МБГБУ” Кенәбаш башлангыч мәктәп-балалар бакчасы”
Әбием – алтыным
Хөсәенова Рәйханә
2012
Исәнмесез,кадерледән кадерлерәк,сөйкемледән сөйкемлерәк,шәфкатьле.миһерле,олы җанлы әби-бабаларыбыз,дәү әни,дәү әтиләребез!
Илебез буенча октябрь ае башында Өлкәннәр көне уздырыла.Шушы уңайдан без дә Сезне бәйрәм котлыйбыз.Сезгә тазалык,тынычлык картлык телибез.
Әби,дәү әни! Нинди матур яңгырый бу сүз.Әти-әни дигән сүз кебек үк якын һәм кадерле.Балалар,сезнең әбиләрегезнең күзләренә,кулларына игьтибар иткәнегез бармы?Аларның куллары җыерчыклыләкин сезне иркәләгәндә аннан да йомшаграк куллар юктыр мөгаен.Әбиләре турында безнең балалар нәрсәләр сөйли икән,тыңлап карыйк әле.
(Беренче сыйныф укучыларының шигырьләре тыңлана)
Җыр”Әбием күзлек кия”
Әби-бабаларыбызның һәрберсе авыр сынаулары аша үткәннәр.Булдыра алган кадәр кадерлик-хөрмәт итик без аларны.Кайчак бер җылы сүз җитә бит алҗыган,талчыккан күңелләргә.Безнең балалар нинди җылы сүзләр әйтәләр икән әбиләренә.
1 Кояш көлеп уянды да
Нурларын сипте мулдан
Өлкәннәр килде мәктәпкә
Без йөри торган юлдан.
2 Бераз үскәч онытабыз
Җирдә әбиләр барын
Җан җылысын югалтмаска
Бер ант бирик без тагын.
3 Кояш җылысына җыелгандай
Сыенабыз әбияныңа
Тормыш ямен,матурлыгын тоеп,
Яшә әби, яшә тагында.
Яшә әби тагын 100гә кадәр
Шат күңелләр белән гомер ит
Җирдә кояш ничек кирәк булса,
Синдә безгә шулай кирәк бит.
Хөрмәткә лаеклы әбиләребез! Алар безне әдәпкә,әхлакка өйрәтәләр.Халкыбызның йолалары,гореф-гадәтләре белән таныштыралар,киңәшләрен бирәләр.Әйтегез әле,нинди күркәм гадәтләргә өйрәтте сезне әбиләрегез.
1 Бик яратам әбиемне
Әниемнең әнисен
Уңганлыгын сөйлим әле
Дус-ишләрем дә белсен.
Бигрәк нык ярата ул
Оекбашлар бәйләргә
Ә кичләрен җыя безне
Әкиятләр сөйләргә.
2 Кулы кулга йокмый аның
Теккәндә бәйләгәндә
Ераклардан йөртеп кайта
Хикәят сөйләгәндә.
Безне һәрчак өйрәтә ул
Яхшылыкка,әдәпкә
Ерак үткәннәрдән килгән
Йола,гореф-гадәткә.
Безне кечкенәдән карап үстергән,тәмле ашлары белән сыйлаган,йомшак теле белән иркәләгән әбиләребезне ничек яратмыйсың инде.Менә Илүзә ничек ярата икән әбисен.
(җыр”Әбием”)
Хөрмәтле әбиләребез! Сез тыйнак та,сөйкемле дә.Зәринә белән Бәхтиярнең шигырьләре нәкъ менә сезнең хакта.
1Иртән торсам кояш чыгып
Нурларын сипкән иде
Әбиемнең чәе кайнап
Коймагы пешкән иде.
Без әбине яратыбыз
Ул да безне ярата
Якты йөзе, йомшак сүзе
Барысы безгә каркта.
2 Иң-иң иртә кем тора
Иң иртә әби тора
Без торганчы өстәлдә
Чәй белән коймак тора
Иң-иң соңлап кем ята?
Иң соңлап әби ята
Безгә үз йокыларын биреп
Безне күбрәк йоклата.
Октябрь ае бәйрәмнәргә бай ай.Без бу айда укытучылар бәйрәмен дә билгеләп үтәбез.Безнең арабызда да озак еллар мәктәптә һәм балалар бакчасында эшләп киткән хөрмәтле Люция апа,Нәсиха апа.Марзыя апа,Гөлфирәапа,Мөнирә апалар бар.
Люция апа күп еллар мәктәптә директор булып эшләгән,хәзер авылыбызның хөрмәтле абыстае.Люция апа сүзне сезгә бирик әле.(Люция апа чыгышы.)
Кадерле әбиләребез!Сез безнең өчен бик кадерле.Бигрәк тә мондый болгавыр заманда балаларны миһербанлы,шәфкатьле,инсафлы итеп тәрбияләргә ярдәмегез бик кирәк.Картаймыйча безгә ярдәм итеп яшәгез,ә урыныгыз өйнең түрендә булсын.
Күңелегезгә җыйган яхшылыклар
Изгелекләр булып кайтсыннар
Туар таңнар алып килсен сезгә
Сәламәтлек,бәхет,шатлыклар
Сезнең эшне өлге итеп алып
Тормыш юлын бергә үтәрбез
Изге уйны,изге гамәлләрне
Үзебезгә маяк итәрбез.
Әбиләрне һәркем зурлый.Шагыйрьләр аларга багышлап шигырьләр иҗат итә,композиторлар җырлар чыгара,рәссамнәр әбиләребезне рәсемгә төшерә.Сезнең оныкларыгыз да кечкенә рәссамнар булдылар,алар да сезне рәсемгә төшерде.Рәсемнәрне рәхим итеп кабул итегез.
Бәйрәмебез чәй табыны янында дәвам итә.
