Ағылшын апталығы туралы ақпарлама

« № 10 жалпы білім беру орта мектебі» КММ-сінде 12.10-17.10 аралығы күндері өткізілген «English language –is a world language» атты ағылшын апталағының қорытындысы туралы

Ақпарлама.

Мақсаты: Елбасымыздың үш тұғырлы саясатын басшылыққы ала отырып, оқушылардың ағылшын тіліне деген қызығушылығын арттыру, ойлау және сөйлеу дағдыларын қалыптастыру болатын.

Апталықтың ашылу салтанаты жоспарға сәйкес 12.10.15ж күні мектептің АКТ залында ашылып, апталықтың жоспарымен таныстырылды.

14.10.15ж күні Басбаева Айнур 6 «А» сыныбына «Shoqan Ualikhanov is a Kazakh traveller» тақырыбында ашық сабақ өткізді. Мақсаты: Ұлы саяхатшы Шоқан Уәлихановтың өмірі және еңбектертерімен таныстыру.

Ұйымдастыру бөлімінде оқушылармен амандасып, саяхатшылардың суреттерін таңдау арқылы топқа бөлді. Әріптерден сөздер құрастырылды. Топ мүшелері рөлге бөлінді. Бағалаушы бағалау парағына оқушыларды бағалап отырды. Топ оқушылары саяхатшы туралы постер қорғады, әртүрлі тапсырмалар орындалды. Бекіту бөлімінде оқушылардың шығармашылық қабілеттерін арттыру мақсатында 5 жолды өлең құрастырды.Сабақ соңында оқушылар жиынтық бағаланды.

15.10.15ж күні жоспарға сәйкес 7 «А» сыныбына Туркменбаева Ания «Animals are in danger»тақырыбында ашық сабақ өткізді. Мақсаты: оқушыларды жануарларға қамқорлық жасауға үйрету. Ағылшын тіліне деген қызығушылығын арттыру.

Үй тапсырмасын «Ортада қаламсап» стратегиясы арқылы сұрады. Тақырыпқа байланысты жаңа сөздермен таныстырылды. Қызығушылығын ояту бөлімінде сәйкестендіру стратегиясын тиімді пайдаланды. Мәтінді жылдам әрі түсінікті оқып шығу үшін «INSERT» стратегиясын қолданды. Оқулықпен жұмыс жүрді. Оқушылар бағаланды.

16.10.15ж күні жас маман Хужамуратова Гаухар 5 «А» «My best friend» тақырыбында ашық сабақ өткізді. Мақсаты: оқушыларға дос деген сөздің мағынасын түсіндіру және ағылшын тілінде сөздік қорын молайту болатын. Сабақ жақсы өтті. Оқушылар белсенділік танытып, сабаққа жақсы қатысты. Жаңа сөздермен жұмыс жасады, оқулықтан жаттығулар орындалды. Оқушылар бағаланды, үй тапсырмасы берілді.

16.10.15ж күні Басбаева Айнур және Хужамуратова Гаухар 6-7 сыныптар аралығында «Поле чудес» атты интеллектуальды сайыс сабақ өткізді. Сайыс өз дәрежесінде өтті. Сайыстың мақсаты оқушыларды ағылшын тілінде дұрыс сөйлеуге төселдіру, шапшаңдыққа, блгірлікке тәрбиелеу. Сайыс 3 турдан тұрды. Әр турға 3 оқушыдан қатысты. Сұрақтар ағылшын тілінде қойылды. Сайыс соңында 7 «А» сынып оқушысы Қошқарбаева Гүлдана жеңімпаз атанып, сыйлықпен және алғыс хатпен марапатталды.

Апта соңында 17.10.15 ж күні АКТ залда мерекелік концерт ұйымдастырылып, «Ең үздік сөзжұмбақ »сайысының жеңімпазы анықталып, сыйлықпен және мақтау қағазымен марапатталды, апталық қорытыланды.

Бірлестік жетекшісі: Басбаева А.И