Келді міне,жа?а жыл!

Келді міне,жаңа жыл!

Жаңа жылға арналған мерекелік ертеңгілік өткізілетін, әсем безендірілген залға көңілді әуенмен балалар кіреді.

Жүргізуші: Уа,халайық жараңдар,

Айналаға қараңдар!

Жаңа жылдың бұл тойын,

Салтанатқа санаңдар

Қызық көріп шат болып,

Мәз мейрам болып тараңдар!

Жүргізуші:Сәлеметсіңдер ме! Құрметті әріптестер, балалар, қонақтар! Біз сіздерді келе жаткан Жаңа 2016 маймыл жылымен құттықтаймыз. Сіздерге жаңа жылда жаңа табыс, бақыт тілейміз! Ал, ендеше, балалар жаңа жыл мейрамын бастайық!

1бала: Жаңа жылда жол болсын!

2 бала: Әрбір үйде той болсын!

1 бала: Берекелі жыл болсын!

2бала: Ақ дастарқан мол болсын!

Барлығы бірге: Келе жатқан жаңа жылдарыңыз құтты болсын!

Жүргізуші: Шырша шамын жағу сәті

Ән «Кел жаңа жыл» хор

1 бала: Аяз ата келе ме?

Бізге сыйлық бере ме?

2 бала: Әрине, ата келеді

Бізге көп сыйлық береді.

Осы кезде музыка әуенімен билей басып түлкі келеді.

Түлкі: Мен түлкімін,түлкімін

Тұнып тұрған күлкімін

Бұлғаң, бұлғаң құйрығым

Текке өтпейді бір күнім

Аяз ата мұнда келмейді,

Сендерге сыйлық бермейді.

Балалар: Қалайша?

Түлкі: Аяз аталарың адасып кетіпті,

Сендерді таба алмай

Үйіне қайтып кетіпті.

Жүргізуші: Бұл қалай болды? Думанымыз Аяз атасыз қалай өтпек?

Түлкі: Жарайды, мен кетейін (билей басып кетеді)

Жүргізуші: Балалар, уайымдамаңдар.Аяз атамыз келеді,бізге сыйлық

береді.Бұл түлкінің кезекті бір қулығы болар.

Мұның артында бір шикілік бар сияқты.

Жүргізуші:Балалар кане аяз ата біздің даусымызды естісін тағы бір ән шырқайықшы. Мүмкін аяз ата орманда адасып жүрген болар.
Ән: «Шырша» хор

Жүргізуші: Балалар сықырлаған қардың дыбысы естіледі. Балалар, Аяз атамыз келе жатқанға ұқсайды.Қардың сықырын естідіңдер ме?

Балалар: Иә, естіп тұрмыз.

 Жүргізуші: Енді қарап тұрмайық

Бәріміз бірге дауыстап Аяз ата мен Ақшақарды шақырайық!

Балалар: Аяз ата, Ақшақар!

Әуен ойналады. Залға Аяз ата мен Ақшақар кіреді. Балалар қошеметтеп қарсы алады.

Аяз ата: Амансың ба, ұлдарым,

Амансың ба, қыздарым

Қандай әсем жүздерің

Қандай мөлдір көздерің

Керемет бір ән тыңдап,

Келіп тұр-ау демалғым.

Ән «Дед мороз» хор

Жүргізуші: Балалар бізге алыстан домалап аққала келе жатқан сияқты қараңдаршы.

Би: «Аққала»

Аяз ата: Ой, айналайындарым-ай, сендерге келуін келдім, бірақ қапшық

толы сыйлығым ұшты-күйлі жоқ болып кетті.Осында келе жатып,

жоғалтып алдым. Енді не істесем екен?

Осы жерде түлкі дорбаны арқалап залға келеді билеп

Аяз ата: Ә, енді есіме түсті, қу түлкі. Жолда бағана өлген боп жатып

қапшығымды қымқырған екенсің ғой.Түлкінің мұнысы

дұрыс па, балалар?

Балалар: Жоқ.

Түлкі: Қулық-сұмдықты жоямын

Өнерге ден қоямын

Аяз атам мені кешірсе

Сыйлығына тоямын.

Аяз ата: Онда, айыбыңды өтеп, өнеріңді көрсет.

Түлкі: Достарым менің келіңдер,

Бірге билеп көріңдер

«Аңдар биі» орындалады.

Аяз ата: Бәрекелді, жарайсыңдар.Билерің керемет екен.

Жүргізуші:  Ал, балалар, тұрмайық. Аяз атаға арнаған тақпақтарымызды айтайық.

1. Айым Аппақ тонға оранып

Базарлықты мол алып.

Келді алыс сапардан

Аяз ата оралып.

2.Риза Аққырауға малынған

Ақша қардай сақалы

Көптен күтіп сағынған

Көрдік Аяз атаны

3. Айзере Тауда туып

Тауда өсіп

Шырша келді ортаға

Қандай жақсы шыршамыз

Ән салайық баршамыз

4.Айханым Мұздан моншақ тағынып,

Күміс қырау жамылып

Ортада тұр Ақшақар,

Көптен күтіп сағынып

5.Талғат Тамаша сый алып,

Келді аяз атамыз

Шаттанып қуанып,

Шырқап ән айтамыз

6. Альдайыр Келді міне жаңа жыл

Қарсы алайық бәріміз

Күліп,ойнап, би билеп

ән салайық бәріміз

7. Дильназ Жаңа жылда, жаңа жыл

Жаңаша тақпақ айтамыз

Болсын риза балаша

Аппақ біздің атамыз

8.Нұртілек Сылдырлайды моншағы

Шыршамыздың мол шамы

Жаңа жылмен жайдары

Құттықтаймыз баршаны.

9. Адилхан Тақпақтарды жаттадық.

Би биледік көрсін деп.

Аяз ата қуанып,

Бізге риза болсын деп.

Аяз ата жарайсындар балалар, өнерлерің көп екен үлкен азамат болыңдар!
Аяз ата: Қасымда бар Ақшақар

Ол да ренжіп қалмасын

Бүлдіршіндер балалар

Би билеп, бірге ойнасын!

Би «Ұлпақарлар биі» орындалады

Жүргізуші: Балалар ескі жылмен қоштасып жаңа жылмен достасатын кез келді. Балалар ортаға маймылды шақырайық.

Ортаға маймыл келеді.

Маймылдың тілегі.

Ән: Жасыл шырша жанында

Ақшақар: Мінекей балалар сендермен қоштасатын кез келді, Сендерді қимай тұрмыз, барлығыңда көңілді, өнерлі, әдемі балалар екенсіңдер.

Аяз ата: Ой, бәрекелді, балақайлар. Мен сендерге ризамын.Мені сендер

сияқты басқа да балалар күтуде. Жаңа жылдарыңыз құтты болсын!

Келесі жылға дейін көріскенше, аман сау болыңдар!

Балалар: Сау болыңдар!

Жүргізуші:Жаңа жылым төрле бізге нұр болып,

Жақсылықтың жаршысы боп, бақ болып.

1. Ән «Кел жаңа жыл» хор

1. Ән: «Шырша» хор

1. Ән «Дед мороз» хор

1. Би: «Аққала» (снеговик)

1. «Аңдар биі» орындалады.(Волк, Лиса, медведь, заяц)

1. Би «Ұлпақарлар биі» орындалады

1. Ән: Жасыл шырша жанында