Квестпен бірге ойна да, ойла

Тақырыбы: Квестпен бірге ойла да, ойна

Мақсаты: баланы ұйымшылдыққа, ғылымға, тапсырмалардың шешіміноңай және жылдам шешуге, топта жұмыс жасауға, өзіндік пікір қалыптастыруға жетелеу.

Барысы: ережеге сәйкес, қатысушылар жасырын сөзді шешіп, құлыптаулы бөлмеден қашып шығуы қажет. Ақтық мәреге топ ұйымшылдығына байланысты қатысушылардың барлығы немесе бірнеше ғана қатысушы жетуі мүмкін. Көмек керек болған жағдайда «Көмекші» деп шақырады. Көмек алу үшін 1 ойыншы ойыннан шығады.

Балаларды таныстыру.

Ал, балалар қырағы көз жарысына қатысуға дайынбыз ба?

• Дайынбыз!

Ендеше, алғашқы тапсырманы үстел үстіндегі заттардың арасынан іздеңдер.

1. Шкатулкадан сұрақ (таңмен көзін ашады, әлемге нұрын шашады ) күн

2. Керек санды тересің, елге сәлем бересің (телефон)

3. Қарап тұрсаң өзіңе, сурет түсер көзіңе, ол суретің ұқсайды, тура сенің өзіңе (айна)

4. Уақытты өлшеп, санап, таппайды бір тағат (сағат)

5. Үстел үстінде үш стакан шие тұр, Марат бір стакан шиені жеп қойды. Неше стакан қалды? (3)

6. Шкатулкаға 3 санын жапсырып қою керек. ішінде «Мұражайдың» кабинетінің кілті

Мұражай кабинетінде жалғасады.

Бұл кабинеттегі алғашқы тапсырманы табу үшін мына сұраққа жауап беруі керек. Есікке керілген сұрақтарға жауап беру керек

1. Ұзын мойны екі ішек,

Қатар- қатар тепкішек

Басып көрсең бір- бірлеп

Үн шығады күмбірлеп (домбыра)

1. Қабат- қабат қаттама, ақылың болса аттама (кітап)

2. Кіріге адам батпайды, затыңды аман сақтайды (сандық)

3. Сандыққа кілт, кілттің үстінде сандар жатады.

Сол сандарды ретімен қою керек.

Сандықшада 1986ж, 25, 1991ж 2 қазан, 175, 1993ж, 1992ж деген сандар бар.

Тақтада:

Желтоқсан оқиғасы

ҚР Тәуелсіздік алғанына

Ы.Алтынсарин

Т.Әубәкіров ғарышқа сапар шекті

Тәуелсіз Қазақстан ел рәміздері: туын, Әнұранын, Елтаңбасын қабылдады

ҚР ұлттық ақшасы теңге айналымға енді.

Адасқан сандарды табу.

Дұрыс тапса ойыншылар кілтті алып есіктен шығады, жеңіске жетеді.