Қош келдің, Жаңа жыл!

Қош келдің, Жаңа жыл!

Фанфар ойналады

Оқушылар залға кіріп, шыршаны айналып ән айтады.

Бақыт Шадаева «Қош келдің, Жаңа жыл!»

Медина: 
Уа, халайық жараңдар, 
Айналаға қараңдар! 
Жаңа жылдық бұл тойын, 
Салтанатқа санаңдар 
Қызық көріп, шат болып, 
Шаттық күліп тараңдар, 
Уа, халайық құрметті, 
Көмейіме жыр кеп тұр 

Толағай: 

Жаңа жылды қарсы алып, 
Өткізейік дүрмекті 
Уа, халайық той бүгін 
Бақыт, шаттық мол бүгін 
Қарсы алайық Жылқы жылын 
Ұзатып сап, Жыланды

Медина: 
Жаңа жыл жақсылық, бақыт әкелсін!
Жаңа жыл бірлік - береке берсін елімізге!
Береке - ырыс келсін жерімізге!
«Жылқы» жылын кең пейілмен қарсы алайық,
Қуаныш шашу шашсын төрімізге!- деп 5-6 сыныптарының жаңа - жылдық мерекесін ашық деп жариялаймыз!!!

Толағай:

Қараңдаршы балалар,
Ортада міне шырша бар.
Сылдырлаған моншағы,
Шыршамыздың мол шамы.
Балалар, қараңдаршы қандай әдемі шырша. Бәріміз шыршамызды айна тұрып, ән айтайықшы.

Монтаж

Оқушы аттарын жазу 5а сыныбы

Хор: Жаңа жыл «Дәрібаевтар»

Сахналық қойылым басталады. (Сахнада теңіздің шуылы естіледі. Ортада Шал ау салып жүр. Кемпір шетте ескі легенмен кір жуып отыр.)

Фон музыка:

Кемпір:

ай, отағасы, мереке болса, болып қалды. Тым болмаса теңізге барып, ау қарап келсеңші! Тым болмаса балық түскен шығар, бізге тек жейтін анау мынау болса жетеді. Қарапайым адамға балық жеп, тойғанның өзі мереке емес пе?!

Шал:

Қайдам, күн болса суық! Күнде күнде не балық болсын! Көрейін енді ең болмаса бойымыз жылып бір ауқаттанып алатын нәрсе болса барып келейін!

Теңізшілер биі

Шал: Пай, шіркін! мынау не? Торға түскен не қылған балық? Өзі жылтырап тұр екен! Тіпті жеуге қимйды екенсің! Мен де азық жоқ, Сенде жазық жоқ! Амал қайсы, кемпірім қуанып калатын болды!

Алтын балық: Ей, адамзат! Мені жібере салшы!

Шал: Ай, мынауың тірі жан ба? Сөйлейді тіпті!

Алтын балық: Мен жай балық емес, сиқырлы балықпын. 3 тілегіңді орындаймын. Жаңа жылда не қалайсың? Өмір бойы құлың болып өтейін, арманыңды айт! Мені тек өлтірмеші!!!

Шал: Маған ештеңе керек емес, айналайын. Мерекеде аман-есен болсақ болды. Бара ғой, еркіндікке!

Алтын балық: ей, мейірімді пенде! Мен сенің бұл жақсылығыңды ұмытпаспын! Маған қандай да бір тілегіңді айт, тек үшеуден артығын орындай алмаймын! Тілегіңді айта ғой! (кетіп қалады)

Шал: ой, қарғам, ау! Табан астында не тілегімді айтарымды да білмеймін! Бара берші! Көріскенше, өзің бір ғажайып әлем екенсің!

(Балық кетіп, қалады) Шал үйіне қайтып оралады.

Кемпір: Ей, шал! Бүгін де бос келдің бе? Жарайды, өлмегенге өлі балық жолығады деуші еді, көрерсіз маңдайға жазғанын!

Шал: Аптықпа, кемпіржан! Мен бір керемет дүние көріп есеңгіреп тұрмын.

Кемпір: есеңгіреп пе, есіңнен алжасып па? Соны айырып алайық! Кел, отыр! Не ғажап көргенің!

Шал: мен бір балықтың төресін ұстадым! Алайда аяп, жалынғасын жайына жібердім. Айтқандай ол маған тегін емес текті үш тілегіңді айт деді.

Кемпір; Ойбуй, байғұс ай! Неге балықтан сұра дегенге сұрап қалмадың! жаңа леген, жаңа үй сұрамадың? Адам тілек айт десе, үнсіз қала ма? Тіпті болмаса, бізге осы Жаңа жылда үлкен шырша мен мерекелік дастархан сұрап кел! Тез бар!бар !

Шал: (Күрсініп) Жарайды, кемпірім, ашуланба.

(Теңіз шуылы естіледі, Шал айқайлайды) Ау, Алтын балық! Менің тілегім бар! Қайдасың?

Алтын балық келеді: Ия, адамзат! Тілегіңді айта бер! Мен екі сөйлемеймін, уәдем уәде! Тек 3 тілегің қабыл болады! Айта бер, құлағым сенде!

Шал: Менің кемпірім сенен осы жердің иесі, осы орманның Патшайымы болсам дейді және бәрі менің қалауымды орындап тұрса дейді! Оны жасай аласың ба?

Алтын балық: Уайымдама, Қам жеме! Бара бер үйіңеЕЕЕЕЕЕЕ!

Монтаж:

Кәусар:

Жаңа жыл – жаңа қадам, жаңа бағыт,

Болашақ сыйлайтындай жаңа бақыт.

Жақсылықтың белгісі, жаңа уақыт,

Келіп, міне, жатырмыз, қауқылдасып...

Бірге соғып бар әлемнің сағаттары,

Он екіні күтер, қалмай, тағаттары,-

Ғасырдың он екінші жылы келді,

Құстай ұшып, қырау шалған қанаттары!

Ж.Алинұр:

Құтты болсын Жаңа жыл, барша қауым,

Құтқа орансын кең байтақ дархан елім.

Қазақтың пейіліне тарту етсін,

Табиғат ашық аспан, таң шапағын!

 

Аят

Жылдың әнін бастайын,
Аяз- Ата кеп қалды.
Майысады жас қайың,
Көтере алмай көп қарды.

Бақша іші мереке,
Ойын күлкі асқақ ән.
Жақсы жандар жаңа кеп,
Мерекені бастаған.

Жаңа жылды қарсы алдың,
Мініп алып күймеге.
Мен де бүгін ән салдым,
Араластым биге де.

(Сахнаға Кемпір өзгеріп келеді, Патшайымға айналып келеді)

Шал: ибай, кемпірім, сен әдемі болып кетіпсің! Орман патшайымы саған жарасады екен!

Кемпір: Көп сөйлеме, Шал! Одан да қораны тазала! Барлығын ретте! Ешкі сауулы, түйе бағулы болсын! Барлығын ескерт! Менің ашуыма тимесін! Малға жем шөп уақытында дайын болсын! Менің таңғы асым қайда? Көмекшілерім қайда! Ыбылжымай тездетсін!

(Келіп, бірі кемпірді бояндырады, бірі тамақтандырады)

Хор: Орманда шырша туыпты

Фон ойналып тұрады.

Кемпір:

Ау. Шал! Маған ұнамай тұр.

Кемпір: — Әй, шал! Орман патшайымы болу маған тарлық етті. Енді мен бүкіл әлемнің Жаңа жылдық шұғыласын иемденгім келеді. Аспандағы жұлдыз да, шыршадағы шам да тек мен үшін жансын!

Шал: — Бәйбіше, жұрт қараңғыда қалады ғой, бұл не қылғаның?

Кемпір: — Үндеме! Одан кейін балыққа айт: «Аяз атаның қабындағы бүкіл сыйлықты менің босағама әкеліп төксін! Балықтың өзі менің тілектерімді екі етпей орындайтын құлы болсын!» — де. Барлық бишілер келіп, менің көңіл күйімді көтерсін! Қысқасы, осы жердің бәрі менің ашсам алақанымда, жұмсам жұдырығымда болсын де! Барлық бишілерді жіберіп, маған ерекше көңіл күй сыйласын де!

«Қарақшылар» биі биленеді. Біткен соң Шалға былай дейді

1-қарақшы: — Әй, шал! Не болды мұнша еңсең түсіп? Салың суға кетіп, дүние бүлінгендей түнеріп алыпсың ғой!

2-қарақшы: — (Қарқылдап күліп) Уа-ха-ха! Қайғыны қайтесің, бізге қосыл! Жолаушыны тонап, қарынды сыйпап, көңілді көтеріп жүреміз. Рахат өмір бізде!

3-қарақшы: — Мынауың тіпті үндемейді ғой. Әлде... (ысқырып қалып) сені де тонап, мына дорбаға салып алайық па?

Шал: — Әй, ақылды жігіттер! Артық кетпеңдер, мені жайыма қалдырыңдар. Естімегендерің бар ма еді? Мен осы патшалықтың ханшайымының жұбайымын!

1-қарақшы: — Не дейді?!

2-қарақшы: — Құлағым дұрыс естіді ме? «Жаңа патшайымның шалымын» дей ме?

3-қарақшы: — Әп, бәрекелді! Ибай-ау, тез табанымызды жалтыратайық! Мына шал басымызды дауға қалдырып, дарға астырып жүрер. Көріскенше, Шал-еке!

Море, море әуені қосылып тұрады.

Шал: Алтын балық, Алтын балық! Кемпірім маза бермеді. Оған патша болу керек емес, оған осы ауылдың ең керемет «Жаңа жылдық кешін» ұйымдастырып бер дейді. Барлық әлемнің бишілері келіп маған көңіл күй салсын дейді!

Алтын балық: (Судан шығып) Қайғырма, ата. Сенің мейірімділігің үшін бәрі болады. Үйіңе бар, сені үлкен сыйлық күтіп тұр!

Монтаж

Сұлтан:
Оралдың сен өлкеме,
Жаңа жылым армысың.
Оранды ақ көрпеге,
Асқар тауым, қарлы шың.

Безендіріп шыршаны
Жыл қуантты баршаны.
Той-маскарад басталды,
Аяз оны басқарды.

Аппақ тонға оранып,
Базарлықты мол алып.
Келді алыс сапардан,
Аяз ата оралып.

Ардақ:
Қалып едік сағынып,
Kүтіп алдъқ жабылып.
Жолын қойдық жарық қып,
Шыршаларға шам іліп

Аяз Ата ойды қырды
Аралап жүр түгел шолып.
Қарсы алғалы жаңа жылды,
Ол да көптің бірі болып.

Қайда қызық болса думан, 
Аяз Ата сонда болды. 
Күндіз үйде ойнап бізбен, 
Балалармен бірге болды.

Қайсар:

Тілеймін мен бар әлемге
Дос көп болсын жаңа-жыл
Ата-әже, ата-әже
Құтты болсын жаңа жыл

Жаңа жылым мол болсын
Басқан қадам оң болсын
Төрле, төрле жаңа жыл
Бізге құтты жол болсын.

 

Айару.С:

Жаңа жыл есік ашты шырайланып,
Басынан шыршалардың шыр айналып.
Белеңдер басып өткен былай қалып,
Келер күн құшағына жыр айналып,
Арайлы алтын нұрлы Күн, Айды алып,
Әр үйге, әр жүрекке ұнай қалып,
Жаңа жыл есік ашты шырайланып.
Жаңа жыл есік ашты үміт болып,
Жайраңдап босағадан кіріп келіп.

Хоровод

Шал: Ал, кемпір дайындал, Сен үшін Испан елінің бишілері келеді!

Қанекей, қошемет!

Испан биі (5б сыныбы)

Үнді биі (6а сыныбы)

Ата-аналар номері Пародия (Трио, Ансамбль, 80-90 жылдар биі)

Кемпір: (Ашуланып) Тоқтатыңдар биді! Жетер! Шал, бері кел! Мына орманың тым тар, тым тыныш! Маған өркениет керек! Қзаір айтпақшы бәрі блогер, роботтар заманы! Маған өркениет керек!

Шал: Бәйбіше-ау, тағы не жетпеді? Орман патшайымы болдың, бишілер алдыңда мың бұралды. Жаңа жылды осы жерде-ақ қарсы алсақ қайтеді?

Кемпір: (Жерді теуіп) Жоқ! Мен мына қараңғы орманның емес, жарқыраған үлкен қаланың (мегаполистің) иесі болғым келеді! Орталық алаңдағы ең биік, ең зәулім шырша менің сарайымның алдында тұрсын! Бүкіл қаланың шамдары менің қас-қабағыма қарап жанып-өшсін!

Шал: (Шошып) Қаланың иесі? Ол жерде мыңдаған адам бар ғой, бәрін қалай басқармақсың?

Кемпір: Солай! Барлық зәулім үйлер, қымбат көліктер мен сауда үйлері маған бағынсын. Жаңа жылдық отшашуды тек мен рұқсат бергенде ғана атсын! Ал сол балық қаланың қақ ортасындағы ең үлкен фонтанда менің күзетшім болып, әр айтқан тілегімді секунд сайын орындап тұрсын!

Шал: Бұл тым артық, бәйбіше... Балық мұны көтере алмас...

Кемпір: Бар дедім бе, бар! Әйтпесе, мына қарақшыларды шақырып, сені қаланың ең терең зынданына жаптырып тастаймын! Тез бар!

(Шал басын салбыратып, теңіз жағасына (немесе балыққа) қарай кетеді. Артынан қарақшылардың сыбыры естіледі.)

1-қарақшы: Естідіңдер ме? Кемпір қаланы алғысы келеді!

2-қарақшы: Ол қаланың иесі болса, біз сияқты еркін қарақшыларға күн жоқ.

3-қарақшы: Шал-ау, балыққа айт, бұл жолы орындамасын! Әйтпесе бәріміздің күніміз қараң болады. Қаланың патшайымы болу — бұл нағыз апат!

Хоровод

Шал: (Дауыстап) Алтын балық! Мені естіші! Қаһарыңа мінбе, жалынамын! Қарияң тағы да алдыңа келіп тұр. Кемпірім мүлдем ақылдан адасты... Орман тарлық етіп, енді үлкен қаланың иесі болғысы келеді. Ол аздай, сені өзінің фонтанында күзетші қылып, еркіңді алғысы келеді!

Алтын балық: (Үнсіз. Тек басын шайқап, құйрығымен мұздай суды бір соғады да, тереңге сүңгіп кетеді. Ешқандай сөз айтылмайды.)

Шал: (Артынан айғайлап) Балық! Тоқта! Жаңа жылда жұртты қуаныштан айырмайық деп едім... Жауап берші!

(Айнала тас қараңғы болып, музыка қатты ойнайды. Кемпір баяғы ескі лашығының алдында, жыртық тонымен, бос қалған дорбасын ұстап отыр.)

Кемпір: (Аң-таң болып айналасына қарайды) Бұл қалай?.. Менің қалам қайда? Жарқыраған шыршам қайда? Бишілерім қайда кеткен?

Шал: (Жанына келіп, мұңайып) Әй, бәйбіше... Өзгенің бақытын ұрлап, бүкіл әлемді билегісі келген адам осылай жалғыз қалады. Жаңа жыл — қанағат пен мейірімнің мерекесі еді, ал сенің ашкөздігің бәрін күлге айналдырды. Сен мұңайма, оданда бәріміз бірге үлкен мейіріммен қуаныш сыйлайтын Аяз ата мен ақшақарды қарсы алайық!)

Аяз ата мен Ақашар келеді.

Аяз ата: 

Асу-асу белдерден,

Ақ түтекті шөлдерден,

Сағынып келдім сендерді,

Алыс бір жатқан елдерден.

Құтты болсын мереке,

Құтты болсын Жаңа жыл!

Болсын думан-береке,

Шырқалсын ән, төгіл жыр!

Оо, қарақтарым! Мен сендерді сағына жетіп келдім. Шын тілеген ниеттеріңнің арқасында Ақша қар екеуіміз сонау солтүстүтіктен бұғымызға шанамызды жеге салып келіп тұрмыз.

Ақша қар: Ата, дұрыс айтасыз! Иә, достар. Біз келгенше көптеген жерлерде болдық. Әлемнің әр жерінде той-думан болып жатыр.

Медина:

Аяз ата, ортамызға қош келдіңіз. Сіз де, Ақша қар. Сіздерге әзірлеген балақайлардың өнері бар! Қанекей, балалар! Өнерімізді көрсетіп, мерекемізді сәнін арттырайық!

Аяз ата:

Келтірейін сәніңді.

Бұзба енді мәніңді.

Әнші балам, тоқтама,

Шырқап жібер әніңді.

Жылқы жылы:

Армысыңдар, ағайын! Амансың ба, текті елдің ұрпақтары! Мен — жыл басы да, жол басымын! Мен — ердің қанаты, елдің берекесі, даланың дүбірі Жылқы жылымын! Мен сендерге тұлпардың жүйріктігін, арғымақтың асылдығын, жылқының тазалығын ала келдім! Қадамдарым құтты болсын, босағаларыңа бақ болып қонсын!

2026 жылы асу бермес асқарлар алынып, мақсаттарың тұлпардай алға озсын!

Төрт түлігің сай болып, төріңнен думан кетпесін!

Толағай:

Асыға күткен осы күн,

Ортада шырша – жасыл тын.

Бәріміз бірге айтайық,

Жағылсын шырша шамдары!

Бірнеше рет: Қуант бізді, таңырқат! Шамдарыңды жарқырат! Жағылсын шырша шамдары!

Монтаж:

Жібек:
Таңдары тамылжыған тынық болып,
Кезіккен кейбір кірбің ұмыт болып,
Жанары жалындаған жігіт болып,
Көл-көсір қуанышпен күліп келіп,
Жаңа жыл есік ашты үміт болып.
Жаңа жыл есік ашты салтанат боп,
Мереке, мол мейірім, мархабат боп.
Базына, базарлығын арқалап кеп,
Шуақты, шұғылалы шартарап боп;
Шалқыған шабытымен шалқалап кеп,
Әдемі әуелеген ән қанат боп,
Жаңа жыл есік ашты салтанат боп.

Толағай:

Жаңа жаңа арман жетелеп,
Жетістік пен сәттіліктер көп болсын.
Жақыныңа кек сақтаумен, өкпелеп,
Жаңылулар түбегейлі жоқ болсын.

Жаңа жылда ырыс толып үйіңіз,
Жарқын жүзбен жымиыңыз, күліңіз.
Жақсылықтар серік болып тек қана,
Жылулыққа әрдайым кенеліңіз.
Нұркелді:
Жаңа жылда бағындырып белесті,
Жүзіп өтіп, қиындық пен күресті,
Жалауы боп қуаныш пен шаттықтың,
Жете беріп, көріп-дағы жеңісті.

Жаңа жылда бақыт құсы дарысын,
Жарқыраумен биіктерге самғаңыз.
Желдей жүйрік желмен бірге жарысып,
Жаныңыздың қуат-күші талмасын!

Жаңа жылда мол береке тілеумен,
Жайдарлықты бойыңызға ту етіп.
Жадыраумен әр күн сайын күлумен,
Жүз жасаңыз, ұзақ өмір сүрумен!

Ойын

Әндер

Аяз-ата: Өнерлеріңе тәнті болдым, ризамын! Сендердей ақылды, өнерлі балаларды көріп, көңілім марқайып қалды. Алыс жерден арқалап әкелген базарлығым бар еді, соны қабыл алыңдар!

Ақшақар:

Медина

Құрметті ата-аналар, оқушылар! Осымен біздің «Қош келдің, Жаңа жыл-2026!» атты мерекелік бағдарламамыз өз мәресіне жетті.

Толағай:

Жаңа жыл әр шаңыраққа береке, бірлік және таусылмас қуаныш әкелсін. Ескі жылмен бірге барлық өкпе-реніш кетіп, жаңа жыл тек жақсылықтармен есте қалсын!

Медина:

Таусылмас бақыт, кетпес бақ,

Сыйласын мына жаңа жыл.

Жүрекке орнап нұрлы шат,

Шырқалсын асқақ жаңа жыр!

Толағай:

Жаңа жыл – жаңа қадам, жаңа үміт,

Болашақ сыйласыншы дара жарық.

Көңілдеріңіз шаттықтан нұрға толып,

Жүріңіздер тек қана аман болып!

Бірге: Жаңа жыл құтты болсын! Келесі кездескенше аман-сау болыңыздар!