Тәрбие сағаты "Мен патриотпын"

Сабақтың тақырыбы:

«Мен патриотпын»

Күні: 2.09.2017ж

Сынып:

5 «Ж»

Сынып жетекшісі:

Ильясова А.Қ

Smart мақсат:

• Оқушыларды Отанды сүюге, құрметтеп қастерлеуге, өз елін, тегін тарихын білуге тәрбиелеу.

• Оқушылардың таным белсенділіктерін, қызығушылықтарын дамыту.

• Оқушыларға патриоттық, эстетикалық, адамгершілік тәрбие беру, өз ой - пікірін білдіре алатын оқушыларды тәрбиелеу.

Қолданылатын ресурстар:

Суреттер, нақыл сөздер, кескіндемелер, бейне таспа, гүлдер, Елбасы суреті

Күтілетін нәтиже:

Оқушыларды Отанды сүйеді, құрметтеп қастерлейді, өз елін, тегін тарихын біледі.

Оқушылардың таным белсенділіктері, қызығушылықтары дамиды.

Оқушыларға патриоттық, эстетикалық, адамгершілік тәрбие беріледі, өз ой - пікірін білдіре алатын оқушылар тәрбиеленеді.

Мұғалім сөзі:

• Қымбатты балалар, мен сендерді алғашқы оқу күнімен, Білім күнімен құттықтаймын. Сендерге жаңа жаңалықтар, жаңа білім, жаңа табыстар мен жетістіктер тілеймін. Көңіл-күйлерің көтеріңкі болсын! Сәт-сапар! Міне, жазғы демалыс та аяқталып, алғашқы қоңырау соғылды. Енді 9 ай бойы біз білім алып, оқып, сабақтарда және сабақтан тыс іс-шараларда бір-бірімізбен қарым-қатынаста болуға тура келеді. Бұл дегеніміз – 1085 оқу сағаты, 210 оқу күні. Ал енді, өзіміздің Отанымыз туралы не білетінімізді айтайық.

• Отан – әр адамның жүрегіне жылы тиер қасиетті сөз. Отан – сенің туған елің, туған жерің, дос – жарандарың, туған туысқаның. Отан – бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді. Біз Отанымызды, елімізді сүйеміз. Біз, Қазақстанның патриотымыз!

І. Ұйымдастыру

1. Аспаны ашық еліміздің,
Көркі сұлу жеріміздің,
Біз - бақытты баламыз!
Ақпыз, қара, сарымыз,
Ағайынбыз бәріміз!
2. Топқа бөлу (1,2,3 ретімен саналу арқылы)

ІІ. Ой қозғау (5минут)

Отан дейміз кең - байтақ астананы,
Жасыл жайлау, жаңа жол, жас қаланы.
Отанның шеті де жоқ, шегі де жоқ,
Ол бірақ өз үйіңнен басталады.
- Біздің Отанымыз қалай аталады?
- Қазақстан Республикасы қандай мемлекет?
- Қазақстан Республикасының президенті кім? - Президент деген кім? Біздің еліміздің президенті Нұрсұлтан Әбішұлы Назарбаев. Ал біздің Отанымыз – Қазақстан Республикасы. Сан ғасырлар бойы ата - бабаларымыз жерін жаудан қорғап, бүгінгі ұрпақ, бізге жеткізді. Қазақстан жер көлемібойынша 9 орында тұр. Қазақстанда үлкен қалалар көп. Олар: Алматы, Астана, Қарағанды, Шымкент, Көкшетау, Қостанай, Ақтау, Павлодар, Ақтөбе, Тараз, Қызылорда, Өскемен, Семей, Талдықорған. Бұлар – әдемі қалалар. Аталған қалаларда қазақтар, ұрыстар, ұйғырлар, өзбектер, корейлер, украйндер және тағы басқа ұлттардың өкілдері тұрады. Олар тату - тәтті, бірлікте өмір сүріп жатыр.
(Осы кезде картамен жұмыс жасату). Аталған қалаларды картаға түсіріп бояңыздар.

Астана - Отанымыздың бас қаласы, астанасы. Ол Есіл өзенінің жағасында орналасқан. Астана қаласын қазір бүкіл ел біледі. Астанада биіктігі 97 метрлік не бар? Бәйтерек. Бәйтеректі көргендерің, Астанаға барғандарың бар ма? (оқушылардың ойын тыідау). Ендеше алдымыздағы қима қағаздан не шығатынын жабыстыру арқылы көрейік. (жапсырмалаужұмысынжасату)

ІІІ. Топтық жұмыс

«Постер құрау»

«Патриот» (15минут)

«Мақалдатып сөйле...» (5минут)

Патриот

IV. Сергіту (5минут)

«Көк тудың желбірегені» әуенін видеосымен көрсету.

V. «Ыстық орындық» әдісі

Қазақстандай үлкен жерімізді, елімізді, танытып, намысымызды шет елде қорғап келген спортшыларымызды айтпасақ болмайды. Өз елінің патриот азаматы ретінде көк туымызды Риода желбіреткен спортшыларымызға мың алғыс. Қазақстан құрамасының Рио - де - Жанейро Олимпиадасынан ұтқан медальдар саны - 17. 2012 - жылғы Лондон Олимпиадасының алтын медаль иегері, жеңіл атлет Ольга Рыпакова бұл жолы қола медаль алды. Боксшы Василий Левит күміс медальға қол жеткізді. Ауыр атлет Александр Зайчиков қола медаль ұтып алды. Бокстан алтын медальді Қазақстан құрамасына Данияр Елеусінов тарту етті. Еркін күрестен Эльмира Сыздықова Олимпиаданың қола медалін иеленді.
Боксшы Әділбек Ниязымбетов осымен екінші мәрте Олимпиаданың күміс жүлдегері атанды. ЕркінкүрестенГюзельМанюрова – күміс, Екатерина Ларионова қола медаль ұтыпалды. Бокстан Иван Дычко мен ДариғаШәкімоважартылайфиналғашығыпмедальғаиеболды. Қазақстанспортшылары Рио - де - Жанейро Олимпиадасындажақсыөнеркөрсетті, мықтылығындәлелдеді. Осы орайда ел намысынқорғаған, көктуымыздыжелбіреткенбаршаспортшыларымызғабізөзризашылығымыздыбілдіруімізкерек.

VI. Рефлексия

«Өрмекші әдісі»

Балаларды ортаға шақырып шеңбер құрамыз. Жіпті бір-біріне лақтырып алмасу арқылы Еліміздің жеткен жетістіктерін атап өтеміз.

-Жіп бізді біріктірді

-Әрқашанда бірге болуымыз керек, бір-бірімізге көмектесуіміз керек. Бір шаңырақ астында тату өмір сүруіміз керек.

Халқымыздың бүгінгі уақытқа дейінгі жеткен жетістіктері өздеріңе аманат. Сондай - ақ, еліміздің егемендігін танытатын ресми ерекшелік белгілері: Ана тіліміз, Елтаңбамыз, Туымыз, Ата заңымыз, Әнұранымызды бойындағы бойтұмарындай сақтап қана қоймай, қашанда еліміздің, жеріміздің еркіндігін сақтар мықты ұрпақ, мықты азамат болатындарыңа сенімім мол. Еліміздіңжанашыр патриоты болайық.