«Тілім мені? тірегім» атты м?нерлеп о?у сайысы

№253 орта мектебі

Қазақстан Республикасының Тіл мерекесіне арналған

«Тілім - менің тірегім»

мәнерлеп оқу сайысы

Ұйымдастырушы: №253 мектеп тәлімгері Уразалиева Аида

Қызылорда қаласы

«Тілім менің тірегім» атты мәнерлеп оқу сайысы

Мақсаты: Оқушыларға мемлекеттік тілдің өркендеп, оянуына, мемлекеттік тілімізді сүюге, мемлекеттік тілді құрметтеуге, мәртебесін биік ұстау жөнінде, әр ұлттың өзіндік ерекшеліктері, салт-дәстүрі, діні, тіл ерекшелігі болатынын түсіндіру. Оқушылардың ой- өрісін, дүниетанымын кеңейту, сөздік қорын молайту, жұрт алдында еркін ауыз екі сөйлеуге баулу. 
Фанфары
Жүргізуші:Тілім менің қайыршы емес қаңғыбас, 
Тілім тұлпар – қуған желге шалдырмас. 
Кенже ұлдай үлкен үйге мұрагер 
Жер иесі – менің тілім мәңгі жас. 
Әуезов, Абайды өткен дәріс тілі, 
Тіл қатқан Тоқтар, Талғат ғарыш тілі. 
Қанша Заң қабылдаймыз, жетер енді, 
Естілсін мемлекеттік әр істе үні! 

Құрметті ұстаздар мен оқушылар, бүгінгі «Тілім- менің тірегім» атты қалалық мәнерлеп оқу сайысына қош келдіңіздер. 
Қазақ осы ағыл-тегіл көл- көсір, 
Қазақ осы « Өнер алды- тіл дейтін», 
Қазақ осы қарасыңба, ақсыңба, 
Қоңырсыңба жатырқауды білмейтін,- 
деп ақын ағамыз Қ.Мырзалиев айтқандай, ұлы қазақ даласында 130- дан астам ұлт өкілдері татулықта, сыйластықта өмір сүріп жатыр. Қазақстан жерінде тұратын әр адам Отанын сүю, мәдениеті мен тілін білу және оларды қастерлеу қасиетті борышы екенін сезіну қажет. Осындай мақсатпен мектебімізде қалалық «Жас ұлан» ұйымының ұйымдастырумен қала мектептерінің 5-7 сынып жасұландарының арасында мәнерлеп оқу сайысы өткізілгелі отыр.

Қазақстан Республикасының Мемлекеттік Гимні орындалсын.
Гимн орындалады. 
Жүргізуші: Тіл мәселесі – ежелден қашан да өткір, өзекті мәселе. Халқымыздың өз ұрпағын өз тілінде сөйлетудің өзі арман болғанын көріп, өз келешегін өзі шындап уайымдай бастады. Тілді елдік ұранға айналдыра келген ерекше ғасыр сол мәселені қайтадан күн тәртібіне қойып, 22-қыркүйекті – Қазақстан халықтарының Тілдері мерекесі деп жарияланды. Тарих бетіне қалдырды.Ендігі жерде тілімізді сақтап қалудағы жеңісіміз, еліміз бен елдігімізді, жерімізді сақтап қалудағы жеңісімізбен жалғасты. 
Қазақстан Республикасы Тәуелсіздік алғаннан бастап, осы бір атаулы – Қазақстан Республикасы халықтарының Тілдері күнін жыл сайын мерекелеу назардан тыс қалған емес. Күнтізбемізде атаулы, айшықты мерекелер көп. 
Алайда Адамзат қоғамынан Тіліміз еншілеген күн-22 қыркүйек. 
Бұл – біздің атымызды асқақтатып, айбынымызды көтерген төл мерекеміз. Ендеше осы төл мерекемізге арналған “Тілім- менің тірегім” атты мәнерлеп оқу сайысына қатысушы жасұландықтарға сәттілік тілеп,сайысымызды ашып беру үшін сөз кезегі мектеп басшысына беріледі.

Құттықтау сөз оқушылар мен жасөспірімдер үйінің әдіскері,қалалық «Жас ұлан» ұйымының атқарушы хатшысы Искандирова Сая Серікқызына беріледі .

Жүргізуші: Туған тілім қазынам,алтын кенім, 
Жаңа алыпқа өзіңді алып келдім. 
Қош келдің туған өлке,бесігіңе, 
Қасиетті бабамның тілі менің. 

Жаcұландықтардың өлең шумақтары оқылады.

Ән: «Вокзалда қауышқан қыз»

Орындайтын: Баймұрат Әбдірасул

Жүргізуші: Құрметті қонақтар,ұстаздар,оқушылар осы сайыстың әділқазы алқасының мүшелерімен таныс болыңыздар.

1. _________________________________________

2. _________________________________________

3. _________________________________________

4. _________________________________________

Жүргізуші: Қазақ тілі, ақжолтай ана тілім,

Анық маған сөнбестей жанатының.

Анық маған болашақ замандарға

Бөгделенбей, бөгелмей, баратының.- деп әр мектептің намысын қорғап келген тіліміздің жанашырылары «Жас ұлан» ұйымының сайысқа қатысатын оқушыларын ортаға шақырамыз.

1. _________________________________________

2. _________________________________________

3. _________________________________________

4. _________________________________________

5. _________________________________________

Жүргізуші: 

Ана тілім туған тілім, бал тілім, 
Сен арқылы дүние танып талпындым. 
Сен арқылы әлемге аян бар ісім, 
Сен өмірде таусылмайтын алтыным.  дей келе әділ-қазы өз шешімдерін шығарғанша, мектебіміздің мақтаныштары «Қырандар» көңілді тапқыштар клубының үздік ойыншыларының өнерлерін тамашалаңыздар. 
Ән. «Қазақ елі» 8 сынып оқушысы Қази Әсел
Әділ-қазылар сөз сөйлейді,мадақтамалар береді. 
Жүргізуші: Тіл – ұлттың жаны, халықтығының асыл белгісі, намысы,тыныс-тіршілігінің көзі, Ата Заңымен қорғалатын, еркіндігінің үні. Оны сендер де құрметтеп, қорғай біліңдер. Ынтымағы жарасқан халықтардың бесігі болған шуақты Қазақстанның бақытты да парасатты, білімді де, еңбекқор ұл-қызы болып өсе беріңдер! 

Жеңістерің құтты болсын жасұландықтар.

Сіздердің құрметтеріңізге 5б сынып оқушысы Жантөре Даниярдың орындауында «Жаса Қазақстан» әнін қабыл алыңыздар.

Назарларыңызға рахмет!