік. Сөз кезегі әділ-қазылар өздеріңізде.

                               (Берілген бағалар тыңдалынады)

  1-жүргізуші:                                       

 2 конкурс: «Пингвин» сайысы.

    Допты аяққа қысып алып, жерге құлатпай пингвиндер жүрісімен жүріп, мәре   сызығына келгенде инструкторлардың алақанынан ұрып, қайтар жолда жүгіріп кетеді. 

                   (Ойыншылар жарыса бастайды)

Мұғалім:  Ал енді «Пингвин» сайысының қорытынды бағаларын білейік. Сөз кезегі

                          әділ-қазылар өздеріңізде.

                               (Берілген бағалар тыңдалынады)

2-жүргізуші:                                      

 3 конкурс: «Қаңбақ шар» сайысы.

 Шарды баспен ұрып мәре сызығына жетіп, инструктордың алақанынан ұрып, қайтар жолда жүгіріп кету керек.

(Ойыншылар жарыса бастайды)

Мұғалім:    Ал енді «Қаңбақ шар» сайысының қорытынды бағаларын білейік. Сөз кезегі     әділ-қазылар өздеріңізде.

                               (Берілген бағалар тыңдалынады)

1-жүргізуші:                                 

     4 конкурс: «Сафари» сайысы.

 Қаппен секіріп барып себеттегі шарларды шелекке лақтыру. Қайтар жолда тағы секіріп бару.

   (Ойыншылар жарыса бастайды)

Мұғалім:Ал енді «Сафари» сайысының қорытынды бағаларын білейік. Сөз кезегі әділ-қазылар өздеріңізде.

                                 (Берілген бағалар тыңдалынады)

2-жүргізуші:                                   

  5 конкурс: «Футбаскет» сайысы.

 Балалар допты футболдағыдай аяқтарымен теуіп барады да, қабырғаға ұрады.    Қайтар жолда баскетболдағыдай жерге ұрып 

жүгіріп келу керек.

                       (Ойыншылар жарыса бастайды)

Апай:                    Ал енді «Футбаскет» сайысының қорытынды бағаларын білейік. Сөз кезегі    әділ-қазылар өздеріңізде.

                                 (Берілген бағалар тыңдалынады)

1-жүргізуші:                                   

   6 конкурс: «Кім көп секіреді?» сайысы.

 Балалар скакалкамен секіріп барады да скакалканы береді, ал әкелері

  скакалканы аяқтарынын астынан өткізіп отырып мәреге секіріп келеді.

                       (Ойыншылар жарыса бастайды)

Мұғалім:Ал енді «Кім көп секіреді?» сайысының қорытынды бағаларын білейік. Сөз кезегі әділ-қазылар өздеріңізде.

                                 (Берілген бағалар тыңдалынады)

2-жүргізуші:                                      

7 конкурс: «Желаяқтар» сайысы.

Балалар желаяқтар жүрісімен жылдам жүріп барады да, әкелерінің алақандарын 

 ұрып эстафетаны береді. Қайтар жолда әкелері отырып жылдам мәреге жүріп келу  керек.

        (Ойыншылар жарыса бастайды)

Мұғалім:Ал енді «Желаяқтар» сайысының қорытынды бағаларын білейік. Жалпы ұпай санын тыңдайық.  Сөз кезегі әділ-қазылар өздеріңізде.

                                 (Берілген бағалар тыңдалынады)

1-жүргізуші:              Ұрпақ керек ертеңгі алда,

                                     Болашақты болжайтын.

                                     Дені таза, тәні таза,

                                     Елін, жерін қорғайтын!

Мұғалім:Еліміздің болашағы дені сау азаматтардың қолында. Денсаулықтың кепілі –  салауаттылық. «Жүзден жүйрік» сайысы осымен аяқталды. Белсенділік танытып  сайысқа қатысқандарыңыз үшін көп рахмет!