"А?аштан жасал?ан ?ша?тарды ??растыру"

Ағаштан жасалған ұшақтарды құрастыру.

Сабақтың тақырыбы: Ағаштан жасалған ұшақтарды құрастыру.

Сабақтың мақсаты:

Білімділігі: Ағаштан жасалған ұшақты құрастыруды үйрету.Өз бетінше жұмыс жасауды меңгерту.

Дамытушылық: Ойлау,шығармашылық қабілетін ,қолөнерін дамыту,сөздік қорын молайту.

Тәрбиелік: Қолөнерге баулу. Ұқыптылыққа ,байқампаздыққа тәрбиелеу.

Сабақтың түрі: Түсіндіру,сұрақ-жауап.

Көрнекілігі: Слайд,бейнематериал,ойындар.

Құрал-жабдықтар: Ағаштан жасалған дайын ұшақ детальдары ,балға, шеге,кемпірауыз,

Сабақтың барысы:

Ұйымдастыру кезеңі.Оқушылардың зейінін сабаққа аудару.

Сәлеметсіңдерме балалар! Балалар бүгін біздің сабағымыз ерекше болмақ,өйткені бүгін бізге қонақтар келіп отыр.

Кане балалар, бүгінгі ашық сабағымыздың қонақтарымен сәлемдесейік.

Ендеше сабағымызды жақсы , қуанышты көңіл күймен бастайық!

Балалар, бүгінгі біздің ашық сабағымыздың тақырыбы ағаштан жасалған ұшақтарды құрастыру.Ұшағымызды құрастырмас бұрын ұшақтын бейнесімен танысайық

Экранға назар аударайық (Бейнематериал)

Балалар айтыңдаршы ұшақ қалай ұшады екен?

Ұшақ қандай бөліктерден тұрады?

Жарайсыңдар балалар!

-Балалар ұшақпен танысу мақсатымен ,мен сендерге «Поле чудес» ойынын дайындап әкелдім.

Ойынның шарты: Мына тақтайшаның бетіндегі стрелканы айналдыру. Стрелка түскен түстің астындағы берілген тапсырмалардың дұрыс шешімін табу.

- Жарайсыңдар балалар ,барлығың ұшақтың құрылымымен таныс екенсіңдер.

-Ендеше балалар, бәріміз осы ұшақтың детальдарын ағаштан кесіп алайық. Жұмысымызды бастамас бұрын техника қауіпсіздігін ескерейік.Арамен жұмыс жасаған кезде қолымызды жаралап алмас үшін арнайы қолғап киеміз.Арамен аралағанда екінші қолымызды алшақ ұстаймыз.

-Балалар шаршаған боларсыңдар енді біраз сергіп алайық.

Сергіту сәті

Орнымыздан тұрайық

Алақанды ұрайық

Бір отырып, бір тұрып

Біз бір дем алайық

-Балалар енді ағаштан жасалған ұшағымызды құрастыруға кірісейік.

Ұшағымызды құрастырмас бұрын техника қауіпсіздігін есімізге түсіріп қояйық.Балғамен кемпірауызбен жұмыс жасаған кезімізде бір-бірімізге сермеуге лақтыруға болмайды.Балғамен шеге қақан кезде қолымызды алшақ ұстау керек.

Ең бірінші ұшақтың корпусын алайық оған екінші үлкен детальды ,яғни қанатын біріктіреміз. Одан кейін ұшақтың дөңгелектерін орнатамыз.Үшінші деталіміз ұшақтын соңындағы қанатын орнатамыз. Ең соңғы деталіміз ұшақтын ең алдынғы деталі ол пропелерін орнатамыз

-Жарайсыңдар балалар өте керемет жасадыңдар!

Сабақты қорытындылау:

1.Балалар, бүгінгі сабақ сендерге ұнадыма ?

2.Бүгінгі сабақта біз нені жасап үйрендік?

- Жарайсыңдар балалар ! Бүгінгі сабақ сендерге ұнағанына қуаныштымын!