Саба муниципаль районы Шәмәрдән лицее
Яхшылык эшләргә ашык!
отряд җыены (3 кл.)
Педагог-оештыручы:
Гыйльфанова Г.М.
Тема: Яхшылык эшләргә ашык!
Максат:
Сүзнең эчке дөньясын аңларга, сүз тәмен тоярга өйрәтү, яхшылык, изгелек сыйфатлары тәрбияләү.
Бурычлар:
Укучыларның сөйләм күнекмәләрен үстерү, кешеләргә игътибарлы, шәфкатьле, миһербанлы булырга өйрәтү.
Сборның барышы.
Сәламләү.
Исәнмесез, әйдәгез җыеныбызны башлыйк. Басабыз. Старостага сүз бирелә. (Отрядның исем, җыр, девизы әйтелә.)
(Наш отряд: Дружба. Наш девиз: Наша песня: Дружба крепкая.)
Вожатый: Молодцы!
Парам-парейро, Хэй
Парам-парейро, Хэй
Парам-парейро, Хэй-хэй-хэй
Настроенье каково? Во!
Все такого мнения? Да!
2. Игътибарлылыкка уен.
Эзтабарлар, безнең куллар йодрыкта калды. Бер уен уйныйбыз. Җилкә буенча партнерлар (партнеры по плечу) катнаша. Куллар шулай калган килеш бер берегезнең бу кулларын ачтырырга кирәк. Кем көчлерәк икән? Кем тиз генә йодрыкны ачтыра ала.
Күрдегез, һәркем үзенчә тырышты. Ләкин бу уенның сере бар. Серне әйтәм. Матурым, үскәнем, ач әле кулыңны, конфет бирәсем бар, - дияргә кирәк.
Ягымлы сүз дөньяны яктырак һәм шәфкатьлерәк итә. Әйдәгез хәзер барыгыз да шулай итеп бер-берегезнең кулларын ачтырып бетерегез.
Укучылар, димәк без нинди нәтиҗә ясыйбыз инде?
Укучылар: Яхшы сүз белән авырлыкны җиңдек.
Әйе, яхшылык, матур сүзләр зур көчкә ия. Безгә күп кенә авырлыкларны җиңәргә ярдәм итә. Һәм безнең бүгенге җыенның темасы да килеп чыга.
Теманы нинди дип уйлый аласыз?
Укучылар: Яхшылык, матур сүзләр турында.
Әйе, тема безнең “Яхшылык эшләргә ашык” дип атала.
Барыгызга да рәхмәт. Безгә кунаклар килгәннәр. Әйдәгез әле аларны тыңлыйк!
3. Остаз әңгәмәсе.
Беренче волонтер: Исәнмесез, эзтабарлар! Без лицейның “Добро в каждом” дип исемләнгән волонтерлар отрядыннан килдек. Лицеебыздагы барлык укучылар да “Весенняя неделя Добра” акциясенә әзерләнә. Әлеге уңайдан без сезгә шушы ленталарны өләшеп чыгарбыз.
Икенче волонтер: Сез аларны бер яхшы теләк уйлап бер-берегезнең кулларына бәйләрсез. Ә теләкләрне кычкырып әйтеп телисе, барлык эзтабарлар да ишетсен.
Беренче волонтер: Лентаны алган эзтабар бу атнада бер булса да яхшы эш эшләргә тиеш була.
Икенче волонтер: Без ленталарны өләшкәч 1че номер 2чегә бәйли, 3че номер 4чегә бәйли һәм киресенчә.
Беренче һәм икенче волонтер бергә: Яхшы теләкләрегез чынга ашсын! (Ленталарны өләшә. Ленталарны бәйлиләр.)
Әйдәгез, бу яхшы эшләрне язып барыр өчен хәзер Изге Эшләр Календаре булдырыйк.
4. Практик күнекмәләр.
Изге Эшләр Календаре ясау. (Календарь Добрых дел).
Изге эшләр чын йөрәктән эшләнә. Шуңа күрә без дә календарның беренче битенә эмблема итеп йөрәк рәсемен ябыштырып куярбыз.
Вожатый: Эшләрне тамамлыйк. Хәзер бер уен уйнап алырбыз.
УЕН “Дустың үзеңнән яхшырак булсын” дип атала. Хәзер һәр эзтабар “Дустың үзеңнән яхшырак булсын” дип язылган кәгазь бите ала. Бу биттә түгәрәкләр ясап куелган.
Барыгыз да минем команда буенча гына эшлибез.
Басабыз, урындыкларны этеп куябыз.
Түгәрәкләр ясап куелган кәгазь һәм ручканы алабыз.
Класс буенча хәрәкәт итә башлыйбыз.
Туктыйбыз, бер кулны өскә күтәрәбез.
Парлашабыз. Һәм бу кешегә сорау бирәбез: Булачак дустыңның бер яхшы сыйфатын әйт. (Скажи, пожалуйста, хорошее качество своего будущего друга)
Бу кеше әйткәнне үзеңнең түгәрәгеңә язабыз.
Язгач, рәхмәт әйтәбез. Һәм икенче кеше белән сөйләшү өчен кулны өскә күтәрәбез. Уен шулай итеп дәвам итә. Кем күбрәк мәглүмәт җыяр икән.
Уен беткәч, яхшы сыйфатларны укып чыгабыз.
Эзтабарлар, рәхмәт сезгә! Бу язмаларны үзегездә калдыра аласыз, югалтмагыз. Шушы сыйфатларны кулланып тиз арада үзегезгә аерылмас дус эзләп табарсыз дип уйлыйм. Һәм инде мондый яхшы дусны тапкач, сез бергәләшеп күп кенә яхшы эшләр дә эшләрсез дип ышанам.
Йомгак ясау. Карар чыгару.
Укучылар сезгә җыеннан чыгар өчен чыгу билетлары куелган.
Бүгенге сборда без нинди нәтиҗәгә килә алабыз?
Бүгенге сборда алган мәглүмәтләрның үзеңә никадәр файдалы булу-булмау дәрәҗәсен билгеләргә кирәк: 0 1 2 3 4 5 6 7 8 9 10 (кирәклесен түгәрәк эченә ал).
(Оцени степень полезности для тебя прошедшего дела: 0 1 2 3 4 5 6 7 8 9 10 (нужное обведите)).
Сборыбызны тәмамлар алдыннан минем сезгә бер хикәя укып китәсем килә.
Бер малай әнисе белән генә тора. Ана, улы начарлык эшләгән саен, рәшәткәгә бер кадак кага бара. Еллар уза, бала үсеп буйга җитә. Беркөнне малай кадакларга игътибар итә һәм әнисе янына килә. Әни, нигә син шулай күп итеп кадаклар кактың? - ди. Әнисе : “ Улым, менә син бер начарлык эшләгән саен мин бер кадак кага бардым. Күрәсеңме, ничаклы алар?” – ди. Улы уйга кала һәм гел яхшылыклар гына эшләргә сүз бирә. Шулай эшли дә. Менә ул да олыгая, әнисе дә карчыкка әйләнә. Әнисе янына беркөнне килә дә: “ Әни, кара әле, рәшәткәдә бер кадак та калмады. Мин яхшылык эшләгән саен берсен ала бардым. Начарлыкларыма каршы яхшылык эшләдем”,- ди. Ә әнисе болай ди: “ Улым, әйе син күп яхшылыклар эшләдең һәм, шулай итеп, начарлыкларыңны бетердең дә кебек, тик әнә, кара әле рәшәткәләргә, никадәр кадак эзләре. Аларның эзләре калган бит”,- ди.
Менә шундый эзләр калдырмаслык итеп яшик дуслар!
3
