Пай-пай, ?аза?ты? келіндері-ай!

Тақырыбы: «Пай-пай,қазақтың келіндері-ай!»

Ұлыстың Ұлы күні- жаңа күн болғандықтан көп жақсылық, қуаныш, игілік істер осы күннен басталуға тиіс. Толып жатқан жаңалықтар, жақсылықтар осы жаңа күнде, яғни жыл басында көрінеді.

Сондықтанда қадірменді халайық! «Жүзем демеңіз, ізгіліктен жасалмаса кемеңіз»

Ендеше үлкенге құрмет, кішіге ізет, ата –бабамыздан қалған жақсыны бүгінгі жаңамен ұштастырып, Ұлыс күні сауабы зор, марапаты мол үлгі –өнегеміз арта түссін деген мақсатта «Пай-пай, қазақтың келіндері-ай!» сайысын тамашалауға шақырамыз.

Уа, халайық, халайық

Мұнда назар салайық

Мерекесі халықтың,

Наурыз тойға арналған

Сайысты біз бастайық

Мың бұралған арулар билей басып,

Келеді міне ортаға толқып-тасып,

Аруларын сыйлаған халқым менің

Көңілді қошеметпен қарсы алайық!

Ортаға сайыскерлер келіндерді шақырамыз

№1 Айгерім Әлібекқызы, №2 Гүлмайра Шайхықызы, №3 Бибігүл Қаппасовна

№4 Жұмабике Исмагилқызы, №5 Армангүл Ақылбекқызы, №6 Ләйла Мұхатқызы, №7 Ұлболсын

Уа, халайық , халайық,

Бастамас бұрын сайысты,

Ақсақалынан ауылдың

Аталы бата алайық.

Ешқашан артық болмайды

Атадан үлкен бата алған.

/Ауылымыздың ақсақалы....................................... атадан бата алайық/

Құрметті көрермендер!Сайысымызды бастамас бұрын осы сайыскерлерімізге әділ бағасын беретін әділ -қазылар алқасын сайлап алайық.

О, ағайын алдыменен кісілікті ардақта,

Ұрпағыңа жалғасатын дәстүріңді салмақта!

Сіздерге сәттілік тілей отыра сайысымызды бастаймыз.

Өнер қуып келіндер өтер деймін,

Бір басына өнері жетер деймін.

Бәсекеге түскен жеті келін кезектесіп,

Таныстырып өздерін өтер деймін.

Таныстырсын өздерін,

Тамылжытып сөздерін - кезек келіндерде. Таныстыру

Сайысымыздың екінші кезеңі салт-дәстүр.

Наурыз тойға жиналған халқым менің,

Бәріңнің ойға алғаның жарқын сенім.

Келді Наурыз даладай кеңдігімен,

Көк байрағы желбіреген желді күнмен.

Тәуелсіздік ұранын аспандатқан

Айналамын, Теңдігім, Елдігімнен. –дей келе үшінші кезеңді беш бармақтықтың нанын дайындауға берейік.

Ауылымыздың жас әншісі Алидің орындауында « » қабыл алыңыздар.

Би: кішкентай бүлдіршіндеріңіздің орындауында «Қар жорға » биін қабыл алыңыздар.

Көрсетті өнер әр салада сайысып,

Қимылдары бір жүргендей жай ұшып,

Мерекелік ас мәзірін жасапты,

Келіндеріңіз дем арада майысып.

Бұл бөлімде келіндер өздерінің аспаздық өнерлерін көрсетеді.Салат дайындау.

Би: Шұғыла би тобының орындауында «Қазақ » биін қабыл алыңыздар.

Ауылымыздың жас әншісі Алидің орындауында « » қабыл алыңыздар.

Жарқыра, жайна наурызым,

Қабағы жаудың түйілсін.

Береке-байлық дәм – тұзың

Халқыма мәңгі бұйырсын

Келесі кезек қолөнер сайысы. Үйден дайындап келген қолөнерлерін көрсетеді.

Жек жат кім, жұрағат кім, жамағат кім

Көңіліне тоқып бәрін жүрмей мекен

Туысты қалай атау керектігін

Кәнеки, біздің келіндер біле ме екен ?

Бұл бөлімде сайыскерлер сұрақтарға жауап береді.

Сымбатына сән киім жарасатын,

Аспандағы ай менен таласатын.

Өнеріне сай келіп тұрған,

Келіндерге қызығып қарасасың.

Келесі кезекті биге берейік.

Әділ-қазылар алқасына сөз кезегін берейік.

Жеңістер мен жеңілістен тұратын,

Өмір күрес,жеткізе ме мұратын.

Жеңбедім деп, жеңілдім деп ренжімеген,

Қатысу да бір жеңіс,жан болсаң сен ұғатын.

Қош демейміз, әлі талай сайыстар бар,

Өнерлерің өрлей берсін, қайыспаңдар,

Ойлы орта кеңейсін күннен-күнге,

Өскен елдің жұртынан қалыспаңдар,- дей отырып, бүгінгі "Пай-пай, қазақтың келіндері-ай" атты сайысымызды аяқтаймыз.Жеңісті күндерде кездескенше! Наурыз мерекесі құтты болсын!