"Отбасы - алтын ді?гек"

Отбасы - алтын діңгек

12.09.2015. 4:00

Отбасы-алтындіңгек
Мақсаты: Халық педагогикасын оқу - тәрбие барысында қолдану, ұлттық тәрбиенің мақсатын жүзеге асыру. Ата - ана, оқушы, ұстаз ұжымын ынтымақтастыруды арттыра отырып, ұлттық тәрбиені жүзеге асыру.
Сабақ жүрісі: Отбасылар арасында топтық сайыс өткізу
Сабақ көрнекілігі: Нақыл сөздер жазылған плакаттар, шағын көрме ұйымдастыру.
Сайыс жүрісі:
1. Жүргізуші: - Құрметті ата - аналар, ұстаздар, оқушылар ұйымдастырылып отырған «Отбасы - алтын діңгек» атты отбасылық сайысымызға қош келдіңіздер!
Отбасы - адамзат қоғамының ең шағын бейнесі. Қоғамда отбасы екі қызмет атқарады, оның бірі - дүниеге ұрпақ әкелу, екіншісі - дүниеге келген сәбиді тәндік жағынан жетілдіріп, оны тұлға ретінде қалыптастыру.
2. Жүргізуші: Әр отбасы ата тегінен келе жатқан кәсібін, өнерін атқарып, еңбегін құрметтеп, оны кейінгі ұрпаққа үлгі - өнеге еткен, ұрпағына ақыл - кеңесін беріп, ата - кәсібін құрметтеп, қалыптасқан дәстүрлі мерекелерді өткізу арқылы баланың тұлғалық қасиетін жетілдіру іске асырылған.

1.Жүргізуші: Қазақ халқы баланы дүниедегі бар асылдан жоғары бағалаған, болашағына, арманына балаған. Сондықтан халқымыз «Балалы үй - базар, баласыз үй - қу мазар», «Босағасын алтыннан соқсаңда, перзент сүймей, адамның мейірі қанбас» деп баланы ерекше қадірлеп, оның өсіп жетілуіне айрықша мән берген.
Отбасы. Бала. Мектеп. Бір - бірінен ажырас үш ұғым. Отбасы бар жерде бала бар, бала бар жерде мектеп бар.

2.Жүргізуші: Ортаға отбасылар шақырылып, орындарына жайғасады.
1. Әкемнің саясында ержетіп мен,
Аялы ақ бесікте тербетілген
Анамдай ақ ниетті, абзал жанды
Таппаспын айналсам да жер бетінен - деп Тажаяқовтар әулетінің сүйікті қызы Шолпанды ардақты анасымен бірге ортаға шақырамыз.
1.Жүргізуші: Атамның ән - күйі ғажайып
Әжемнің әлдиі ғажайып
Анамның мерейі ғажайып
Әкемнің пейілі ғажайып
Осындай жақсы әдет ғажайып
Қалмасын ешқашан азайып демеп - деп өз отбасының сүп – сүйкімді ұлы Әлімжан өзінің Гүлнар анасымен сайысқа келіп тұр, ендеше қошамет. 2.Жүргізуші: Әке деген - биік шыңы адамның.
Әке деген тірегі ғой ғаламның.
Әке деген бойыңда аққан қаның да,
Шыққан тегің, ол негізгі жаның да.
Не десең де әке жолы бір бөлек,
Қайда жүрсең қолтығыңнан тұр - деп, бүгінгі сайысқа шыққалы отырған Мақсотовтар әулетінің сүйікті ұлы Мейірбекті ,ардақты әкесімен ортаға шақырамыз.
1.Жүргізуші: Әділ қазылар алқасымен таныстыру:

1. Қадырова Арайлым Жанатовна ( әлеумметтік педагог)

2. Булекбаева Балжан Төлегеновна Орыс тілі мен орыс әдебиеті пән мұғалімі)

3. Айбекқызы Айнара (дефектолог)

Күй: 9-сынып оқушысы Адай Қайрат.

2.Жүргізуші: Сайыстың өту кезеңдерін таныс болыңыздар;
І кезең: «Жеті атасын білген ер, Жеті жұрттың қамын жер»
(Әр отбасы өздерін таныстырады)
ІІ кезең: «Ата мұраң - асыл қазынаң»
(Ата - аналары салт – тәрбиеге байланысты сұрақтарға жауап береді, ал балалары отбасылық сурет салады және таныстырады)
ІІІ кезең: Өз өнерлерін көрсету.

ІV.Үй тапсырмасы.(Салт-дәстүр)

1.Жүргізуші: Шығармас мұндайда бір шабысты ұмыт.

Көрелік ал ендеше жарыстырып

Келіп тұрған сайысқа отбасылар

Жіберсін енді өздерін таныстырып, -дей келе «Таныстыру» кезеңіне кезек береміз.

Әділқазылар алқасынан 1ші кезеңіміздің бағасын кезек берелік.

2.Жүргізуші: ІІ- кезең. Сұрақ – жауапқа кезек береміз.

Әділқазылар алқасынан 2ші кезеңіміздің бағасына кезек берелік.

Ән: «Ақ көгершігін» орындайтындар:4 –сынып оқушылары:Ләззат пен Сабираны қарсы алыңыздар.

1.Жүргізуші: ІІІ- кезең. Өз өнерлерін кезек береміз.

Әділ қазылар алқасынан 3ші кезеңіміздің бағасына кезек берелік.

2.Жүргізуші: ІV кезеңге де келіп жеттік, байқауымызға қатысушы отбасылар бұл шарт бойынша үй тапсырмасы негізі .

Әділқазылар алқасынан 4ші кезеңіміздің бағасына кезек берелік

1.Жүргізуші: Бүгінгі өткізілген шарамызды қорытындылау үшін әділ қазыларға сөз кезегін береміз.

Би: Флешмаб:Артур мен Семинұрды қарсы алыңыздар.

2.Жүргізуші: Көңіл қойып тыңдағандарыңызға көп-көп рахмет! Сау саламат болыңыздар!