То?ыма то?у.Ш?лы? то?у.

Сабақтың тақырыбы Тоқыма тоқу.Шұлық тоқу

Мақсаты: Ұлттық қолөнеріміздің бір түрі тоқыма тоқу түрлерімен танысу.Шұлық тоқып үйрену.Қолмен тоқу өнерін жан-жақты таныстыру.Тоқыманың тұрмысқа қажеттілігі мен қазіргі өмірде алатын орнын әңгімелеу.Оқушылардың ой-өрісін дамыту.Халқымыздың асыл мұрасын бағалай білуге,әсемділікке,ұқыптылыққа,өз бетінше жұмыс жасауға тәрбиелеу

Сабақ әдісі: түсіндіру,сұрақ-жауап

Сабақтың көрнекілігі: дайын

тоқыма бұйымдар

Құрал-жабдықтар: тоқыма жіп,

сым,қайшы

Ұйымдастыру кезеңі:

Оқушылармен сәлемдесу

Оқушыларды түгендеу

Оқушылардың құрал-жабдықтарын тексеру

Оқушылардың зейіндерін сабаққа аудару

Жаңа сабақ: Тоқыма тоқу.Шұлық тоқу Балаларға арналған шұлық.Балаларға арналған шұлық тоқу үшін 70-80 грамм жіп,4 сым қажет.Сымға 40 шалу бастап алынады да,үш сымға тепе-тең бөліп әрі қарай тоқиды.

Өкше шығару:

тоқыманы екіге тең бөліп одан әрі үшінші және төртінші сымдағы шалулар ғана тоқылады. Бірінші және екінші сымдағы шалулар бір сымға өткізіліп тоқылады. Тоқыманың шетіндегі шалу саны 10 - ға жеткенде (20 қатар) оң шалулармен аяқтап, өкше шығарыла бастайды. Ол үшін сымдағы шалуларды ойша 3 - ке бөліп, яғни екі жағына 6 шалудан, ортасына 8 шалу қалдырып, шалу санын бірте - бірте кеміте беру керек.

Шұлықтың басын шығару:

Бұл бөлік те №5 сыммен, оң тоқылады. Ортаңғы бөліктің шалулары тізілген сыммен өкшенің шеткі шалуларынан 10 шалу ілініп алынады. Сонан соң сыммен 1 - ші сымдағы 10 шалуды, басқа сыммен 2 - ші сымдағы 10 шалуды тоқу керек. Бұдан кейін айналдыра тоқи отырып, 3 - 4 - ші сымдағы артық шалуларды әрбір 2 - ші қатарда кеміте береді. Олардың әрқайсысында 10 шалудан қалғанда кеміту тоқтатылып, енді шұлықтың басы шығарыла бастайды. Ол үшін әр қатар сайын сымның соңғы екі шалуы біріктіріліп, теріс шалынады. Осылайша әр сымда бір - бір шалу қалғанша кемітіп, жіп үзіледі де, шалулар қатты тартып тігіледі. Жіпті ұзын ілмекпен шұлықтың іш жағына өткізіп, жасыру керек.

Дайын шұлық

• Тоқу өнері қандай өнер түріне жатады? • Қазақ қолөнершілері тоқу ісіне көбінесе қандай жіптерді пайдаланған? • Тоқу түрлерін атаңдар? • Тоқыма үшін қандай малдың жүні дұрыс? • Ұршық дегеніміз не?

Дұрыс жауаптар:

1.Қолөнер түріне жатады.

2.Тоқу ісіне көбінесе жүннен иірілген жіптер

3.Тура және кері қатарлармен тоқу.Айналдырып шеңбер жасау.

4.Қойдың жүні

5.Ұршық дегеніміз жіп иіретін құрал.

Сабақты қорытындылау:

оқу білімін бағалау. Үйге тапсырма: бастаған шұлықтарын аяқтап келу.