А?ашты к?ркем ою, дайын б?йымды бояулармен ж?не лакпен ??деу.

Мерзімі: Технология 5 «А»сынып

Сабақтың тақырыбы: Ағашты көркем ою, дайын бұйымды бояулармен және

лакпен өңдеу.

Жалпы мақсат: Оқушыларға заттарды өңдеу туралы мәлімет бере отырып, дайын бұйымдарды бояту.

Оқушылардың икемділігін, іскерлігін, шеберлігін қалыптастырып, ұқыптылыққа баулу.Оқушыларға еңбек және эстетикалық тәрбие беру

Күтілетін нәтиже: Оқушылар ағашты көркемдеп өңдеу әдістерін меңгеріп,икемділігін, іскерлігін, шеберлігін қалыптастыра біледі.

Әдіс -тәсілдері: Жұппен және жеке жұмыс, АКТ, диалогтік оқыту.

Ресурстар: Жұмыс дәптерлері, интерактивті тақта, желім, гуащь, ДВП

Сабақтың кезеңдері

Мұғалімнің іс-әрекеті

Оқушылардың іс-әрекеті

Ұйымдас-тыру кезеңі

(1 мин)

Оқушылармен сәлемдесемін,түгендеймін.

Мұғаліммен орнынан тұрып амандасады;

Кезекші оқушылар сыныптың сабаққа қатысуын хабарлайды.

Қызығу-шылықты ояту

(7 мин)

Үй тапсырмасы тексеріледі. Оқушыларға ізденімпаздық жұмыс тапсырылған. Қолда бар бұйымдардан зат жасап келу.

Интернеттен қарап, ізденіп қолда бар бұйымдардан зат жасап алып келеді,қалай жасалынатыны туралы таныстырады.

Негізгі бөлім

Түсіну

(7 мин)

Қолдану

Талдау

(20 мин)

Ағаш өңдеуде біздің қазақ халқы алдына жан салдырмайтын, ағаштан түйін түйетін халық. Қасиетті саналатын ұлттық бұйымдарымыздың жасалу технологиясы мен олардың әшекейленуі эстетикалық тұрғыдан алғанда басқа халықтардан кем түспейді.
- Ағашты өркемдеп өңдеуге қажетті ағашты дұрыс таңдау істің нәтижелі болуына септігін тигізеді. Мысалы: СТД – 120 м станогымен жұмыс жасауға қатты ағаш түрлері дұрыс. Сондықтан жасалатын бұйым түріне қарай ағаштың механикалық, физикалық жағдайларын білу керек.
Жұмысқа бұтақсыз ағаш түрлерін таңдап, қажетті өлшемін кесіп, сүргілеп, әрлеп болған соң, тегіс бетіне өрнек бейнесін көшіреді.
Ағаш бұйымдарын көркемдеп өңдеу мынадай шаралар арқылы жүзеге асады.
-Бұйымның негізін талаптарға сай тазалау.
-Бұйымның барлық бөліктеріне өрнекті жоспарлау, үлгісін жасау.
-Өрнектерді кесу.
-Бұйымдарды бояу, оған әр беру, лактау.
Әдебиет пен өнерде композиция деген түсінік бар. Ол жүйелеу, үйлестіру деген латын сөзі. Өнердің барлық саласында композиция өте күрделі ұғым және шығармашылық арқау.

«Ойлан, жұптас, талқыла» стратегиясы арқылы оқушылар жұптасып сарамандық жұмыс беріледі.

- Қауіпсіздік ережені сақтай білу;

Әрлеу кезінде мынандай техника қауіпсіздігін сақтау керек:

• Жұмысқа қажетті заттарды дайындап ал.

• Бояумен жұмыс жасаған кезде тазалықты сақта.

• Лакпен жұмыс жасаған кезде маска ки.

Оқушыларға алдыңғы сабақтарда жұқа ағаш бетіне салынған суреттерді әрлеп өңдеуге беремін. Сабақта оқушылар бояумен жұмыс істейді. Дайын бұйымды лакпен әрлейді. Эстетикалық тұрғыда рамка жасап салу тапсырылады.

Оқушылар «Түртіп алу» әдісі бойынша жазып отырады.

Оқушылар қауіпсіздік ережесімен танысады.

Оқушылар ойланады бірлесе отырып сарамандық жұмыстар орындайды.

Ағаш бетіне салынған суреттерді бояйды, лактайды. Рамка жасайды.

Қорытын

ды

(6 мин)

Өткен тақырыптар бойынша тест орындау тапсырылады.

1. Ағаш негізінен неше бөліктен тұрады?

а) 2; ә) 3; б) 4; в) 5;

2. Ағаштың негізі – ядросы қалай аталады?

а) өзек сәулесі; ә) камбий; б) флоэма; в) ағаштың өзегі;

3. Жүмсақ ағашты ата:

а) емен ; ә) үйеңкі; б) жөке ; в) қызыл қарағай;

4. Ағашпен өңдейтін шеберлерді кім деп атайды?

а) ұста; ә) балташы; б) зергер ; в) ісмер;

5. Ағашты кесуге қажетті ең басты құрал :

а) балта ; ә) шаппа шот; б) қол ара ; в) сүргі;

6. Жалпақ беттерді тегістеу үшін қолданылатын сүргілеу аспабы:

а) шерхебель; ә) фуганок; б) сүргі; в) түрпі;

7. Ағаш бұйымдарының беті тегіс болу үшін:

а) шабады; ә) қырады; б) сүргілейді; в) түрпілейді;

8. Сүргілеу барысында ағаштың бетінен жұқа қабатының алынып тасталуын ... деп атайды.

а) жоңқа; ә) үгінді; б) бұтақ; в) қабық;

9. Ағашты кез келген бағытта кесе алатын ара :

а) қыл ара ; ә) қол ара; б) кернеу ара; в) жақ ара;

10. Ағашты тесу үшін пайдаланатын құрал:

а) қашау; ә) бұрғы; б) шапқы; в) тескіш;

Жауабы: 1.ә 2.в 3.б 4.а 5.б 6.ә 7.б 8.а 9.в 10.ә

Тест сұрақтарына ойлана отырып жауап береді.

Бағалау

(2 мин)

Оқушылардың орындаған жұмыстарына қарап баға беру.

Үйге тапсырма беру.

(2 мин)

Ағаш өңдеу құралдары туралы мәлімет жинақтап келу.