"Алтын күз" ертеңгілігі

«Құрметті күз, біз сені жақсы көреміз»

         Мақсаты: Балалардың күз туралы түсініктерін кеңейту. Күз мезгілінің ерекшеліктері жайлы мәліметтер беру. Балалардың ойлау, қабылдау, есте сақтау қабілеттерін арттыру. Тіл байлықтарын дамыту. Табиғатты аялауға тәрбиелеу.

  Тәрбиеші: Армысыздар, ардақты қонақтар, ата-аналар, әріптестер және сүйкімді бүлдіршіндер! Табиғаттың бізге берер байлығы мен берекесін сыйлауға сары алтын күзіміз тағы келді, мерекеміз құтты болсын!

Бүгін біздің «Балапан» ІІ кіші тобының «Құрметті Күз біз сені жақсы көреміз!» атты мерекеге қош келдіңіздер.

                            Бүгін мейрам, бүгін той,

                            Қуанышты күн біліп қой.

                  Күзгі бақтай, сыңғырлап,

                  Алақанды соғып қой.

Тәрбиеші: «Алтын күз» мерекесіне арнап тақпақтардан шашу шашайық.

Айсұлу:              Берекесін сыйлауға,

                           Өлкемізге күз келді.

                           Жемістерін жинауға,

                           Шақырады біздерді.

Алдияр:              Алтын, сары, қызыл, көк,

                           Алуан, алуан, жапырақ.

                           Күзгі бақта күлімдеп,

                           Көз тартады атырап.

Тәрбиеші:  Ал балалар тұрмайық,

                   Күзгі бақта бүгінгі

                     Шырқап әнге салайық.

Ән:  «Күз жомарт

Тәрбиеші:  Балалар, енді мерекеміз қызықты өту үшін ортамызға «Күз ханшайымын» шақырайық.

                     Келші, келші алтын күз,

                     Келші, келші жарқын күз,

           Мерекені жалғастырып,

           Ойнап күлші алтын күз.

Күз:  Армысыңдар бүлдіршіндер!

          Күзгі бақтағы қонақтар.

Өздеріңе әкелдім,

Күздің сыйын көз тартар.

Тәрбиеші:  Алтын күз, мына жемістерді балаларға таратып берсек бола ма?

Күз:  жоқ, бұл сыйды балалар еңбек етіп, тер төгіп алулары қажет. Өйткені күздің сыйлары жемістерде, көкөністерде тек адамның еңбегінің арқасында болады.

Тәрбиеші:  Құрметті «Алтын күз» біздің балалардың өнерлерін тамашалаңыз.

Ж.Айзере:  Күздің қазан айында,

Алма, алмұрт піседі.

Жапырақтар сарғайып,

Сыбдыр-сыбдыр түседі.

Қайсар:       Алма пісіп, алмұрт түсіп,

Күзгі бақтар жайнайды.

Құстар қайтып, қош айтысып,

Қимас үнмен сайрайды.

Тілек:         Дәні қандай қатты еді,

                      Дәмі сондай тәтті еді.

                      Үйіріп ап тілімді,

                      Таңдайымнан кетпеді.

Тәрбиеші:  Келесі кезекті «Көбелектер»  биіне берейік.

Би:  «Көбелектер» 

Тәрбиеші:  Қауын – қарбыз жемістермен,

Толтырамыз қап сабетті.

Алтын күз деп аталады,

Күз айы да сол себепті.

Ендігі кезекті күз байлықтарына береміз.

Арын:                  Мен алмұртпын, алмұртпын

                              Аузындамын бар жұрттың.

Медет:                 Мен жүзіммін, жүзіммін

                              Моншақ болып тізілдім.

Әділмансұр:       Мен өрікпін, өрікпін

                              Табиғатқа көрікпін.

Айлаа:             Мен алмамын, алмамын

                            Таңдай қағар бар дәмім.

Мадияр:            Мен шиемін, шиемін

                            Күннің көзін сүйемін.

Тәрбиеші:  Келесі кезекті «Жапырақтар»  биіне берейік.

Би:  «Жапырақтар» 

Тәрбиеші:          Көкөністі көп ектік,

Өсіп, піссін деп едік.

Көктемде еккен көкөніс,

Күзде берді көп өніс.

Ортаға көкөністерді шақырайық.

Дильназ:          Қауыннан да басқарақ,

Қарбызданда басқарақ.

Семіріпті бақшада,

Қандай болып асқабақ.

Мансұр:            Картоп бздің атамыз,

                            жер астында жатамыз.

Бір тамырдан тараған,

Ағайнбыз бәріміз.

Ясмина:           Түсы сондай қып-қызыл,

                           Сабағыда тіпті ұзын.

                           Алмаға аздап ұқсайды,

                           Ел абайлап ұстайды.

Ахмат:              Жинап дасты, бауырды,

                           Ортаға алдық қауынды.

                           Жарып едік қауынды,

                           Қарық қылды ауылды.

Арина:              Жас өскінін қиярдың

                           Жаз бой мен суардым.

Исламбек:        Өсіретін бойыңды,

Дамытатын ойыңды.

Қоянға да азықпыз,

Сәбіздерміз жазықпыз.

Тәрбиеші:  Бидай, арпа, тары бар,

Сұлы, күріш бәрі бар.

Әке жырлап барады,

Бәрің құлақ салыңдар.

Аяулым:          Нан анасы – бидаймын,

Нанды елге сыйлаймын.

Піскенімде мен қырда,

Қауызыма сыймаймын.

Арайлым:        Мен күрішпін, күрішпін

                          Күллі әлемге ырыспын.

Сырым:           Ақ, қарамын, сарымын,

                          Мен атақты тарымын.

Тәрбиеші:  Рахмет сендерге дақылдар. Балалар бізге саңырауқұлақ қонақа келе жатыр екен, қане саңырау құлақты қарсы алайық.

Саңырауқұлақ:    Мен өсемін орманда,

Теңбіл қоңыр, әр түсті,

Пайдам да бар зияным,

Таңдасаң дұрыс сен мені,

Тамақта дәмді боламын.

Саңырауқұлақ:    Мен жеуге болатын саңырауқұлақпын, мында көптеген жеміс-жидектер, көкөністер жүр екен менде сендермен дос болғым келеді. Менімен дос боласыңдарма?

Тәрбиеші:  Ал балалар саңырауқұлақтың көңіл көңіл күйін көтерейік. Ол үшін бәріміз бірге  «Күзгі бақ» әнін шырқап берейік.

Ән:  «Күзгі бақ»

Тәрбиеші:  Келіңдер балалар «Күн ашық» ойынын  ойнайық.

Ойын: «Күн ашық»

Ойын шарты: Жаңбыр жауды дегенде балалар  қол шатырдың астына кіреді.

«Күн ашылды» дегенде ортаға шығып ойнайды. Ойын осылай жалғаса береді.

Ойын: «Кім жылдам»

Ойын шарты: Жерге көкеністер, жеміс жидектер шашылып жатады соны кім тез жинайды.

Тәрбиеші:  Молшылық күз-береке күз,

                   Береке күз мерекеміз.

Осымен балалар «Құрметті күз, біз сені жақсы көреміз» атты мерекелік ертеңгілігіміз аяқталды.