Маманды? т?рлері

Қазақстан Республикасы Білім және Ғылым министрлігі Панорамалық сабақ Тақырыбы: Мамандық түрлері Өткізген: Абдешова Х.Ү.

2015 ж.

Сабақтың тақырыбы: Мамандық түрлері

Сабақтың мақсаты:

Білімділік- мамандық түрлерімен таныстыру,

дұрыс таңдай білуге бағыт-бағдар беру

Дамытушылық - Өз беттерінше дұрыс шешім қабылдай

білуге, ойлау, есте сақтау қабілеттерін арттыру

Тәрбиелік- жауапкершілігі мол, еңбексүйгіш, еліне өз үлесін қоса білетін адал маман иесі болуға тәрбиелеу

Сабақтың түрі : аралас, топтық ізденіс сабақ.

Сабақтың әдісі: СТО технологиясы

Пәнаралық байланыс : қазақ тілі, тарих, математика.

Көрнекілігі: слайд, суреттер,нақыл сөздер

Сабақтың барысы: I. Ұйымдастыру кезеңі(ассоциация)

Кезекшілікті ұйымдастыру

Оқушылардың дайындығын тексеріп, назарын сабаққа аудару.

Өткен сабақта сәндік – қолданбалы өнер элементтерін қоса отырып, материалды көркем өңдеу технологиясымен( ши тоқу өнері, күбі, сандық жасау технологияларымен) таныссақ, бүгінгі сабағымызда кәсіби қызмет ету саласының технологиясымен, яғни мамандық түрлерімен танысамыз.

II. Қызығушылығын ояту(Венн диаграмасы)

Жаңа сабақ

Мамандық таңдау – өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. «Мамандықтың жаманы жоқ, бірақ, мұның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе». Кімде- кім өзінің ыңғайына қарай өз жолымен қызмет етсе, өз басына да, әлеуметке де үлкен пайда келтірмек. Өз орнында істеген адамның жұмысы да өнімді, берекелі болмақ. Ж.Аймауытов айтқандай «Өмірде өз мақсаттарымызға жету үшін қабілетімізге қарай мамандықты таңдай білейік» деген екен.

«Мамандық» сөзіне анықтама беру.

Профессия - латын сөзінен шыққан, « professio» - анықталған іс, мамандық дегенді білдіреді.

Мамандық – қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.

Америкалық психолог Д.Холланд: «адамның кәсіби ортасына сәйкес келуі еңбек жолында жақсы табыстарға жетуге, өсуіне кепілдік береді», - деген теорияны ұсынды. Ол кәсіби ортаны алты типке бөліп көрсетеді:

Америкалық психологтің теориясына ұқсас теорияны кеңес үкіметінің психологі Е.Климов кәсіби ортаны төмендегідей бес типке бөледі.

III. Мағыныны ажырату

Ыстық – суық ойыны(бұрыннан бар мамандықтар және жаңадан қосылған мамандықтарды бөлу).

«Қол мидың жалғасы» . Алақан бойынша мамандық саласын анықтау.Саусақтарымызды кеңірек ашып, ақ параққа алақанымызды түсірейік.Бас бармақпен шынашақтың ортасын О нүктесімен белгілеп, әрбір саусаққа түзу сызық жүргіземіз.Осы жүргізілген сызба бөліктерін сызғышпен өлшеп шығарамыз.

Жоғарғы оқу орнына түскен 1 курс білімгерлерінің 28 %-ы таңдаған мамандықтарына көңілдері толмайды. Неге?

IV. Ой толғаныс.

Өзің келіспейтін тұжырымдарды таңдап алып, ойыңды дәлелде:

-Мамандық бір – ақ рет біржола таңдалады.

-Мамандық таңдау қалтаның қалың болуына байланысты

-Отбасы және достарыңның ақылына сүйеніп, мамандық таңдауға болады.

-Қартайғанда да мамандық таңдауға болады

-Жақсы білім алу үшін қымбат оқу орнына түсу керек

-Ақша болса, мамандық қажет емес

-Мамандық таңдауда психологтің көмегі қажет

-Мамандық таңдаудағы басты өлшем – қызығу мен қоғамдық сұраныстың сәйкестігі

- Таңдайтын мамандығымды болашақ табысым анықтайды

-Мамандық таңдау – күн көріс қамы

V. Қорытынды: Шығу парағын толтыру.

-Бүгінгі сабақта нені үйрендім?

- Мамандыққа байланысты көптеген мағлұматтар алдыңдар,сабақ пайдалы болды ма?

Бағалау:

Үйге тапсырма: «Мамандық таңдау – маңызды іс» тақырыбына эссе жазып келу.

«Бір жылдығыңды ойласаң – егін ек, он жылдығыңды ойласаң – ағаш ек, жүз жылдығыңды ойласаң – мәдениетті білімді ұрпақ өсір» - дегендей, өздеріңізде мамандықты саналы, өз қабілеті мен бейімділігіңе сай таңдауларыңыз керек.

Абай атамыз айтқандай «Болмасаң да ұқсап бақ, бір ғалымды сүйсеңіз. Ондай болмақ қайда деп, айтпа ғылым сүйсеңіз»

дегендей алға ұмтылып арманымызға жетіп, өзіміз қалаған мамандық иесі болайық.

Мамандық таңдау – өміріңіздің бір кірпішін дұрыс қалау.