Просмотр содержимого документа
«Сцненарий новогоднего утренника «??тты болсын, Жа?а жыл!»»
«Құтты болсын, Жаңа жыл!» Мақсаты: балаларға мерекелік көңіл күй тудыру; шыршаның қалай әдемі де сәнді безендірілгеніне, балалардың Аязатаның, Ақшақардың, Қоянның карнавалдық киімдеріне назар аударту; көңілді ойындар ойнату, достық қарым - қатынас ояту, бірлескен ойындар ойнату. Қатысушылар: жүргізуші, Аязата, Ақшақар, Қоян, Клоун, балалар, ата - аналар.. Музыка ойнап тұрады. Жүргізуші: (жүргізушінің дауысы тыс жерден шығады) Тезірек, тездетіп мында жиналыңдар. Басталады Жаңа жылдық карнавал, маска да бар, би де бар, асығындар, шырша жанында қонақтарды қарсы алыңдар. Аязата шақырғанның бірі дағы қалмайды. Басталады, басталады, жаңажылдық карнавал! Карнавалдвң иелерін қарсы алайық! (қол шапалақтау, балалар екі - екіден кіреді) Жүргізуші: Армысыздар, аяулы ұстаздар, ата - аналар! Сәлеметсіздер ме, балалар. Сендер бүгін, сәнді киініп, әдемі болып кетіпсіндер. Мына жерде орман аңдары, сүйікті ертегілеріміздің кейіпкерлері де жетіпті. Ал, бүгін балалар, қандай мереке? Балалар: Жаңа жыл! Жүргізуші: Жаңажылдық ертеңгілігімізді ашудағы құттықтау сөзін балабақша меңгерушіге Әсел Жангелдіқызына беріледі. Жүргізуші: Балалар бүгін біз Жаңа жылды қарсы алуға жиналдық. Келіңдер, сән құрап тұрып, қол ұстасып жүріп ән салайық. Ән: «Аппақ, апппақ жапалақтап» Жүргізуші: Балалар, ортамыздағы әсем не? Балалар: Шырша! Жүргізуші: Шыршамыз қандай әдемі! Ойыншықтары неткен көп! Ал, кім бізге шыршаға арналған тақпақтарын айтып береді екен? Аймереке: Жасыл шырша орманнан, Бізге арнайы келіпті. Ойыншығын балалар, Шыршаға әсем іліпті. Гүлжан: Әсем шырша сәнденген, Өз аңдарын күтеді. Жаңа жылмен бірге біз, Орманға кеп жетеді. Арай: Тамаша, тамаша, Шыршамыз тұр жараса. Басында әсем жұлдызы, Көз тоймайды қараса. Жүргізуші: Жарайсындар, қандай жақсы тақпақтар! (шыршаның жанына жақындап келіп) бәрекелді, қараңдар балалар, шыршаның астыңда бірдеңе тұр! Сыйлықтар! Сыйлық алу қандай тамаша, келіңдер, балалар, сыйлықты ашып көрейік. (көңілді муз. Ойнайды, қорапты ашады, оның ішінен Клоун атып шығады.) Клоун: Амансыңдар ма, балалар! Иә, бұл менмің. Мені ораудан алып шыққандарың қандай жақсы болды! Ол жерде тар, әрі қап - қараңғы. Ал, мұнда сондай тамаша екен! Мен де сендермен жаңа жалды қарсы алайыншы, сендермен бірге қызықты ойынды ойнайыншы! Ойын: «Кім жеңеді?» (4 орындықпен) Жүргізуші: Балалар, бізде шыршамыз бар, әдемі киінген балаларымыз бар, ата - аналарымыз, көрермендеріміз де бар екен, енді, біздің жаңа жылдық мерекемізге кім жетпейді? Балалар: Аязата, Ақшақар. Жүргізуші: кәне, онда Аязатаны шақырайық. Бар дауыспен айқайлайық. Балалар: Аязата, Аязата (деп 2 рет айтқанда, есік ашылады да, Қоян кіріп келеді.) Қоян: Ойбай түрлерін қара! Неге тамақтарынды жыртып жатырсыңдар?! Жүргізуші: Ал, сен неге амандаспайсын? Әдепті адам алдымен амандасып алады дегенді білмейсің бе? Қоян: Білсем бұйырмасын! Жүргізуші: Мұны тіпті мына бүлдіршіндеріміз біледі. Ал, саған тіпті ұят. Саған ешкім үйреткен жоқ па? Қоян: Жоқ. Жүргізуші: Сен өзі қайдан шықтың? Біз Аязатаны шақырып едік қой?! Қоян: Ал, мені мерекеге неге шақырмайсындар? Аязата сендерге бәрібір келмейді, өйткені мен ормандағы жол көрсететін белгіні алып тастадым, енді ол жол таба алмайды ха - ха - ха (деп секіреді) Жүргізуші: неге олай еттің? Аязата, Ақшақарсыз қандай жаңа жыл келмек? Қоян: Ә, бәлем, солай ма екен! (осы кезде боранның гуілдеген дыбысы естіледі. Қоян тоңа бастайды да, біреулердің киімдерінің астына кіріп, ата - аналарға тығылып, соңында шыршаның астына тығыла бастайды ) Алыстан Аязатаның дауысы естіледі. Жүргізуші: Аязата, Ақшақар келе жатыр ғой деймін, шақырайық, қол соғайық, болған қиындықтарды ұмытайық! Балалар: Аязата, Ақшақар! Аязата: Сәлематсыңдар ма, балалар! Күнтізбеде қалыпты жалғыз ғана бір парақ, Дайындалдым жыл бойы, Жолға шығар келді уақ! Шақырымды жүздеген Басып өту мен үшін Жаңа жылдың түнінде Жасыл шырша түбінде. Кездессем деп сендермен, Тарасам екен сыйлықтар, Одан асқан не сый бар. Қуаныш сыйлау балаға Одан зор бақыт бола ма! Сендерді көргеніме сондай бақыттымын! Балалар, мына шыршамыз көңілсіз тұрған сияқты ғой. Кәне, сиқырлы сөздерімізбен оның шамдарын жарқыратайық! Қуант бізді, таңырқат шамдарыңды жарқырат! (3 рет айту керек) Балалар: Қуант бізді, таңырқат шамдарыңды жарқырат.(қолдарын шапалақтатады) Шырша жарқырайды. Аязата: Балалар, менің қарша қызым қайда жұр екен, кім тауып береді екен маған? Амина: Мұздан моншақ тағынып, Күміс қырау жамылып. Ортада тұр Ақшақар, Көптен күтіп сағынып. Сая: Кел билейік сенімен, Деймін тартып жеңінен Еріп кетпе Ақшақар. Адамдардың демімен. Аяна: Міне тағы келіп тұр, Жаңа бір жыл балалар. Жадыратып жер үстін Төрімізге ол шыққан. Бану: Аспан жерге төгеді, Ақ күмісін уыстап, Жаңа жылда келеді Бізге қарай жылыстап. Ислам: Жүзімізге күлкі ойнап Қанаттанды жанымыз. Жаңа жылды біз тойлап Шаттанамыз бәріміз. Аязата: Бәрекелді, бәрекелді. Менің Ақшақарым қазір келіп қалар, мынадай тақпақтар дан кейін кідірмес. Клоун балам, сыйлықтарын берейік тақпақ айтқап балаларға. Жүргізуші: Аязата, мен де, жұмбақтап жіберсем қайтеді? Ертегідей орманнан Көктей өтіп келеді. Сұңқар бойлы бір сұлу Табынаршы, аты кім? Балалар: Ақшақар! (музыкамен Ақшақар кіреді) Ақшақар: Сәлеметсыңдар ма, балалар! Орманды көктей өтіп жеттім - ау сендерге. Қандай әдемі, неткен сұлу шырша! Мен білемін бір ойын: Үйретейін сендерге Мен бастайын, ал, сендер аяқтаңдар ойынды. Хормен жауап айтыңдар! Қарға мүлгіп дала тұр, келе жатыр.... Балалар: Жаңа жыл! Ақшақар: Қызыл мұрын, ақ мұртты білсең атын тез ата, келеді бізге..... Балалар: Аязата! Ақшақар: Шырша бүгін кәделі! Сендер әрі.... Балалар: Әдемі! Ақшақар: Көңілсіз бір бала жоқ, ойын – күлкі таралсын. Құтты болсын.... Балалар: Жаңа жыл! (3 рет) Жаңа жыл келеді. Жаңа жыл: Кім десендер, мен жаңа жылмын, Жылқымын. Мен әкелген жаңа жыл сендерге үлкен табыс, денсаулық ала келдім. Аязата: Бәрекелді, ал, енді балалар тақпақтарын айтып берсін. Бекжан. Бізді байтақ далада, Асқар тауда қалада. Биыл ғажап іс болды, Таң ғажайып қыс болды. Санжар: Жаңа жылмен, жаңа жылмен, Құттықтаймыз әрине. Әкемізді, анамызды Қонақтардың бәрін де! Қайнар: Бір топ бала сырғанап, Би билейік зырлайық. Қалды артта қар алып, Іздерінен қар ұшып. Аруна: Кел жаңа жыл біздерге, Кел жаңа жыл, жаңа жыл. Назерке: Қызыл ала шапаны, Сағындым Аязатаны. Наби: Далада қар борайды,, Ақ мамыққа орайды. Ернұр: Мұз болады қатады, Жап - жалтар боп жатады. Ерасыл: Қыс келді, Қыс келді. Ақтарып ақ қарды. Райхан: Қызыл ала шапаны Сағындым Аязатаны. Ақшақар ойын ойнатады. Жүргізуші: Кәне, балалар, бәріміз «Жаңа жыл!» әнін жақсылап айтып жіберейік, Аязатамызбен Ақшақарымызбен, Жаңа жыл бар, Клоун бәріміз! Ән: «Жаңа жыл!» Аязата мен Ақшақар сыйлықтар таратады. Ақшақар: Мінекей, балалар, сендермен қоштасатын да кез келді. Сендерді қимай тұрмыз, барлығың да көңілді, әдемі бала екенсіңдер. Аязата: Жаңа жылда, балалар, тек қуаныш көріңдер. Ауырмаңдар ешқашан, мықты болу өзіңнен. Ақшақар: Жаңа жылда, балалар, тек жақсылық көріңдер. Жылау, ауру, жамандық қастарыңда болмасын. Сау болыңдар, балалар
1.Жүргізуші: Амансың ба халайық? Жаңа жылды тойлайық Ән салайық, билейік Көңілімізді көтерейік Құрметті ата-аналар, ұстаздар, оқушылар! Жамбыл орта жалпы білім беретін мектеп-балабақшасы бастауыш сынып балаларының Жаңа жылға арналған ертеңгілігін бірге тойлайық!
1-жүргізуші: Кел, жаңа жыл, Төрле, төрле жеріме, Құт береке боп келгейсің еліме, Үміт артып армандарға аяулы. Шаттығына бөлегейсің бізді де, - дей отырып мектебіміздің директоры Зинайда Рахметқызының балаларға деген жаңа жылдық ыстық лебізін қабыл алайық.
Қуант бізді, Жаңа жыл! 1.Жүргізуші: Амансың ба халайық? Жаңа жылды тойлайық Ән салайық, билейік Көңілімізді көтерейік Құрметті ата-аналар, ұстаздар, оқушылар! Жамбыл орта жалпы білім беретін мектеп-балабақшасы бастауыш сынып балаларының Жаңа жылға арналған ертеңгілігін бірге тойлайық!
2.Жүргізуші: Ортада таңдандырып талайды, Шыршамыз жасанып, жайнайды. Құбылып, құлпырып айнала Сиқырлы сәулелер тарайды. Балалар, қараңдаршы қандай әдемі шырша. Біз шыршамызға тақпақ, ән айтып берейікші. Хоровод: Ән «Аппақ, аппақ»
1.Жүргізуші: Балалар, естідіңдер ме, біреу келе жатыр. Олай болса сол қонақпен біздер тығылыспақ ойнайық. Кәнеки, бәріміз шыршаның арғы жағына тығылайық. ( Балалар тығылады, Ақшақар келеді) Ақшақар:Мектепке балалардың Жаңа жыл мейрамына келе жатыр едім. Енді мен қайда келдім? Осы жаңа ән естіген сияқты едім, ал енді ешкім жоқ, қызық екен. (Балаларды іздейді. Мысықтың даусы шығады). Жоқ ол жерде мысық екен, әрі қарай іздейін (жақындаса иттің дауысы шығады). Жоқ ол жерде ит екен, әрі қарай іздейін (Балаларды табады). Сәлеметсіздер ме балалар! Мектептің қасынан өтіп бара жатып әдемі әнді естіп қалдым, сіздерге мейрамға келдім.
2.Жүргізуші: Сәлеметсіз бе Ақшақар! Біз саған өте қуаныштымыз, төрлет. Біздің қонағымыз бол! Ақшақар, қарашы қандай әдемі шырша, қаншама ойыншықтар. Ал неге шыршада шамдар сөніп тұр? Балалар шыршамен ойнайықшы, өз шамдарын жақсын, сөндірсін. Шамдарды жағу үшін біз шапалақтаймыз. Ойын: «Шырша» (Балалар шапалақтайды) шамдар жанады. Ал енді шамдарды сөндірейік, қатты, қатты үреміз. (Балалар үреді, шамдар сөнеді) ойын 2-3 рет ойналады. Ақшақар: Қандай сиқыршымыз бәріміз. Бірақ шыршада шамдар жанып тұрсын, сонда ғана шырша әдемі. 1.Жүргізуші: Ақшақар бізде тағы да сиқыршы бар. Бәріміз сол сиқыршының өнерін тамашалаймыз. (Сиқыршы бала фокус көрсетеді - жәшікке кішкентай қуыршақ салады, үлкен Айқызды шығарады).
2.Жүргізуші: Мынау кім екен? Ақшақар: Қорықпаңдар балалар, ол аю. Қыста аю ұйықтайды, ал біздер оны оятып жібердік. (Аюдың қасына барып) Аю оян, Жаңа жыл келді. (Аюдың дауысы шығады). Оянғысы келмейді. Аю, сен Жаңа жылды көргім келеді деп айтатын едің, тұр, Жаңа жыл келді. (Аю оянды).
1.Жүргізуші: Сәлеметсіз бе аю. Бізбен ойнашы. Аю: Сәлеметсіздер ме, балалар, қонақтар. Сәлеметсіз бе Ақшақар. (Көзін уқалап, аузын ашып, керіліп) мен сендермен ойнамаймын, одан да мен ұйықтаймын (шыршаның алдына жатады да ұйықтайды). Ойын «Аюды оятайық». Балалар аюдың қасына жаймен барып топылдатады. Аю балаларды қуады да қайтадан жатады. Ойын 2 рет ойналады. Аю (оянып): Ақшақар, ал Аяз Ата қайда? Ақшақар: Білмеймін Аю. Аяз Атада жұмыс көп қой: шыршаны әдемілеу, балалардың барлығына сыйлықтар дайындау. Аю: Мен орманға барып Аяз Атаны іздеп келейін. (Аю шығып кетеді).
2.Жүргізуші: Аю мен Аяз Ата келгенше Ақшақарға арнап ән айтып берейік Хоровод: Ақшақар: Рахмет балалар, қандай көңілді, керемет ән айтып бердіңдер. Ал неге Аяз Ата мен Аю кешігіп жатыр. Канеки балалар, шақырайық оларды. Балалар: Аяз ата ауууууу! (Бірнеше рет қайталайды) (Аяз Ата мен Аю келеді). Аю: Балалар мен Аяз Атаны таптым. Сендер шақырмағанда біздер адасып кетеді екенбіз. Аяз Ата: Сәлеметсіздер ме балалар! Сәлеметсіздер ме қонақтар! (Балалар амандасады). Естіп жатырмын, естіп жатырмын, Келе жатырмын, келе жатырмын Жаңа жылдарыңмен, Жаңа жылдарыңмен! Балаларым, балғыным, Өмір гүлім, шағыным. Тілегенім жыл бойы, Сендердің денсаулығың. Амансың ба, ұлдарым, Аппақ ару қыздарым? Мен сендерге әкелген, Құтты болсын жылдарың! Ақшақар: Сәлеметсіз бе, Аяз Ата. Біздер балалармен ойнадық, биледік. Ал енді балалар сізге ән орындап береді. (Ән «Жаңа жыл»).
Ақшақар: Аяз Ата, ал сен балаларға қандай ойын әкелдің? Аяз Ата: Мен ойынға қар әкелдім, қазір қармен ойын ойнаймыз. (Аяз Ата шашады, ал балалар жинап алады. Ойын 2 рет ойналады). 1.Жүргізуші: Аяз Ата, Ақшақар, Аю қараңдаршы мына жерде қандай үлкен қар жиналып тұр. (Ақшақар мен Аю барып қарайды). Ақшақар: Қараңдаршы балалар, ол қар емес, сендерге дайындаған Аяз Атаның сыйлығы. Аяз Ата да сиқыршы екен.
2. жүргізуші: Қане,балалар аяз атаның қапшығы табылды, сыйлығы мол екен. Соған арнап өнерлерімізді көрсетейік. Ақшақар: Қандай керемет, мынау кәдімгі өнерлердің өзі екенсіңдер! Балалар, мен сендерге сыйлық әкелдім ол жаңа жылдық сақиналар, осы сақиналармен ойнайықшы. Ойын «Сақиналар». Сақиналарды Ақшақардың таяқшасына кигізу керек. (Ойын 2-3 рет ойналады. 3 рет Ақшақар сақинамен билеуге шақырады. Аюдың дауысы шығады.) (Тақпақ айтатын балалардың нөмірлері жүреді.) Хоровод
1-жүргізуші: Кел, жаңа жыл, Төрле, төрле жеріме, Құт береке боп келгейсің еліме, Үміт артып армандарға аяулы. Шаттығына бөлегейсің бізді де,
2-жүргізуші:Қош келдіңіз бүгінгі кешімізге, Жаңа табыс тілейік ісімізге. Келе жатқан жаңа жыл құт әкелсін, Мына отырған барша жан бәрімізге.
1-жүргізуші: Төрлетіңдер, төрлетіңдер. Шырша сәнің көріңдер. Әсем әнмен би билеп, Күй жырларды төгіңдер.
2.Жүргізуші: Балалар енді біз, 2013 жаңа жыл ЖЫЛАНДЫ қошеметпен қарсы алайық! Музыка ырғағымен (Жаңа жыл «Жылан» кіреді) Жылан: Жаңа жыл – туындаған жаңа армандар, Жаңа жыл – шуылдаған жаңа ормандар. Ал мынау – мәңгі бақи жаңа дүние, О, сәлем жаңа жылда жаңарғандар. - Мен сендерге «Бақыт» сыйлаймын ( жүректердің суреттері ішіне жылы сөздер жазылған), - Мен сендерге «Ашық аспан сыйлаймын» (бұлт,күн, аспан т.б. суреттер) шашып жібереді. - Мен сендерге - Мен сендерге Хоровод: Ойын: 1-жүргізуші: Ақ көңілім айналды аппақ қарға, Көңілдене қосыл сен ән мен жырға. Қыс қызығы басылмай ұласады, Қуаныш көп болсын жаңа жылда.
2-жүргізуші: Мектебіміздің бишілерін шақырайық, Қошеметпен, құрметпен қарсы алайық. Бишілерімізді ырғалтып би билетіп, Қол соғып биік шыңға самғатайық
Бишілерге кезек береміз.
АЯЗ АТА: Ой, бәрекелді, балаларым. Әсем ән шырқап, би билеп аталарыңды бір қуантып тастадыңдар. Көп-көп рахмет, өркендерің өссін. Енді Ақшақар екеуміз аттанайық. Баршаңызбен қоштасамыз, сау болыңдар. АҚШАҚАР: Сау болыңдар, балалар, келесі жаңа жылда кездескенше. Барлығы: Сау болыңыз Аяз ата, сау болыңыз Ақшақар. 2-жүргізуші: Ей, жаңа жыл, жаңа бақыт ырысым. Жақсылықтың жаршысы да нұрысың. Адамдардың асқақтаған арманы, Ақындардың таусылмайтын жырысың
1-жүргізуші: Жаңа жыл, жаңа бақыт, жаңа жыр. Ізгілік, бірлік дәнін ортаға ысыр. Құт болып береке бер халқымызға Мерейін мәртебесін биікке асыр. 2-жүргізуші: Міне, жаңа 2013 жыл да келді. Ал 2013 жылы да елімізге тыныштық болып ырыс-құтымыз арылмасын. 1-жүргізуші: Жаңа жыл - әрбіріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін. Жаңа жыл баршамызға берекелі, мерекелі жыл болсын. Келесі жаңа жылда кездескенше аман-сау болайық. Бірге: Жаңа жылдарыңыз құтты болсын.
Жаңа жылдық сценарий Жаңа жылға арналған мерекелік ертеңгілік өткізілетін, әсем безендірілген залға көңілді әуенмен балалар билеп кіреді. Жүргізуші: Келді, міне, сағындырып далама Келді, міне, Жаңа жыл қалама Ән салып, жұмбақ болып, тақпақ болып. Кәне, кәне келіңіздер Би билеп ән салып беріңіздер! Мерекені Жаңа жылды қарсы алып. Ақтарайық әнменен көңіл сырын - дей келе құрметті қонақтар, ата - аналар бүгінгі жаңа жыл ертеңгілігін бастауға рұқсат етіңіздер. Мерекелік тақпақтарға кезек береміз. 1 - бала Жүзімізде күлкі ойнап, Қанаттанды жанымыз. Жаңа жылды біз тойлап, Шаттанамыз бәріміз. 2 - бала Ақ қар жапты даланы, Ақ жамылды айнала. Жарқыратып шамдарын, Шырша келді ортаға. 3 - бала Жаңа жылым жол болсын, Басқан қадам оң болсың. Төрлет, төрлет жаңа жыл Бізге құтты жыл болсын! 4 - бала Тілеймін мен бар әлемге, Дос көп болсын жанашыр, Ата - әже, ата - әже, Құтты болсын, Жаңа жыл! Музыка әуенімен қасқыр мен қоян кіреді. Қолдарында шырша ойыншықтары бар. Қоян: Балалар шетінен әдемі. Ой, неткен әсем шырша! Сәлеметсіңдерме балалар, сәлеметсіздерме қонақтар! Біз қасқыр екеуміз осы балабақшада жаңа жыл мерекесі өтетінін біліп, шыршаны безендіруге келдік. Қасқыр: Сәлем достар аманба Менде келдім ортаңа Безендіріп шыршаны Жыл қуантты баршаны Той – маскарад басталды, Аяз оны басқарды. Армысыңдар! Бармысыңдар, ағайын! Қане құшақ ашайық, достық тойын жасайық. (Қоян мен қасқыр шыршаны безендіре бастайды.) Жүргізуші: Шыршаны безендіруге алып келген ойыншықтарың қандай әдемі! Осы кезде сауысқан ұшып келеді. Сауысқан: - Құтқарыңдар, құтқарыңдар. Мыстан кемпір Аяз - атаны сиқырлап тастады. Жүргізуші: Балалар, біз Аяз - атаны құтқаруымыз керек. Егер Аяз - ата болмаса Жаңа жыл мерекесі өтпейді. Қоян: Енде не істейміз? Қалай құтқарамыз. Қасқыр: Сауысқан, қоян жүріңдер, Аяз - атаны мыстанның сиқырынан құтқарайық. Жаңа жыл мерекесі өтпесе балалар бізге ренжиді. Музыка әуенімен Аяз - атаны құтқаруға аңдар кеткенде, залға мыстан кемпір кіріп келеді. Жүргізуші: Мыстан кемпір, балалардың көптен күткен Аяз - атасын жібер. Мерекемізді бұзба. Мыстан: Менің бір шартым бар. Сол шартымды балалар орындап, жеңсе Аяз - атаны жіберемін. Жүргізуші: Ол қандай шарт? Мыстан: Менімен ойын ойнайсыңдар. Сол ойында мені жеңсеңдер тілектерің орындалады. Жүргізуші: Балалар, қане, Аяз - атаны құтқару үшін, мыстанмен бірге ойын ойнап, жеңіске жетейік. Ойын: «Пиманы кім тез киеді?» Мыстан: Жарайсыңдар балалар! Сендер Аяз - атаны құтқардыңдар. Ендеше мен барып Аяз - атаны сиқырымнан босатайын. Мыстан кемпір залдан қоштасып шығып кетеді. Ақшақар: Сәлеметсіңдер ме балалар! Аяз - атаны көрдіңдер ме? Балалар: Жоқ, Аяз - атаны мыстан кемпір сиқырлап тастапты. Ақшақар: Енді не істеймін, онсыз мереке қызықты өтпейді ғой. Сендерге сыйлықты енді кім береді? Жүргізуші: Ақшақар сен уайымдама, Аяз - ата қазір біздің ортамызға келіп қалар. Мыстан кемпір оны босатуға уәде берген. Балалар шыршаны айналып Аяз - атаны шақырады. Музыка әуенімен қасқыр мен қоян Аяз – атаны мерекеге алып келеді. Аяз - ата: Амансыңдар ма балалар, аманбысың Ақшақар, амансыздар ма қонақтар. Мені көп күттіңдер ме? Қасқыр мен қоян болмаса мен жете алмас еді. Қоян, Қасқыр рахмет сендерге! Жүргізуші: Сәлеметсіз бе Аяз - ата! Біздің шыршамыз жарқырамады ғой. Енді не істейміз? Аяз - ата: Ақшақар қызым - ау. Менің сиқырлы таяғымды алып берші. (Таяғын шыршаға тигізіп) Аяз - ата: Шыршам, қане, жана ғой!-(дегенде шыршаның шамдары жарқырап жанады.) Жүргізуші: Ал енді біздің бүлдіршіндеріміз шыршаның жану құрметіне арнап « Кел, Жаңа жыл» әнін орындап береді. Ән: «Кел, Жаңа жыл» Аяз - ата: Жарайсыңдар! Өнерлі балалар екенсіңдер. Ақшақар: Аяз - ата меніңде өнерім бар. Мен қыздар мен бірге Жаңа жылға арнап би билеп берейін. Би: «Қарша қыз» Жүргізуші: Аяз - ата демалып отырып, біздің балалардың тақпақтарын тамашалаңыз. 5 - бала Кел, достар, бастайық, Бастайық жал басын, Қызықтан бос қалып Кей бала қалмасын. 6 - бала Сақалы аппақ күмістей, Тістері аппақ күріштей, Қызыл ала шапаны, Сағындым Аяз - атаны. 7 - бала Жақсы жаңа жыл келді, Асқар таумен тұлғалас. Біз осылай жылды енді, Қарсы алайық бәріміз. 8 - бала Оралды өлкеме Жаңа жыл, армысың! Оранды ақ көрпе, Асқар тау, қарлы шың. Аяз - ата: Ой! Бәрекелді, жарайсыңдар, балалар! Аталарыңды бір қуантып тастадыңдар. Жүргізуші: Балалар бізде қазір қандай жыл? Балалар: Ұлу жылы. - Келе жатқан жыл қалай аталады? - Жылын жылы. Жүргізуші: Дұрыс айтасыңдар. Ендеше біз өткен жылмен, келер жылды ортаға шақырайық. Музыка әуенімен ұлу мен жылан залға билеп кіреді. Ұлу: Сәлеметсіңдер ме балалар. Сендердің киімдерің қандай әдемі. Ой, неткен әсем шырша? Мұнда не болып жатыр? Жүргізуші: Бүгін бізде Жаңа жыл мерекесі. Енді біз сізбен қоштасамыз, жылан жылын қарсы аламыз. Бірақ, сіз біздің мерекеміздің қонағысыз. Жылан: Мен Жаңа жылмын ғой! Сендердің мерекелеріңе қатты асығып келдім. Жаңа жыл мерекесі құтты болсын. Жүргізуші: Төрлетіңіздер. Балалардың өнерлерін тамашалаңыздар. Балалардың орындауында мерекелік тақпақ. 9 - бала Әдемілеп біз ілген, Ойыншықтар тізілген. Қандай әсем шыршамыз, Ән шырқайық баршамыз. 10 - бала Ақша қарға малынып, Аппақ тонын жамылып, Сақалы мен мұртына Күміс моншақ тағылып Аяз - ата келеді, Балаларды сағынып. 11 - бала Жүзімізде күлкі ойнап, Қанаттанды жанымыз. Жаңа жылды біз тойлап, Шаттанамыз бәріміз. 12 - бала Аспан жерге төгеді, Ақ күмісін уыстап, Жаңа жыл да келеді, Бізге қарай жылыстап. Жүргізуші: Балалар енді біз ұлу жылымен қоштасып, жылан жылын қарсы алайық. Жылан: Жаңа жылдың таңы неткен арайлы, Ақ мамыққа бөлеп алды маңайды. Жаңа жылмен құттықтаймын сіздерді, Балаларға сыйлық әкеп тараттым! Жаңа жылдарың құтты болсын, ағайын. Қоян: Қане, бәріміз жылан жылының келу құрметіне ән салмаймыз ба? Қасқыр: Дұрыс айтасың! Барлығымыз бірге шыршаны айналып, ән салайық. Ән: «Шырша жыры» Қасқыр, Қоян, Ұлу, Жылан қонақтар мен және балалар мен қоштасып шығып кетеді. Аяз - ата: Жарайсыңдар балаларым! Мені бүгін бір қуантып, алыс жерден шаршап келгенде көңілімді көтердіңдер. Барлықтарың да ақылды, білімді де, өнерлі екенсіңдер. Киген киімдерің қандай әдемі! Солай емес пе қызым? Біздің сыйлығымызға риза болыңдар. Ал енді біз жолға шығайық. Басқа да балалардың өнерін тамашалайық. Ал, балаларым, сендер өсе беріңдер, өркендей беріңдер. Аспандарың ашық болсын! Қош болыңдар! Қолдарын бұлғап шығып кетеді. Балалар: Сау болыңыздар! Жүргізуші: Құрметті қонақтар, балалар! 2014-ші жаңа жылға арналған мерекеміз аяқталып қалды. Көріп тамашалағандарыңызға рахмет. Жаңа жыл құтты болсын, отбасыларыңызға тек бақыт пен қуаныш алып келсін!!
Әуенмен балалар залға кіреді. Тәрбиеші: Бүгін келді жаңарып Сәбилердің тағы да Би билейді ән салып Жасыл шырша жанында Сәлем бізден баршаға Құттықтаймыз жыр сала Бүгін бізде жаңа жыл Қош келіпсіз шыршаға Жаңа жылда көңілді Шырқалады әніміз Ата - аналар сіздерді Құттықтаймыз бәріміз Қане балалар, бәріміз бірге Жаңа жыл құтты болсын.(Бәрі бірге) Тәрбиеші:- ия балалар, бүгін жаңа жыл мерекесі. Олай болса ән де салайық, тақпақты айтайық, биде билейік. Қане бәріміз бірге жылқы жылы кетіп, қой жылы келді. Олай болса бүгінгі жаңа жыл мерекесіне арналған тақпақтарымыздан шашу шашайық. Хор: « Жаңа - жыл» Мерейім: Қызық думан күн келді Жасыл шырша түрленді Аяз сүйіп терледі Сылдырлайды моншағы Шыршамыздың мол шамы
Диас: Белый снег пушистый Раздухе кружиться И на землю тихо Подает ложиться Осы кезде мыстан кемпір келеді. Мыстан кемпір: - Ха - ха - ха мына жерде не болып жатыр, мұнда шырша қайдан келген. Тәрбиеші: Шыршаның тұрған себебі біз шырша тойын мына балалармен бірге тойлап жатырмыз. Мыстан кемпір: - А, мүмкін емес мен сендерге шырша тойын тойлатпаймын, мына шыршаны қолымдағы балтамен шауып тастаймын. Сиқыр болып киінген қыз бала қолындағы сиқыр таяғымен Мыстан кемпірге келіп:- Мыстан кемпір сен қатыгез болма, Мына сиқырлы таяғымен сізді түртіп жіберіп, мейірімді мыстан кемпірге айналдырамын. Бір, екі, үш. Мыстан кемпір;- ой, ой, ой басым, басым ой, мен біртүрлі болып тұрмын. Ма мұнда балалар жиналып шырша тойын тойлап жатыр ғой, балалар менде сендермен бірге шырша тойын тамашалайықшы. Тәрбиеші: - Ой, балалар, мыстан кемпір мейірімді болып кетіпті, қане бар өнерімізді ортаға салайық.
Гүлназ: Жаңа жыл, жаңа жыл Жаңалық ізде сен Жаңа ән жаңа жыр Жазып бер бізге сен Жаңадан көп түрлі Қуыршақ бергейсің Жаңадан көп сырлы Үйлерге кіргейсің Муслим: Тілеймін мен бар әлемге Дос көп болсын жан ашыр Ата - әже, ата - әже Құтты болсын жаңа жыл Тілеймін мен бар адамға Жаңа бақыт жаңа жыр Әке - ана, әке – ана Құтты болсын жаңа жыл. Шырша шамын жағу Тәрбиеші: - Балалар, шырша шамын жақтық, енді бізге қонаққа кімдер келеді? Балалар: - Ақша қар мен Аяз ата келеді Тәрбиеші:- Біздер олардан не күтеміз? Балалар: - Сыйлықтар. Тәрбиеші: - Қане бар дауысымызбен Аяз ата мен Ақшақарды шақырайық. Осы кезде қасқыр келеді Аяз ата болып киініп кіреді. Қасқыр: - Амансыңдар ма? Балалар, р - р - р биыл қандай жыл болмақ? Балалар:- қой жылы Қасқыр: Олай болса араларыңда тоқты, қой, қошақандар барма? Мен оларды асап – асап жеймін, менің қарным аш. Биыл қарным тоқ болатын болды р - р - р ха - ха - ха Тәрбиеші: балалар, қараңдаршы бұл шынымен Аяз ата ма? Балалар: - Жоқ апай бұл Аяз ата емес, бұл қасқыр ғой. Тәрбиеші: Онда біз қасқырды қармен ұрып қуайық. (Балалар қасқырды қармен ұрып қуып жібереді) Тәрбиеші: - Балалар бар дауысымен Аяз ата мен Ақшақарды шақырайық. Аяз ата мен Ақшақар келеді.
Жеке ән: «Шырша әні» Би: «Ча - ча» Темірлан: Төрле, төрле жаңа жыл Құтты болсын жаңа жыл Тілекке елді жеткізіп Есте қалсаң жарадың Нұрдана: Қыстың күні көңілді Көп қызықты көреміз Шығып алып далаға Сырғанақта тебеміз Шанамызға мінеміз Мәз – мәйрам боп күлеміз Жарысамыз бәріміз Жарасып тұр сәніміз Бақдәулет: Жаңа жылға арналады жаңа жыр Жаңа жылда шақырады бар өмір Бақыт болып жаңа жылым келді ғой Құтты болсын, құтты болсын жаңа жыл. Іңкәр: Даламызға қаламызға Жаңа жыл кіріп келеді Қартыңызға, жалпыңызға Жалынды сәлем береді. Хор: «Аяз ата» Би: «Испан» Әсем: Жаңа жылды бар тілде Жаңа жырға балайды. Жаңа жылға әркімде Жақсы үмітпен қарайды Жоламасын елге мұң Аңсаған: Жаңа жылмен! Жаңа жылмен Құттықтаймыз әрине Атамызды, әжемізді Қонақтардың бәрінде Жүзімізде күлкі ойнап қанаттанды жанымыз Жаңа жылды біз тойлап Шаттанамыз бәріміз. Мансұр: Тақпақтарды жаттадық Би де үйрендік көрсін деп Аяз ата шаттанып Бізге риза болсын деп Жүзімізде күлкі ойнап Қанаттанды жанымыз Жаңа жылды біз тойлап Шаттанамыз бәріміз
Райхан: Даланың да қаланың да Думандатып отбасын Тағы міне, жаңа жыл Қақты уақыт қақпасын Жүзімізде күлкі ойнап Қанаттанды бәріміз Жаңа жылды біз тойлап Би - билейміз бәріміз Хор: «Зырлайды шанамыз» Ерасыл: Здравствуй гостья зима Просим милости к нам Песни севера петь По лесам и степям Хор: «Аяз ата» Ойын: «Боран мен балалар» Жеке ән; «Жаса Қазақстан» Диас Тәрбиеші: Көңілде көп қуаныш Әр көңілде жақсы үміт Кетер жылға мың алғыс Әкелген көп жақсылық Жаңа жылда алдағы Көңіл өсіп кеңейсін Ортақ ойы арманы Жақсы дәстүр көбейсін Оқ атпасын ешкімде Өмір деген тым ыстық Жұмыр жердің үстіне Бұзылмасын тыныштық Құттықтау сөз: балабақша меңгерушісі
Қош келдің жаңа жыл! Зал мерекеге сай безендірілген. Музыка фонында ортаға екі жүргізуші шығады. 1 - жүргізуші: - Армысыздар ардақты ағайын, Ұлағатты ұстаздар! 2 - жүргізуші: Бармысыздар, замандас, бауырлар, шабытты шәкірттер. 1 - жүргізуші: Бүгін сізге жырдан алқа тағайын, Шат күлкіге толы болсын маңайың. Көргендер де көрмегенде арманда. Жаңа жылың құтты болсын ағайын. 2 - жүргізуші: Зеңгір көкте жұлдыз болып жанайын, Ай жүзіндей айшықтанып, арайың. Жанға шуақ, бойға қуат әкелген. Жаңа жылың құтты болсын ағайын. 1 - жүргізуші: Бәрекелді, бәрекелді! Құрметі халайық! Бүгінгі жаңа жыл кешін барлығымыз көтеріңкі көңіл күймен, әсем ән, сәнді бимен өткізуге ат салысамыз деген үмітіміз бар. 2 - жүргізуші; Олай болса, көңіліміздің керегесін кеңейтіп, баршамызға береке сыйлар мерекелі кешіміздің шымылдығын ашуға рұқсат етіңіздер! 1 - жүргізуші: Армысың, аманбысың Жаңа жылың. Жаңа жылым! О, менің Жаңа жырым! Жылан жылы келгенде, сый ғып тартып, Ақтарайық әнменен көңіл сырын. Ұқыпсыз: Мен Ұқыпсыз адаммын Шаншар көшесінен үлкен тапсырма ала келдім. Бірақ мен басқа жерге келген сияқтымын. Мен қайдамын? (Айналасына қарайды) Мына жер маған таныс емес. Бірақ, бұл маңызды емес. Мен бұл жерге бір маңызды тапсырма ала келдім ғой, ал қалғаны маңызды емес. Неге келіп едім? А иә! Жаңа жыл мерекесінің өтуі маған тәуелді. Маған Жаңа жылды білдіретін сандар теруім және сөздерді айту керек.(Телефоннан нөмір тере бастайды. Осы кезде 1 адам шығады.) 1. Сайқымазақ: Қане біздің қонақтар! Басқаға мойын бұрмаңдар! Бізге қарай жақындап Қызық күлкі тыңдаңыздар! Жаңа жылдарыңызбен!!! (Ұқыпсызға көңіл аударады.) 1 Сайқымазақ: (Ұқыпсызға) Сен қайдан келдің? Аспаннан түстің бе? Ұқыпсыз: Мен бір нәрсені шатастырып тұрған секілдімін. Маған екеуміздің біреуіміз шатасып, басқа жерге келіп тұрған секілдіміз. 2 Сайқымазақ: Біз мерекеге келдік, халық бізбен көңіл көтереді мен білмеймін, сен кімсің өзің? Ұқыпсыз: Мен Ұқыпсыз адаммын Алдараспан көшесінен келдім. Жаңа жылға асығып келдім. Енді міне қайда келгенімді білмей тұрмын. 1 Сайқымазақ: Қайда асықсаң, сонда келдің. Қарашы айналаңа адамдарда мереке, барлығы көңілді, бақытты Жаңа жылды қарсылауда! Қане қараңыздаршы, қандай тамаша шырша халық сол мерекені қанекей бізбен бірге қалып көңіл көтеріп бәріміз билейік. Би: Көңілділер тобы 2 - жүргізуші: Балалар мен сендерге жұмбақ жасырайын. Соны шешесіңдер ме? Балалар: Иә. Жұмбақ: Ақсақалды шал жылына Бip - ақ рет келіп кетеді Қызы мен ұлына Сыйлық алып келеді /Аяз Ата/ 1 - жүргізуші: Балалар, енді жаңа жылдық мерекемізге Аяз атаны шақырайьқ. Ол орманда жүріп адасып кеткен болар. Балалар: Аяз Ата! Аяз Ата! - деп айғайлап шақырады. Аяз Атаның орнына мыстан кемпір ұшып кipeдi де, шыршаны 6ip айналып барып, қонақтардың алдына келіп тұра қалады. Мыстан: Пай - пай! Мен қайда келдім өзі. Мына шыршаньң кереметін - ай! Уйге алып кетсем бе екен?/Осы кезде мыстан төменге еңкейіп, шыршаньң түбірімен жұлып алғысы келеді. / 2 - жүргізуші: Мыстан кемпір! Мыстан оған мән бермейді де шыршаны жұлуын тоқтатпайды Біз «Жаңа жыл» мейрамын тойлап жатырмыз, тимеңіз біздін шыршамызға! /Мыстан сөзге мән бермей, былай дейді: Туу!/ Маңдайдағы терін сүртіп, тұрып./Мына шыршаның тамырының терең отырғызылғанын - ай, жұлынбайды ғой. Сол кезде шыршадағы жылтыраған кілтті көріп қаладыда: Мынау қандай қызық кілт өзі, осы кілт бағанағы менің ұшып келе жатып көрген, сандықтың кілті болар. Сол сандықтан бip керемет дәмнің иici шығып еді, мүмкін ақша да бар шығар. Мен шыршаға тимей - ақ, осы кілтті алып барып сандықты ашайын, мүмкін тамағына тойып, ақшасына бip байып қалармын! Мыстан Keмпip кeтiп қалады. Сол кезде қалтасынан бip таяқ түседі. 1 - жүргізуші: Балалар, Кәне тойды жалғастырайьқ, Аяз Ата кешікті ғой. Мүмкін адасып кеткен болар. Әнімізде шырқап, атамызды шақырайық! «Шырша жыры» жырланады. Eciктің сыртынан дауыстар естіліп, іле - шала залға Аяз Ата мен Ақшақар кіреді. Аяз Ата Ақшақарды қолынан тартып, жетелейді, ол кipгici келмейді. Ақшақар: Ата жіберіңізші мені! Кірмеймін мұнда, үйге кетемін. Аяз Ата: Айналайыным - ау, не болып қалған саған, ауырып қалған жоқсьң ба өзі? Ақшақар Жоқ, жоқ. Ауырып тұрған жоқпын. Ешқайда да барғым келмейді, үйге қайтамын. Аяз Ата: Қызым - ау, не айтып тұрсың! Қарашы, біз тойға келдік! Кәне, балалармен амандасайьқ. Аяулы аналарға, ардақты ұл - қыздарға Бүлдіршін балаларға бip сәлем! Қандай жарқын жүздерін, Қандай әсем жырларың Асаулармен алысқап, Асау желмен жарысқан Аталарың сендерге Шаршап келді алыстан /Балалармен амандасады/ Аяз Ата: Рахмет, рахмет балаларым! Кәнекей қызым! Қонақтардан, ұят болады, басынды көтер. / Ақшақар басын көтермей тұрады./ Аяз Ата: Қарашы, балалардьң киімi қандай әдемі. Шыршада әсем безендірілген екен. Бәрі де тым сұлуланып кетіпті. Шырша шамын жағайық, Жаңа жыл тойын ашайьқ. /Сол кезде Ақшақар жылап тұрып/ Ақшақар: Мен шырша шамын жағатын, сиқырлы таяғымды жоғалтып алдым! Осы кезде Аяз Ата оны жұбатып тұрып: қазір мен - ақ өзімнің таяғыммен жағамын - дейді. Ақшақар: Қойыңыз ата! Сіз бұл таяғьңызбен бүкіл шыршаны қатырып тастайсыз. 2 - жүргізуші: Ақшақар, сиқырлы таяғьң қандай еді? Ақшақар Менің таяғым жылтырауық, пішіні жүрекке ұқсайды. Сіздер оны көрмедіңіздер ме? 1 - жүргізуші:: Жаңа мұнда Мыстан болған, ол ұшып бара жатып, қалтасынан жылтыраған бip затын түcipiп алды, сол емес пе екен? Кәне, аңдар, іздеп көріңдерші, сол затты мүмкін тауып берерсіңдер. /сөйтіп жатқанда тиін сиқырлы таяқты тауып алады/ Аяз Ата: Жарайсың, балапаным! /бетінен сүйеді/ 2 - жүргізуші: Кәне, бізде шырша жағуға көмектесейік. 1 - сыныптардын онерлери корсетиледи. Аяз ата сыйлықтарын береді. Ортаға ескі жыл ұлу шығады. Ұлу: Қуанышты ортамыз сазға ұласқан Тілегім болсын мәңгі ашық аспан 2013 жылы қадам басқан Гүлденіп көркейе бер, Қазақстан.! Келесі жыл бастауын Жыланға беремін. Бірақ мен сендермен қоштаспас бұрын, сендердің көңілдеріңді көтеріп, Көңілді күн әнін шырқап берейін. 1 - жүргізуші: Қош, өткен жыл! Қош келдің Жаңа жыл. Сахнаға Жылан шығады. Жылан жылы өз тілегін білдіреді. Ойын Столды айналу (7стол, 8 окушы) 2 - жүргізуші: Ал, Аяз ата, Ақша қар! Асығып тұрған секілдісіздер. Әрине, әлі де барар жер, басар тауларыңыз көп болғандықтан, сіздерді көп бөгемейік. 1 - жүргізуші: - Иә, ата мына халқыңызға, кішкентай бүлдіршіндерге бата берер кезде келді ғой деймін. Рызабек Жұмабектің орындауындағы Жаңа - жыл әнін қарсы алыңыздар! Осымен жаңа - жыл кешіміз аяқталды қош сау болыңыздар!
«Қош келдің, Жаңа жыл!»
Жүргізуші: Жаңа жылдың таңы неткен арайлы Ақ мамыққа бөлеп алды маңайды Жаңа жылмен құттықтаймын бәріңді Бақыт, шаттық, молшылық әкелсін Бәрімізге мына жыл арайлы! Құтты болсын ағайын! Жаңа жылың тағы да Қол соғып қарсы алайық Шақырайық ортаға Ертеңгілік басталсын «Еркем - ай» тобында! (балалар келіп шыршаны айналып тұрады)
(музыка қосылады Сиқыршы шыр айналып кіреді) Сиқыршы: Жаңа жыл келді Азаймасын ән мен жыр Ел көңілін көтерсін Құтты болсын жаңа жыл! Құттықтаймыз сіздерді! Тезірек, тездетіп мұнда жиналыңдар Басталады Жаңа Жылдық карнавал Маска да бар, би де бар, асығыңдар Аяз ата шақырғанның бірі дағы қалмайды. Басталады, басталады Жаңа жылдық карнавал Карнавалдың иелерін қарсы алыңдар! (қол соғып киінген ата - аналар кіреді)
Сиқыршы: Бәрекелді, жарайсыңдар! Қараңдаршы, айнала неткен керемет, әсем мына шыршамыздағы ойыншықтардың алуан түрлері бар екен. Бәрімізде әп - әдемі жаңа жылдық киімдерімізді киіп жиналып қаппыз. Бірақ,... шыршамыз көңілсіз, қане менің сиқырлы таяғымның көмегімен, сендердің әдемі сөздеріңмен шамын жағайық!
Бәрі: Қуант, бізді, таңырқат Шамдарыңды жарқырат! 3 рет (Шырша шамы жанады, «Алақайлап» қол соғады)
Жүргізуші: Міне, керемет, қол ұстасып әнімізді шырқайық.
Г. Наргиза: Тамаша, тамаша Шыршамыз тұр жараса Басында әсем жұлдызы Көз тоймайды қараса Нұрхан: Шыршамызда қаншама Түрлі - түсті шырақтар Күлгін түсті тоқаштар Жарқыраған алтын бар.
Асылназ: Безендіріп шыршаны Жыл қуантты баршаны. Той - маскарад басталды, Аяз оны басқарды.
Жүргізуші: - Балалар, жарайсыңдар. Айтыңдаршы жылда Жаңа жылға бізге қонаққа кім келуші еді? (Балалардың жауабы)
Жүргізуші: Кәнекей, ендеше бәріміз бірге шақырайық. Бәрі: Аяз ата, Аяз ата, Аяз ата, Ақшақар Ау - у - у - у! 3 - рет
Аю: - Здравствуйте, ребята! С Новым годом! Мен қысқы ұйқыда болатынмын, қатты айқай – шу, тасыр - тұсыр шошып ояндым, не болып қалды деп сұрап едім, бәрінің айтатындары бір - ақ сөз: «Жаңа жыл келіп қалды, жаңа жыл» - дейді. Машаны да іздеп, осында болар деп келдім. Жүргізуші: Мәссаған, балалар бұл кім? Балалар. Аю. Жүргізуші: - Иә, «Маша мен аю» мультфильмін сендер өте жақсы көресіңдер ғой. Бірақ біз Аяз атаны шақырдық қой, аюды емес... Балалар: иә.
(осы кезде Маша келеді. Шыршаға таңырқап)
Маша. – Керемет....(деп шыршаның астындағы қорапты тауып алады. Аю шауып келіп Машаны көтеріп алады) Аю. - Әрең таптым - ау, сені қасқыр жеп қойған шығар деп едім. (деп кетіп бара жатады)
Жүргізуші: Тоқтаңыздар, кетпеңіздер, бізбен бірге болыңыздар! (Екеуі қуанып, балалардың жаныңа келеді)
Жүргізуші. Балалар, мына сыйлықты бәріміз бөлісейік... (деп ашып жатқанда ішінен күлдіргіш шығады)
Күлдіргіш: Амансыңдар ма, балалар! Иә, бұл менмін. Мені ораудан алып шыққандарың қандай жақсы болды. Ол жерде тар, әрі қап - қараңғы. Ал, мұнда сондай тамаша екен! Мен де сендермен жаңа жылды қарсы алайыншы. Сендермен бірге қызықты ойындар ойнайыншы.
(шыршаға қарап) Шырша дейміз елканы Балалар билеп қоршады. Түрлі - түсті ойыншық Шыршада көз тартады. - Ой, балалар, шыршамызға Аяз Ата мен Ақшақар жетіспейді.
Бәрі. Қоңырау үні сыңғырла Аяз ата, Ақшақар Біз Сендерді сағындық Тез келіңдер ортаға Аяз ата, ақшақар 3 - рет (әуенмен бірге Ат шанаға мініп Аяз ата, ақшақар келеді)
Аяз Ата: Құтты болсын, балалар Келген Жаңа жылдарың Алаңдамай өсіңдер Еркелеп қыз, ұлдарым өткен жылы келіп ем Бәріңді де көріп ем Жыл өткізіп келем деп Уәдемді беріп ем Ойларың мен бойларың да Бірдей өсіп қалдыңдар ма? Ал, мен кіммін айтыңдаршы Мені тани алдыңдар ма?
Балалар: Аяз ата!
Ақшақар.- Сәлеметсіңдер ме, балалар. Жаңа жылдарың құтты болсын! Сүйсіңдірер маңайды Ақшақармын арайлы Жалт - жұлт еткен жүзімнен Күміс сәуле тарайды. Ақшақармын аппақпын Қалай тыныш жатпақпын Менсіз қыстың сәні жоқ Әнмін, жырмын, тақпақпын.
Жылқы - Мұрагер Сәлеметсіздер ме, балалар Мен тұрмын қуанып, Шаттыққа бөленіп Бір жыл бойы сіздермен Дос болайық шаттанып.
Жүргізуші: Қош келдіңіздер, баршаңызда, алыс жолдан келдіңіздер. Әсем әні де, биі де бар Отыр ата, сәл дем ал. Ән: «Аяз Ата» Нұртай: Киіндік ұл мен қыз Аң болып, жан болып Танымай тұрсын деп Досымыз таң болып.
Абылайхан: Ақ қырауға малынған Сақалы да, мұрты да Аяз ата сағынған Сәлем берді жұртына.
Қайырқұл. Жаңа жылға сәніміз Біздің айтар әніміз Келдің бе аман алыстан Сәлем, Аяз атамыз.
Ұлан: Шыршамыз да керемет Ойыншықтар тағылған Алыс жақтан келіп тұр Аяз ата сағынған.
Ақниет: Кезектесіп балалар Тақпақ айтып береміз Сұрақ қойса Ақшақар Ойланып жауап береміз.
Ақшақардың сұрақтары:
Мен білемін бір ойын: Үйретейін сендерге Мен бастаймын, ал, сендер аяқтаңдар ойынды. Хормен жауап айтыңдар! Қарға мүлгіп дала тұр, Келе жатыр.... Балалар: Жаңа жыл!
Ақшақар: Қызыл мұрын, ақ мұртты Білсең атын тез ата, Келеді бізге.... Балалар: Аязата!
Ақшақар: Көңілсіз бір бала жоқ, Ойын - күлкі таралсын Құтты болсын..... Балалар: Жаңа жыл! (3 рет)
Жүргізуші: Әуеледі әніміз Жаңа кірді сәніміз Ақшақарды ортаға алып Би билейік бәріміз.
Қ. Наргиза. Кел билейік сенімен Деймін тартып жеңінен Еріп кетпе Ақшақар Адамдардың демімен.
«Ұлпақарлар» биі
Аяз ата: Жарайсыңдар, өнерлі екенсіңдер!
Жүргізуші: Иә, ата, балаларымыз шеттерінен өнерлі, тақпақты да жақсы айтады. Шаттық: Жаңа жылда жаңаша Тақпақ айтамыз. Болсын риза балаша, Әппақ Аяз атамыз.
Рамазан: Жаңа жыл, жаңа жыл Сені күттім елеңдеп Өзіңменен ілесіп Аяз ата келер деп.
Қуанышбек: Той, мереке, салтанат Думандатты шартарап Келді, міне жаңа жыл Тартуларын арқалап.
Жүргізуші:- балалар, жаңа жыл болса кеп қалды, біздің қоштасатын жылан жылымыз қайда? Ай, Сиқыршы сен сиқырлап тастаған жоқсың ба? Балалар, жылан қалай дыбыстайды? Дауысы естілмейді ме? «Жаңа жыл жарылқасын, ескі жыл есіркесін» деп ескі жылымызды қарсы алайық.
(жылтыр сандық ішінен жылқы билеп шығады) Би: жылан - Елшат - Ау, жылқыжан сенімен де қоштасатын кез келді. Мына жұртшылықтың ризашылықтарын тыңда. (Ата - аналармен сұхбат.) Жүргізуші: Айта берсек таусылмас Жаңа жылда жаңа жыр Кел оданда, халайық Ойын ойнайық жаңа бір.
Ойын: «Байпақ» Шарты: 2 ойыншы екі сыңарды бөліп алады. Біреуі оң, біреуі сол аяғынікін киеді де, әуенмен билеп, шыршаны айналып, ортаға бірінші жету қажет. (алдымен ата - аналар, содан соң балалар)
Аяз ата: мына ата - аналар да мықты екен. Енді мен дем алсам деймін. Жүргізуші: Иә, ата, дем алыңыз, ортамызда биші ата - аналарымыз да бар. Тамашалайық!
Би: « Үнді биі» Жылқы - Елшат Бір жыл бойы сендермен Бірге жүрдім ойнадым Енді міне балалар Кезек келді қоштасар.
Жүргізуші: - Шыныменен, балалар, біз бір жасқа үлкейдік. Ескі жыл Жаңа жылға орнын сыйлағысы келіп тұр, олай болса, сау болыңыз, біз сізге ризамыз! Бәрі. Қош, қош, Ескі жыл!
Жылқы - Мұрагер Мен жаңа жылмын Мен жаңа нұрмын Нұрымды да себейін Жырымды да себейін
Жандаулет: Оралдың өлкеме, Жаңа жыл армысың. Оранды ақ көрпеге, Асқартау, қарлы шың.
Нұрасыл: Қандай әсем шартарап Шаттық күйге бөлеп тұр Кәмпиттерңн арқалап Аяз ата келіп тұр.
Би: үнді биі (Абылайхан мамасы мен ағасы)
Нұржас: Жамылған ақ мамық, ұлпа қар Нұрланар кең байтақ Отаным Бала жоқ сыйлықтан құр қалар Сыйлығы көп, Аяз атаның.
Ерсін: Аяз келді қаһарлы Айналаны қар жапты. Ақтон киіп орман тұр Дәл атамдай салмақты.
Әсел. Далада қар борайды Ақ мамыққа орайды Мұз болады қатады Жылтырап жатады.
Әсем: Аяз ата аппақ Кәмпиттері тәтті - ақ Маған кәмпит көп берсең Тағы айтамын тақпақ.
Түлкі.- о - о, мыналарды қара! Аяз атадан сыйлық алмақшы. Сендерден бұрын мен аламын. (Аяз атаға келіп) Хи - хи - хи, Аяз ата, мен сіздерге өлең айтып берейін бе? Аяз ата: Айта ғой, түлкішек Түлкі: Ананы да, алдадым Мынаны да алдадым Мен түлкімін айлакер Аяз ата сыйлық бер. (қолын жаяды)
Қасқыр: Ах, түлкішек, сен жұрттың бәрін алдап, енді атаны да алдайсың ба? Кет әрі. Аяз атаға әнді мен айтып беремін. (қолында гитара) Мен қасқырмын, қасқырмын Қозы ұрлаймын өрістен. Ұйқым келмейді егерде Қозы етін жемесем Ахо - хо. Охо - хо.
(осы кезде ит шыға келеді) Ит: Ей, қасеке, қасеке Сен де адал есессің. Мен тұрғанда қозы, лақ Оңайлықпен жемессің. Аф - аф - аф Жеті қазына бірімін Қасқыр келсе үремін Аяз ата мен сізге Тақпақ айтып беремін.
Аяз ата: Адамзаттың серігі, сен ит екенсің ғой. (ал сыйлығыңды)
Жүргізуші: Міне, балалар аңдар да өнерлерін көрсетті. Жаңа жылға барлығы жақсы дайындалған, осындай өнерлерімен белсенділік танытып жүрген және он саусақтарынан өнер тамған ата - аналарым мен балаларым бірлесіп ойыншықтар жасап әкеліп көрмеге шын жүректерімен қойған ата - аналарды марапаттағым келіп тұр. (ата - аналарға алғыс хат табыстау)
Аяз - Ата: Жарайсыңдар балаларым! Meнi бүгін бip қуантып, алыс жерден шаршап келгенде көңілімді көтердіңдер. Барлықтарың да ақылды, білімде де өнерлі екенсіңдер. Киген киімдерін қандай әдемі! Солай емес пе қызым? Біздің сыйлығымызға риза болыңдар. Ал енді біз жолға шығайық. Басқа да балалардың өнерін тамашалайық. Ал, балаларым, сендер өсе беріңдер, өркендей беріңдер. Аспандарың ашық болсын! Қош болыңдар!(қолдарын бұлғап шығып кетеді.) Балалар: Сау болыңыздар! Рақмет сіздерге!
Бәрі. Біз тілейміз жаңа жылдық шаттықты Біз тілейміз жаңа жылдық бақытты.
Жүргізуші: Құрметті қонақтар, балалар! «Қош келдің, Жаңа жыл!» жылға арналған мерекеміз аяқталып қалды. Осындай керемет өтуге ат салысып жүрген ата - аналар, әріптестерім сіздерге де мың алғыс! Көріп тамашалағандарыңа рахмет. Жаңа жыл құтты болсын, отбастарыңызға тек бақыт пен қуаныш әкелсін!!!
