Жасты?ты к?ркемдеп тігу

Қызылорда қаласы № 253 орта мектебі «Жастықты көркемдеп тігу» (4 сыныптар арасындағы) атты ашық сабақ.

Сабақтың тақырыбы: Жастықты көркемдеп тігу.

Сабақтың мақсаты: Жастықты әсемдеп тігуді үйрету.

Сабақтың әдісі: сарамандық.

Көрнекіліктері: жасырылған жұмбақплакатасы, карточкалар, плакат, жастықтың түрлері, түрлі-түсті қағаздан жасалған құмыра.

Құрал-жабдықтары: мата, синтепон немесе мақта, қайшы, ине-жіп, сызғыш, сантиметрлік таспа, сабын, оюдың түрлері.

Пәнаралық байланыс: сызу, бейнелеу өнері, әдебиет, тарих.

Сабақтың барысы:

1. Ұйымдастыру кезеңі: Журнал бойынша тексеру, құрал-жабдықтарын түгендеу. Техникалық қауіпсіздік ережесін еске түсіру.

2. Жаңа сабақ.

Сәлеметсіздер ме оқушылар. Бүгінгі ашық сабағымды өлең жолымен бастағым келіп отыр.

Асыл сөздің ұстазы

Ақын болар ұрпақтың

Өнер, білім, еңбекке,

Жақын болар ұрпақтың.

Он саусағы майысқан

Шебер болар ұрпақсың

Тұла бойы тұнған бір,

Өнер болар ұрпақтың! – деп бүгінгі ашық сабағымызды бастаймыз.

Жастық – адам басына жастауға арналған тұрмыстық бұйым.

Жастықтың ішіне көбінесе құстың мамығы не болмаса мақта салынып, тыс кигізілген. Тысы оюмен өрнектелген. Жастықтың тысын ауыстыруға қолайлы болу үшін, бір шетін тікпей қалдырған.

Ол жерге түйме, ілгек немесе сыдырма тіккен. Жастық шаршы, тіктөртбұрышты, сопақша пішінде тігіледі. Жастықты адам басына жастайтын болғандықтан, оны баспаған, аяқтың астына тастамаған.

Жастықты тігу үшін қолданатын тігістер:

А) сәндеу үшін : барқыт, біз немесе шынжыр, инені алдыға шаншу.

Б) жан қиығын көмкере тігу.

Жастықты тігу жоспары:

1. Жастықты сәндеу.

2. Жан қиықтарын өңдеу.

3. Ішін мақтаға толтыру.

4. Жоғарғы қиығын көмкере тігу.

1. Сарамандық жұмыс.

1. Жастықтың тігу ретін таныстыру, тақтаға ілу.

б) Қауіпсіздік ережелер сақтау.

1. Қажетті құралдар: ине, жіп, мата, қайшы, мақта, қайшы.

2. Жастықты пішуге дайындау.

3. Оқушылардың өз бетінше жұмыс істеуін қадағалау.

4. Жасаған жұмыстарын тексеріп бағалау.

5. Ою түрлерін тарату.

Жастықты тігу реті:

1. Ойылатын сары түсті матаны 4-ке бүкте.

2. «Құс қанаты» оюының суретін салып, оюды қи.

3. Жастықшаға арналған қызыл матаның бетіне оюды түйреп бекіт.

4. Ою шетін ілмектеп тік.

5. Шетін сары матамен жиектеп тік. Жастықтың беткі тысын астарымен теріс жағынан біріктіріп тік. Бір бүйірінен ашық қуыс қалдыр.

6. Жастық тысын сыртына айналдырып, ішін мақтаман толтырып, ашық жерін бекітіп тік. Міне, жастықша дайын болды.

1. Сабақты қорытындылау. Оқушыларға сұрақ қою арқылы қорытындылаймыз. Тақтаға ілінген шарды жарып, ішіндегі сұраққа жауап береді.

2. Бағалау. Оқушылардың сұраққа жауап бергеніне баға қою, жасаған жұмыстарын талдау. Оқушыларға 3 құмыра көрсетемін.

1. Жасыл құмыра – «5» баға.

2. Қызыл құмыра –«4» баға.

3. Сары құмыра – «3» баға.

1. Үйге тапсырма беру. Жастықты аяқтап келу.