Сабақтың тақырыбы: «Сәндік қолданбалы өнер элементтері бар материалдарды көркемдеп өңдеу технологиясы»
Сабақтың білімділік мақсаты: Оқушыларға сәндік қолданбалы өнер туралы,
олардың ерекшеліктерімен және олардың түрлерімен таныстыру.
Дамытушылық мақсаты: Оқушыларға сәндік-қолданбалы өнердің кейбір
түрлерін жасату ерекшеліктерін оқып үйрену.
Тәрбиелік мақсаты: Оқушыларға материалдар мен құрал-саймандарды ұқыпты
ұстауға, ТҚЕ қатаң есте сақтауға, эстетикалық ақыл – ой және еңбек тәрбиесін
беру.
Сабақтың көрнекілігі: Технология оқулығы қолдан дайындалған нұсқау карта,
құрал – жабдықтар.
Пәнаралық байланыс: Бейнелеу өнері, биология, тарих.
Сабақтың түрі: Жаңа білім алу
Сабақтың әдісі: Түсіндіру, нұсқау
Сабақтың өту барысы:
Ұйымдастыру кезеңі.
Үйге берілген тапсырманы тексеру.
Жаңа тақырыпты түсіндіру.
Тапсырмаларды орындау.
Сабақты бекіту.
Үйге тапсырма.
Сабақтың мазмұны:
Сәндік-қолданбалы өнер күнделікті пайдаланыстағы көркем бұйымдарды жасауды қарастырады. Халық шеберлері пайдалануға жарайтын заттарды көркемдік өңдеумен айналысады. Оларға үйдің керек-жарақтары, жиһаз, мата, еңбек құралы, киім, әшекей, ойыншықтар жатады.
Материалдарды өңдеген кезде (металл, ағаш, керамика, шыны, текстиль және т.б.) сәндік-қолданбалы өнерде әрқилы техникалар қолданылады. Мысалы, құю мен соғу, өрнектеу мен ою, шекіме мен бедер салу, әшекейлеп жазу мен тігу. Ежелден пайда болған сәндік-қолданбалы өнер халық шығармашылығының аса маңызды саласы болып қалыптасты. Теріден бұйым жасау ежелден бері қазақ халқының тұрмысында маңызды кәсібінің бірі болып табылған. Теріден қазақ шеберлері әртүрлі шаруашылық, тұрмыстық және әшекейлік заттар жасаған. Көшпендінің өмірін ат әбзелдерінсіз (ер-тұрман) елестету мүмкін емес. Көптеген киімдер, мысалы, сеңсең тон, немесе қырықпа тон, былғары етік, саптама етік, әртүрлі белбеу, кісе – теріші еңбегінің жетістігі. Қымыз құюға арналған саба – ат немесе терісінің мойын тұсынан жасалады, осының бәрі күнделікті тұрмыста пайдаланылады. Металды көркемдеп өдеу және зергерлік әшекейлер жасаумен зергерлер айналысады. Қазақ зергерлеріне күміс пен алтыннан бұйым жасаудың көптеген әдістері белгілі болды. Күміс – зергер жұмысындағы пайдаланылатын негізгі металл болды. Білезік, жүзік, сақина, сырға, шолпы және басқа да көптеген әшекейлер шебердің қолынан шығатын. Ағашпен шебер- ұста айналысты, ол жиһаз, ыдыс және күнделікті тұрмыста қажетті басқа тұрмыстық заттар жасаған, бұл заттардың көбісі оюланып безендірілді. Қымыз құятын теген, ожау, тостаған халық дәстүрінің әсем үлгісімен оюланып безендірілді.
Үйге тапсырма: «Сәндік қолданбалы өнер элементтері бар материалдарды көркемдеп өңдеу технологиясы»