Тақырыбы: «Наурыз- жыл басы»
Мақсаты: 1.Қазақ халқының ұлттық мерекесі «Наурыз тойы»
туралы түсінік беру.
2.Оқушылардың ой-өрісін кеңейту, ұлттық салт-
дәстүр түрлерімен таныса отырып,танымдық қабілеттерін дамыту.
3.Оқушыларды ұлттық салт-дәстүрімізді қастерлеуге,
құрметтеуге тәрбиелеу.
Көрнекілігі: Суреттер,қанатты сөздер, ұлттық тағам түрлері,музыкалық аспап.
Жүрісі: 1.Ұйымдастыру
2.Әдеби-монтаж.
1-жүргізуші: Сәлем анам алтын күн!
2-жүргізуші: Сәлем қарты халқымның!
1-жүргізуші: Уақытыма риза боп,
Бақытыма шалқыдым
2-жүргізуші: Ашық болсын күніміз,
Ашылады нұрымыз.
1-жүргізуші: Бай тұлғалы өңірде,
Айтылады жырымыз.
2-жүргізуші: Күн мен айға әлемнің,
Берем ыстық сәлемін.
1-жүргізуші: Қарттарыма сүйініп,
Сәлем берем иіліп.
2-жүргізуші: Орындалды ойларың,
Құтты болсын тойларың!
Барлығы: Наурыз мерекесі құтты болсын!
Ән: «Хош келдің, төрлет, Наурызым!
1-оқушы: Наурыз келсе,құт келгені,халайық!
Есік ашып, шашу шашып,
Ел боп қарсы алайық!
2-оқушы: Ата-бабам тойлаған,
Наурызым,армысың!
Қызығына тоймаған,
Дала дархан,қарлы шың.
3-оқушы: Қауыша алмай қанша жыл,
Қалдық сенен адасып.
Сағынды қыз,аңсады ұл,
Төрле,есіктің бәрі ашық.
4-оқушы: Көктем тойы-әніміз,
Көркем өнер сәніміз.
Өлең,ән мен той сәнін,
Өрнектейміз бәріміз.
5-оқушы: Күреп алтын күрекпен,
Қарды еріткен Наурыз!
Жатыр көктеп түлетіп,
Бүрлеп бақша-бауымыз.
6-оқушы: Наурызбенен құттықтап,
Алыс, жақын қауышты.
Көктемдегі жарқын сәт,
Көңілдерге ауысты.
7-оқушы: Жас қосатын жасына,
Жыл басы бұл-Наурыз
Әр кіргізген асыңа,
Бал татыған сары уыз.
Ән: «Саржайлау» биін орындайтын қыздар тобы.
8-оқушы: Қуанттаныс құрбыны,
Бақыт тілеп қол ал да
Не тілесең бұл күні,
Орындалар сол алда.
9-оқушы: Өлең өрлеп жыр самғай,
Үйлесті әсем сәніміз.
Болады екен жыл сондай,
Қандай болса Наурыз
10оқушы: Жайнатамын бар гүлді,
Сайратамын бұлбұлды,
Мейрам етіп бұл күнді.
11-оқушы: Жарқыраған жас нұрлы,
Жаса,Наурыз,дәстүрлі
12-оқушы: Қар қашып,қыр асқан,
Тал-шілік бүр ашқан.
Наурыз тойы дәстүрлі,
Сәуірге ұласқан.
13-оқушы: Жылғасы бұлақты,
Мерейі шуақты.
Бұл көктем базарлы,
Бал күйің сияқты.
Ән: «Сағындым әже» орындайтын Ілесер Жанель
14-оқушы: Күн ғой бүгін жарылған,
Ақ түйенің қарыны.
Ақ дастарқан жайылған,
Лаулап ошақ жалыны.
15-оқушы: Жан қалмасын жай тұрған,
Мәз болсын жас,кәріміз.
Күй шертілсін, ән айтып,
Би билейік бәріміз.
Би: «Қаражорға» орындайтын оқушылар тобы.
16-оқушы: Мерекені байырғы,
Алды халқым қабылдап.
Ақ дастарқан жайылды,
Ошақта от жалындап.
17-оқушы: Жайдарымыз бәріміз,
Дастарқанда дәміміз.
Көжесі көп, қыры көк,
Қандай жақсы Наурыз!
18-оқушы: Ұлы күні ұлыстың,
Күн мен түні теңелген.
Тәтті дәмі ырыстың,
Таттық наурыз көжеден.
19-оқушы: Оу, құрметті қонақтар,
Тоя ішсін деп,тамсанып,
Жеті түрлі дәм салып,
Наурыз көже пісірдік.
Оттан қазан түсірдік,
Бал көжеден татыңдар,
Бар қызыққа батыңдар.
Наурыз көже тарату.
20-оқушы: Ұлыс бақты болсын,
Төрт түлік ақ мол болар.
Ұлыс береке берсін,
Бәле-жала жерге енсін!
21-оқушы: Ұлыс күні қазан болса,
Ол жылы ақ мол болар.
Ұлы кісіден бата алса,
Сонда олжалы жол болар. ( Үлкендер бата береді.)
Хор «Наурыз- көктем»
Тақырыбы: «Ардақтайық ананы!»
Мақсаты: 1.Тіршілікті жалғастырушы аналардың өмірі, олардың қасиеті,
құдіреттілігі неде екенін оқушыларға түсіндіру.
2. Өздерінің аналарына деген сыйластық сезімін дамыту.
3. Ананы сыйлау , құрметтей білуге тәрбиелеу
Көрнекілігі: суреттер, Ана туралы нақыл сөздер, шарлар, гүлдер
Жүрісі: І Ұйымдастыру
ІІ Ардақтайық ананы!
Мұғалім: - Ана бұл қасиетті, мейірімді жылы сөз. Ана деген әлемнің жан дүниесі , бастауы
мен таусылмайтын жалғасы.
1-оқушы: Бәрімізге анасың,
Біз үшін күн боп жанасың
Құт ты болсын мейрамың!
Құттықтаймын , анашым!
2-оқушы: Аналарды сүйеміз,
Ақылын ойға түйеміз.
Әжені де ардақтап
Әдеппен бас иеміз!
3-оқушы: Достықты біз ойлаймыз
Бірге күліп ойнаймыз.
Қыздарды да құттықтап
Мерекесін тойлаймыз.
4-оқушы: Ерлік, еңбек атқарған
Еңбегімен мақтанам.
Ел сенімін ақтаған
Айналайын ақ мамам!
Мұғалім: Әрбір атаана өз баласының сүйікті досы, мақтанышы, бізге әсіресе ананың еңбегі
мен ерлігі мақтаныш.
5- оқушы: Мен мұғалім анамның
Өнегесін аламын.
Ертең мен де маманмын
Оқытушы боламын.
6- оқушы: Менің анам мұғалім
Менің әжем шын ғалым.
Одан жас, кәрі де
Оқып шыққан бәрі де.
Мұғалім: - Ананың әрбір сөзі жылылыққа толы .Ананың көз нұры, мейірімі тастай мұзды
жібітеді . Сүйікті аналар , сіздерге деген балаларыңыздың жылы лебіздерін қабыл
алыңыздар.
7- оқушы: Бізді өсіріп баптаған
Жақсы болса шаттанған.
«Алтыным» деп мақтанған,
Айналайын, ақ анам!
8-оқушы: Әр сөзіңді жаттағам,
Жүрегімде сақтаған.
Анашым деп мақтанам,
Айналайын ақ анам!
Ән «Саржайлау» биін орындайтын қыздар тобы.
Мұғалім: -Бүгінгі мереке күнә әжелерді де мерекелерімен құттықтаймыз. «Қариясы бар үйдің ,
қазынасы бар» деп бекер айтпаған. Келесі құттықтауларымыз әжелерге арналады.
9-оқушы: Әжемді мейрамымен құттықтаймын,
Айтатын әнім, беретін гүлім дайын.
«Әжетай , сені жақсы көремін» деп ,
Ақырын құлағыңа сыбырлаймын.
10- оқушы: Әже деген көп шығар,
Әжемдей менің жоқ шығар.
Мейірімді ол кісі\
Қандай ғажап күлкісі.
Ән «Сағындым әже» орындайтын Ілесер Жанель
Мұғалім: -Әлпештеген баласын,
Ана бақыт, ана күн.
Әркім сүйіп өзінің,
Мақтан етер анасын.
Құрметті аналар, балалардың сіздерге арнап өз қолдарымен жасаған құттықтау хатын қабыл алыңыздар.
Хор «Құттықтаймын ана, туған күніңмен!»
Сынып жетекші туралы мәлімет
Сынып тізімі
Сыныптың әлеуметтік жағдайы туралы мәлімет
Сыныптың белсенділігін анықтау диагностикасы
Сынып белсенділері
Ата -аналармен жұмыс
Ата -аналармен өткізілген жиналыстардың хаттамалары
Сыныптың сапалық көрсеткіші
Елбасы жолдауы
Сынып сағаттарының жоспары
