К?рпе тысыны? жанында?ы кесінділерін ??деу.»

Алматы қаласы

Даму интеллектуалдық қабілеті төмен балаларға арналған

№7 арнайы (түзету) мектеп – интернаты

Мұғалім: Байдильдаева А.Ж.

Пәні: технология 9 «а» сынып

Тақырыбы:«Практикалық жұмыс. Көрпе тысының жанындағы кесінділерін өңдеу.»

Сабақтың мақсаттары:

1. Білімділік

• Көрпе тысы туралы және тігілетін мата туралы жалпы мәлімет беру. Көрпе тысының тұрмыстық қажеттілігін түсіндіру көрнекілік құралдарды пайдалану, қарапайым мысалдар келтіру арқылы білімді тереңдету және дамыту.

• Практикалық жұмыс жасату арқылы білімді бекіту.

1. Түзету

• оқушының дербес мүмкіндігін ескеріп, технологиялық әдістермен көрсету арқылы білімді қалыптастыру;

• жеке жұмыс жасату арқылы тақырып бойынша білімді бекіту;

• көрсету арқылы есте сақтау қабілетінің қалыптасуына ықпал ету.

• ретімен көрсету, жұмыс барысында берілген тапсырмаларды жоспар бойынша орындауын қадағалау.

• бұйымның сапасын анықтауға үйрету.

• қарапайым сұрақтар қою арқылы сөйлеу қабілетін дамыту.

• Қосымша тапсырма беру арқылы ұсақ іс – қимылдарын дамыту. (Қосымша жұмыстар – сымға моншақтар тіздіру, бұйымдардың уақ бөлшектерін қидыру т.б.)

1. Практикалық жұмыс.

Көрпе тысын электр жетекті және қол жетекті машинада тігу.

1. Тәрбиелеу.

• Ұқыптылыққа, тиянақтылыққа, төзімділікке үйрету арқылы мінез – құлқын қалыптастыру.

Тарату материалдар: ине, жіп, қайшы тігін машиналары, т.б.

Көрнекілік: көрпе тысы, тігу барысында пайдаланатын тігістер атаулары мен түрлері.

Сабақтың барысы

1.Ұйымдастыру сәті

а) психологиялық дайындық; Психологиялық сұрақ: Көңіл күйіміз қалай?

ә) жұмыс орнын дайындау, тексеру.

б) рапорт өткізу, журналға белгілеу.

Тақырып: «Практикалық жұмыс. Көрпе тысының жанындағы кесінділерін өңдеу».

2.Өткен тақырыпты қайталау.

1. Өткен тақырып бойынша сұрақтар қою.

Қандай бұйым тігіп жатырмыз?

а) Төсек жабдықтарына не жатады? Жастық тысы, көрпе тысы, жаймасы.

ә) Төсек жабдықтарының қандай түрлерін білесің? Бір кісілік – 150х210, екі кісілік200х220 және баларға арналған 120х150.

б) төсек жабдықтарын тігуге қандай мата пайдаланамыз? Қосымша көрпе тысы тігілетін матаның қасиетін айту.

Төсек – жабдықтарын тігуге көбінесе мақтадан жасалған маталарды пайдаланамыз. Мысалы шыт мата, ауа өткізгіш, денеге жайлы. Сонымен қатар бұйым тігу барысында оның қасиетін ескерген жөн, ыстық суда жуылуын және қысқаруын.

3. Оқушылардың білімін қалыптастыру.

Тақырыпты дәптерге жазу

а) Көрпе тысының кесінділерінің атауларын атап, тақтаға жазу. Жанындағы кесінді, төменгі кесінді, жоғарғы кесіндісі.

ә) Пайдаланатын тігіс түрленін атау. Қайырылған жабық кесінді және қосу тігісі.

б)Көрпе тысын тігудегі жоспарды рет – ретімен тақтада көрсету.

1. Матаның оң жақ бетін бетпе – бет қаратып бүктеу.

2. Кесінділерді түзеу, қыстырмамен қыстыру.

3. Жанындағы кесінділерін өңдеу.

4.Жоғарғы кесіндіні өңдеу

5.Төменгі кесіндіге жырық қалдырып өңдеу. Ені 1 см.

6.Жұмыс сапасын тексеру.(тігістің түзулігін тексеру) Үтіктеу.

4.Техникалық қауіпсіздік ережелері: №1, 2, 3, 4.

Жеке түрде қайталау

1. Іс тігін машинамен жұмыс істеу ережесі

2. Қайшымен жұмыс істеу ережесі

3. Инемен жұмыс істеу ережесі

4. Үтікпен жұмыс істеу ережесі

5.Сөздік жұмыс

Көрпе тысы

6.Үйрету дағдыларын құру:

Үлгіні пайдаланып, сабақ барысында айтылған мәліметтерді есте ұстап, тапсырманы орындау. Берілген тапсырмаға жауапкершілікпен қарау.

7.Сергіту сәті

Көзге және саусаққа жаттығу. Жаттығу схемамен көрсетілген

Өлшедік біз кестік біз

Қатты шаршап кеттік біз

Қане тұра қалайық

Кірпіктіде қағайық

Терең демді алайық

Орнымызғы отырып

Сабаққа назар салайық

Көзге арналған жаттығулар

1, 2, 3, 4, 5 саусақтарым қыдырады,

1, 2, 3, 4, 5 саусақтарым тығылады.

Жеке жұмыс:

Оқушылар мүмкіндігіне қарай көрпе тысының кесінділерін электр жетекті машинада, қол жетекті машинада, жылдам тігітін машинада орындау.

Жұмыс сапасын тексеру.

а) тігістің түзулігін тексеру.

ә) мұғаліммен тексеру.

9. Өткен тақырыпы бекіту.

Пысықтау сұрақтары. Өткенді қайталау. Біз қандай бұйымды тігуді бастадық? Бұйымның қай кесінділерін өңдедік?

10. Сабақтың қорытындысы

Жұмыс орынды жинастыру, құрал – жабдықтарды орнына қою. Ескертулер, мадақтаулар, түзетулер т.б. Оқушылардың ынтасына, белсенділігіне қарай бағалау.

Көрме ұйымдастыру.

Тігін машинасымен жұмыс істеу кезіндегі техникалық қауіпсіздік

ережелерін сақтау.

• тік отыру;

• Шашыңды орамалмен жина;

• көзбен жұмыс үстеліне дейінгі ара қашықтық 30-40 см болуы тиіс;

• жарық сол жақтан немесе алдыңғы жақтан түсуі тиіс;

• үстел, ине дәл сіздің алдыңызда болатындай етіп, орнатылуы тиіс;

• машина мен жұмысшының арасындағы ара қашықтық 20-30 см болуы тиіс;

• аяқ еденге толық қойылған болуы тиіс;

• машинада артық заттар тұрмауы тиіс;

• тігінді бастамай тұрып, бұйымдағы барлық инелер мен түйреуіштер алынып тасталуы тиіс;

• машинаның қозғалып тұрған бөлшектеріне қолды жақындауға болмайды;

Қайшымен жұмыс істеу ережесі.

• қайшыны өз орнында сақта;

• қайшыны өткір ұшымен ұстама, біреуге бергенде сап жағымен бер.

• қайшыны жұмыс орнында ашық қалдырма;

Инемен жұмыс істеу ережесі.

• инені өз орнында сақта;

• инені жоғалтпа;

• инені аузға салуға, киімге қыстыруға болмайды;

• сынған инені мұғалімге тапссыру керек;

Электр үтігімен жұмыс істеу ережесі.

• үтікті сөндіріп қосқанда қолың қүрғақ болсын;

• үтікті қосылған күйінде қалдырып кетпе;

• жұмыс біткенде үтікті сөндір, орнына қой;

• үтікті тек ұстағышынан ғана ұста;

• үтікті өз орнына қойып отыр;