Ілмек бізбен то?у технологиясы. То?у т?сілдері

Ақтөбе облысы

Мұғалжар ауданы

Қандыағаш қаласы

№3 мектеп-гимназиясы

Технология пәні мұғалімі

Айбосынова Гүлшат Өмірзаққызы

Сабақ тақырыбы: Ілмек бізбен тоқу технологиясы. Тоқу тәсілдері

Сабақтың мақсаты: ілмек бізбен тоқу технологиясымен таныстыру, орындау әдістерін үйрету,сызбаны түсініп, тоқи білулерін меңгерту.
Сабақтың түрі: аралас сабақ.
Сабақтың әдісі: теориялық, баяндау, сарамандық, сұрақ-жауап.
Сабақтың барысы:
І.Ұйымдастыру кезеңі.
ІІ. Жаңа сабақты меңгерту.
Тоқу өнері - қазақ халқының ежелден келе жатқан,ең алғаш киімі мен ұй жабдығының негізі болған өнер. Қолмен тоқыма тоқудың өте кеңінен таралған.Оның мыңдаған жылдық тарихы бар.Ілмекті бізбен тоқылған бұйымдар әсемділігімен, беріктігімен ерекшеленеді.

Ілмекті біз материалдары сүйек,ағаш,металл.Ұшы ілмек болып келеді.Ілмекпен тоқу үшін жақсы ширатылған кез келген жіпті пайдалануға болады.
Тоқудың шартты белгілері:

• - үлпілдек шалу

--- - қысқа шалу

┴ - жай шалу

┼ - бір бос жіп қосылған шалу

≠ - екі бос жіп қосылған шалу
Негізгі шалулар төмендегідей
1.Тізбек (цепочка).Ілмек ұшына бір шалу жасайды да, жіпті ілмекке орап,алғашқы шалудың ортасынан өткізіп алады.Осылайша қайталана береді.
2.Қысқаша шалу(полу столбик).
Ілмекті тізбектегі 3 шалудың алдынан артына қарай өткізеді.Содан соң ілмекке жіпті орап, оны ілмектегі екі шалудан өткізіп алады.
3.Жай шалу (столбик без накида)
Ілмекті тізбектегі 3 шалудың алдынан кері қарай өткізеді.Ілмекке жіпті орап, шалып алады да, содан соң жіпті тағы орап оны ілмектегі екі шалудан өткізеді.

4.Бос жіп қосылған шалу (столбик с накидами).Бағанның биіктігін көтеру үшін оны бір не бірнеше бос жіп қосып тоқу керек.
ІІІ. Сарамандық жұмыс.

Жұмыс барысында техниқа қауіпсіздік ережесін еске салу.

Шартты белгілер бойынша тоқу әдістерін үйрену.

Ілмек бізбен тізбек және айналдыра шеңбер тоқу.

Қажетті құрал-жабдықтар: жіп түрлері, ілмек біз.
ІV.Жаңа сабақты бекіту сұрақтары.
1.Ілмек инемен тоқудың қандай түрлерін білесіңдер?
2.Тоқыма өнері адамға не үшін қажет?
3.Ілмек инелерді неден жасайды?
V.Сабақты қорытындылау.

Тоқыған бұйымдарын бағалау,кеткен кемшіліктерін түзету.

VІ.Үйге тапсырма: өзіне ұнаған бұйым бастап тоқу.