Лентадан шаш ?ыстыр?ыш жасау

Алматы облысы, Райымбек ауданы

Шалкөде орта мектебі технология

пәнінің мұғалімі Тикебаева Лаззат

Сабақ тақырыбы: Лентадан шаш қыстырғыш жасау
Сабақ мақсаты:
А) білімділік: оқушыларға лентадан шаш қыстырғыш жасау жолдарын және әдістерін үйрете отырып шеберліке , шығармашылық деңгейі арқылы әсемдік пен сұлулықты бағалай білуге үйрету.
Ә) дамытушылық: Оқушылардың шығармашылық қабілеттерін, өз бетімен жұмыс жасау дағдыларын дамыту, оқушылардың алған білімдерін өмірде өз бетінше қолдана білуін қадағалау және шығармашылық іскерліктерін арттыру
Б) тәрбиелік: оқушыларды талғаммен жұмыс жасауға, ептілікке, ұқыптылыққа, өнерді сүюге, талмай еңбек етуге тәрбиелеу.
Сабақтың түрі: Жаңа сабақ
Сабақтың әдісі: баяндау, түсіндіру, сұрақ-жауап, жаңа техникамен жұмыс,

Көрнекілiгi: қажетті материалдар мен құралдар, тақырып бойынша слайд, дайын бұйым

Материалдар: мата, лента, ине жіп, қайшы, моншақ.

Сабақ тың барысы:

І. Ұйымдастыру бөлімі

ІІ. Өткен сабақты пысықтау

ІІІ. Жаңа тақырып түсiндiру

ІҮ. Сарамандық жұмыс

Ү. Бекіту сұрақтары

ҮІ. Оқушылардың жұмысын бағалау, сабақты қорытындылау.

ҮІІ. Жұмыс орнын жинау.

ІІ. Өткен сабақты пысықтау
Өткен сабақты «сарғайған күзгі жапырақтарды себетке жинау арқылы» пысықтайық. Ол үшін жапырақшаларға жасырылған сұрақтарға жауап берейік.
1. Иық бұйымдарын ата?

Көйлек, костюм, жакет, жейде, жемпір, блузка т.б

2. Дизайн дегеніміз не?
Дизайн дегеніміз кез келген бұйымның жаңа үлгісін жан-жақты ойластырып, заман талабына сай жасау деген сөз.
3. Өлшем алу үшін қандай құралдар керек?
Сантиметірлік таспа, милиметірлік қағаз, карандаш, лекала
4. Блузка тігу үшін қандай өлшем алынады?
Мойын ойындысы, кеуде айналымы, бел айналымы, кеуде биіктігі, иық ені, жең ұзындығы,т.б.

ІІІ. Жаңа тақырып түсiндiру

Жұмысымызды бастамас бұрын таспаның шығу тарихына тоқталайық. Ерте кезден-ақ жіңішке мата жолақтары адамдардың күнделікті және шаруашылық қызметінде кеңінен қолданылған. Сол кездің өзінде Ежелгі Грецияда әйелдер әдемілік үшін шаштарын мата жолақтарымен жинаған. Ежелгі Римде алтынмен, қымбат тастармен әшекейленген жолақтарды әйелдер шаштарына қосып өрген. Сонымен қатар, түрлі-түсті ленталармен киімдерді безендірді, әрбір әлеуметтік сатыға сәйкес өз түсі және материалы болды.Орта ғасырда Италияда отырғыштардың арқалықтарын әсемдеп, қыстың күндері суықтан қорғайтын қалың маталы терезе жапқыштарды байлаған.Тек XIV ғасырдан бастап тұрмыста жібек ленталарды кеңінен пайдалана бастады. Лиондағы жақсы дәстүрге және қолайлы климаттық жағдай Европаның оңтүстігінде бағалы жібек жіпті өндіру тез дамыды. Папаның тігіншісінің Авиньонға көшуінен бастап, француз корольның қол астындағы белгілі мырзалар шығу тегі мен шеніне қарай алтын каймалы немесе парча лентамен әрленген үлде мен бүлдеге оранды.

Техникалық қауіпсіздік ережесін қайталау.
Қазір тәжірибелік жұмыс барысында сендер өткір, үшкір, қауіпті электр құралдармен (үтікпен) жұмыс жасайсыңдар. Сондықтан техникалық қауіпсіздік ережесін естеріңе түсіріп алыңдар. Инемен, қайшымен жұмыс жасағанда нені білуіміз керек? (оқушылардың жауаптары).
1. Жұмыс алдында ине мен түйреуішті дұрыстап санап алу керек.
2. Инемен жұмыс кезінде абай болу керек.
3. Жұмыстан соң инені жастықшаға түйреп қою керек.
4. Инені ауызға салуға болмайды.
5. Қайшыны бір - бірлеріңе тек тұйық жағымен берулерің керек.
Жұмыс соңында отырған орыныңды жинақтап, ине, түйреуішті түгендеп

керек.

ІҮ. Сарамандық жұмыс.
Өнердің өзі қызығушылықтан оянады, қызығушылық - үйрену
процесі. Үйрену - бұрынғы білетін мен жаңа білімді ұштастырудан тұрады. Қазақ сурет өнерінің атасы Ә. Қастеев былай деген екен:

Өнерді таудың бұлағынан,
Қойдың құлағынан,
Апамның киізінен,
Ешкінің мүйізінен үйрендім.
Яғни, өнер біздің айналамыздан табылады, олай болса өнер туындысын жасауға талпынайық. Бүгінгі сабақта сендер лентадан шаш қыстырғыш жасап үйренеміз.

Шаш қыстырғышты жасау жолдары. Лентаның ұзындығын 15 см етіп қиып аламыз. Сосын шаш қыстырғыштың көлеміне қарай астына мата қиып аламыз. Содан кейін лентаны сол қиып алған матаға бүру арқылы тігіп шығамыз. Тігіп болған соң моншақты тігеміз. Барлығы біткен соң шаш қыстырғышқа жапсырамыз.

Ү. Бекіту сұрақтары

1. Қай ғасырда, қай елде отырғыштардың арқалықтарын әсемдеп, қыстың күндері суықтан қорғайтын қалың маталы терезе жапқыштарды байлаған? (орта ғасыр, Италияда)

2. 14 ғасырда қандай таспалар пайдаланды? (жібек таспалар)

3. Қандай қауіпсіздік техникалық ережелерін біз бүгін қолдандық? Т.б

ҮІ. Оқушылардың жұмысын бағалау, сабақты қорытындылау.

ҮІІ. Жұмыс орнын жинау.