Жалпы ұлттық ата-аналар жиналысы
2017 жылғы 12 мамыр күні Баянауыл ауданындағы жалпы орта білім беру мектептерінде Республикалық жаппай ата-аналар жиналысы өткізілді. Бұл жиналысқа мектептердің әкімшілігі, қамқорлық кеңесінің төрағалары, 1-11-ші сыныптардың ата-аналары, мектеп ұстаздары қатысты. Аудан бойынша жалпы қатысқан ата-аналар саны 3250 болды.
Ата-аналар жиналысының мақсаты – ата-аналарды мемлекеттік білім беру саясатының бағыттарымен, жаңартылған білім мазмұнымен таныстыру. Жиналыс екі тілде өтті.
Жиналыстың басында мектеп директорлары сөз алып, ата-аналар жиналысының өткізілу мақсатымен, күн тәртібінде қаралатын мәселелермен қысқаша таныстырып өтті. Күн тәртібіндегі қарастырылған мәселелер:
- мектептердегі қамқоршылық кеңестердің қызметі;
- мектептердегі демеушілік көмек пен қайырымдылық туралы;
- жаңа форматтағы ҰБТ өтуі, мектеп түлектерінің кештерін ұйымдастыру.
- жазғы демалысқа дайындық.
Ата-аналарға жазғы демалыс уақытында балалардың өміріне және қауіпсіздік ережелерін сақтауға ұсыныстар жасады.
