Жас мамандар?а арнал?ан ?дістемелік к?мек

Жас мамандарға арналған әдістемелік көмек.

Әдеттегідей жоспарға сай жыл сайын мектебімізде жас мамандарға арналған әдістемелік көмек ретінде ашық сабақтар өтіп келеді. Жас мамандардың жан-жақты маман болып, тәжірибелі мұғалім болып сіңісіп кетуіне педагогикалық ұжымның тигізер ықпалы зор. Өрлеу біліктілігін арттыру курысының I, II, III деңгейлі курсынан өтіп келген тәжірибелі педогогтар әдістемелік көмке ретінде ашық сабақтар өтіп тұрады. Осы орайда мектебіміздің оқу-ісі меңгерушісі, әдіскер М. Нурумованың ұйымдастыруымен кестеге сәйкес жоғарғы және бастауыш сыныптарға арналған жоспарлы сабақтар ұйымдастырылып, жұмысын жаңадан бастаған жас мамандар іс-тәжірибе алу мақсатында сабақтарға қатысып білмеген жерлерін үйреніп келеді. Мектебімізде 20 дан аса жас маман бар. Бағдарлама бойынша бірінші ашық сабақты біліктілігін арттыу курысының III деңгейлі курсынын өтіп келген, бастауыш сынып мұғалімі Шоңайбаева Жамила, Әдебиеттік оқу пәнінен Ә.Асылбековтың «Үйрену» өлеңіне арналған сабақпен бастады. Сынып жетекшісі 4 «в»сынып оқушыларымен бірге өткізген ашық сабағында оқушылар өлеңді мәнерлеп оқып, топтық жұмыс жасап, постер қорғап сурет салса, ал екінші топ өлеңді талдап кластер қорғап, яғни өлеңге сызба жазуды үйренді, Сабақ жоғарғы деңгейде өтті. Сонымен қатар Кембридж тәсілімен оқыту әдістемесін қолдана отырып, III деңгейлі курстан өтіп келген ұстаз А. Сарбалина математика пәніне арналған «5 санын қосу және азайту» деген тақырыпта ашық сабақ өткізді. Ол сабақты жаңа технология әдістерін қолдана отырып,оқушылардың өз-өзін д амыта отырып, сұрақ жауап қойып, өз білімдерін жан жақты дамытуға көмектесті. Сугурова Зауренің 2- сыныптарға арналған Әдебиеттік оқу пәнінен Ф.Оңғарсынованың «Әже» шығармасына арналған ашық сабағы оқушылар үшін өте қызық сабақ болды,оқушылардың әжелерге деген қүрметін,сезімдерін, сөз арқылы жеткізе білуге, әженің еңбегін қәдірлей білуге, адамгершілікке, кішіпейділікке тәрбиелеуде атқаратын рөлінің коп екенін оқушыларға кеңінен түсіндірді. Қолдасбаева Сауленің 2 сыныптарға арналған Ана тілі пәнінен « Шеше мен бала» тақырыбындағы өткізген ашық сабағы да жоғары бағаланды. Сонымен бірге Өрлеу біліктілігін арттыру курсының III деңгейлі курсынан өтіп келген 3 «ә» сынып жетекшісі Толыбаева Алтын Ана тілі пәнінен «Сәкен аға» тақырыбына арналған ашық сабағы, кембридж тәсілі бойынша жаңа форматта өтті. Дүние тану сабағынан Зулқашова Айнагүлдің «Пайдалы қазбалар түрлері» тақырыбында откен ашық сабағы жоғары деңгейде өтті. Сайып келгенде осы өткен жаңа әдіс-тәсілдердің арқасында өткен ашық сабақтар бәрі педогогтардың шеберлігі. Осындай шебер педогогтардың сабақтарына қатысып тәжірибе алмасқан әрбір жас маманнан болашақта білікті де білімді мұғалім шығатынына сенеміз !

.