Қош келдің, Жаңа жыл!

№5 мектеп-лицейі

«Қош келдің, Жаңа жыл!» атты мерекелік сынып сағаты

Өткізген: Қоңырбаева Л.Т.

Сыныбы:10в

2021-2022 оқу жылы

«Жаңа жыл» музыка ойналып тұрады.

Жүргізуші:

Қош келдің, Жаңа жылым,

Көп болар жаңалығың

Саған жыл бақ сый еттім.

Жаңа нұр күттім, досым,

Жаңа жыл құтты болсын!

— Жаңа жыл – Барыс  жылы әрбіріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін. Әрдайым қажырлы қайратыңыздан күш, жылы жүздеріңізден нұр кетпесін. Жаңа жыл баршамыз үшін берекелі, мерекелі жыл болсын.
Олай болса, көңіліміздің керегесін кеңейтіп, баршамызға береке сыйлар мерекелі кешіміздің шымылдығын ашуға рұқсат етіңіздер! Ортада 10 В сыныбы оқушылары.

Қанекей балалар, бәрімізге бірге шыршаны айналып айталық.

Ән  «Жаңа жыл»

Жүргізуші:

Балалар, дәстүрлі түрде Сиыр жылы көне жылды шығарып салып, жаңа жылды қарсы алуға арналған кешімізді әрі қарай жалғастырсақ. Бүгінгі кешіміздің құрметті қонақтары Аяз ата мен Ақшақарымызды шақырсақ.

Бәріміз бірге хормен: Аяз ата келіңіз, шыршамызды көріңіз деп шақырсақ қайтеді.

Музыка ойналып, ортаға Мыстан келеді.

Мыстан:

Ха ха ха, мыналар менсіз не өткізбекші маған айтпай.Сендер мені алдамай ақ қойыңыздар. Менсіз бұл шырша өтпейді. Мен бәрібір сендер күтіп отырған Аяз аталарыңның бір затын ұрлап та үлгердім. Енді ең алдымен менің шартым орындалмаса, мен оны келтірмей тастаймын.

1-шартым, мына шеңбер үзілмеуі керек.

Екінші шартым менің билеп я ән тыңдап көңілім көтерілу керек.

Үшінші шартым Бір ойыным бар. Соны жақсылап орындалса мен ойланатын боламын.

Ал олай болса дайынсыңдар ма?

Балалар: Ия, дайынбыз.

Жүргізуші:
Бүгін сізге жырдан алқа тағайын,
Шат күлкіге толы болсын маңайың.
Көргендер де көрмеген де арманда.
Жаңа жылың құтты болсын ағайын.

Зеңгір көкте жұлдыз болып жанайын,

Ай жүзіндей айшықтанып, арайың.
Жанға шуақ, бойға қуат әкелген.
Жаңа жылың құтты болсын ағайын.

Балалар, мынау тұрған мыстанға көмектесейік. Ең алдымен бір жақсы ән тыңдап алсақ дейміз.

Ән: Жаңа жыл

Орындайтын: Жүсіпов Елнұр

Ойын

Мыстан:

Ал енді менің 1-ші шартым. Орындалды. Екінші шартым. Ойын ойнасақ. Сіздердің ептіліктеріңізді мен ширақылықтарыңды сынаймын. Жеңілсеңіздер реніш жоқ. Аяз ата келе алмайды.

Шарты. Екі топқа бірігіп, шарды үріп, оны үзілмес керуен етіп шарды қыстырып, түсірмей жүріп келулерің керек. Мыстанның тобы жеңе ме? Тышқанның тобы жеңе ме? Оны казір анықтаймыз.

Мыстан:

Маған сіздермен болған ұнап тұр. Енді екінші шартым.

Мына әдемі боп киініп алған Сіздердің орталарыңда жүрген қонақтармен ойнасам деймін.

«Күлдіргіш» ойыны.
Әрбір ойыншы бір есімнен алады, Үш қатысушы қажет. Ал балалар осы ойыншыға сәттілік тілеп, үш шапалақ ұрамыз.

Мұзға 1 шапалақ

Қарға 2 шапалақ

Шырша 3 шапалақ

Мұз, қар, шырша т.б. Жүргізуші барлығын айналып жүріп, түрлі сұрақтар қояды: Ескерту күлмеуі керек. ойыннан шығарылады.

Мұзға сұрақтар

1. Сіздің есіміңіз кім?

2. Мынау не? (мұрнын көрсетеді)

3. Күнде түскі асқа не жейсің?

4. Аяғыңызға не киіп алғансыз?

5. Түнде ұйықтағанда қай жерде жатасың?

Шыршаға сұрақтар:

1. Атыңыз кім?

2. Мынау не? (құлағын көрсетіп)

3. Мына тұрғандар кімдер?

4. Бүгін сабақтан неше алдың?

5. Неден қорқасыз?

Қарға сұрақтар:

1. Атың кім?

2. Таңертең қандай тамақ жедіңіз?

3. Мынау не? (аузын көрсетеді)

4. Күнделігінде қандай баға бар?

5. Мыстан кемпір нені жақсы көреді?

6. Балалардың қолында не бар?

Жүргізуші:  Байқаймысыздар, бұл кешке келуге біздің Аяз-ата мен Ақшақарымыздың уақыты таяп қалған болар. Мына Мыстаннан көңіл күйін сұралық. Аяз атамыздың затын қайтарар ма екен?

Мыстан: Ал балалар сіздермен мен де жаңа жылды қарсы алсам деймін. Көңілім көтеріліп рақаттанып қалдым ау. Қалсам бола ма?

Жүргізуші:

Ал балалар бәріміз бірге Аяз атамызды дауыстып шақыралық. Барлығы: Аяз ата келіңіз! Шыршамызды көріңіз.

Аяз ата мен Ақшақар келеді.

Жүргізуші:

Келіңіздер, шығыңыздар ортаға,

Айтыңыздар жақсы жырды Атаға.

Кел балақай ән шырқайық тағы да,

Риза болсын жадырап Ақшақар да

Барыс  жылын Атамыз алып келді.

Тамсана аралайды елді енді.

Сүйкімді Ақша қарын ілестіріп,

Сыйлықтарын тұр енді үлестіріп.

Жүргізуші:

Жаңа жыл – жаңа әннің тербелуі

Жаңа жыл – ақ арманның өрленуі.

Жаңа жыл – партадағы лүпілдеген,

Кішкентай шәкірттердің ержетуі

Төрле, төрле – Жаңа жыл!

Айтамыз тебірене жаңа жыр.

Төрле, төрле – Құтты жыл!

Халыққа жүрші әркез төгіп нұр.

Сөз кезегі көне жыл Сиыр мен Жаңа жыл Барысқа берілді. Олар тілегін айтады.

Жүргізуші:

Төрле, төрле – Құтты жыл!

Қуаныштан айтылады әсем жыр.

Балалардың бақытында шек болмай,

Жүректері қуаныштан толқып тұр.

Қуаныш пен шатыққа кенелейік,

Жадырап, ән шырқап, тербелейік.

Төрле, төрле, халқымның құтты жылы,

Бәріміз дөңгелене кел билейік.

Би Флеш моб

Жүргізуші:

Біз тілейміз жаңа жылдық шаттықты
Біз тілейміз жаңа жылдық бақытты.
Құрметті қонақтар, балалар! «Қош келдің, Жаңа жыл!» жылға арналған мерекеміз аяқталып қалды. Осындай керемет өтуге ат салысып жүрген ата - аналар, әріптестерім сіздерге де мың алғыс! Көріп тамашалағандарыңа рахмет. Жаңа жыл құтты болсын, отбастарыңызға тек бақыт пен қуаныш әкелсін!!!

Ал, осымен ертеңгілігіміз аяқталды. Барлықтарыңызды жаңа жылмен құттықтаймыз.