Разработка открытого занятия по технологии на тему: "Бас орамал және алжапқыштың сызбасын жасауға арналған өлшемдер. Өлшем алу ережелері"

Бекітемін:

Күні:

Сыныбы:

Сабақтың тақырыбы: Бас орамал және алжапқыштың сызбасын жасауға

арналған өлшемдер. Өлшем алу ережелері

Сабақтың мақсаты:

а) Білімділік: өлшемді қалай алу керектігін түсіндіру, өлшем алу технологиясымен таныстыру. Өлшем алу жөнінде теориялық білімін қалыптастыру.

ә) Дамытушылық: оқушылардың ақыл ойын, таным белсенділігін арттыру, өзіндік жұмыс атқару қабілетін дамыту. Өз бетінше іс әрекет жасауға дағдыландыру

б)Тәрбиелік: еңбек сүйгіштікке тәрбиелеу, ұқыптылыққа, сұлулыққа, жинақылыққа назар аудара отырып, эстетикалық, экономикалық тәрбие беру.

Сабақтың типі: жаңа білімді меңгерту

Сабақтың түрі: дәстүрлі

Сабақтың әдісі: репродуктивтік, баяндау, түсіндірмелі-көрнекілік, (топтық),

сарамандық.

Көрнекілігі: интерактивті тақта, манекен, дайын алжапқыш бұйымдары,

плакаттар, сантиметрлік таспа.

Пәнаралық байланыс: тарих ,бейнелеу өнері, математика.

Сабақтың барысы:

I. Ұйымдастыру кезеңі:

Оқушыларды түгендеу, еңбек құралдарын тексеру

II. Үй тапсырмасын сұрау

1. Киімнің адам өміріндегі маңызы және жіктелуі.

2. Киімдердің пайдалануына қарай түрлері.

3. Киімге қойылатын талаптар қандай ?

4. Эстетикалық, гигиеналық , талап деген не?

Үй тапсырмасын қорытындылау

Адам өзін сенімді әрі ыңғайлы сезіну үшін киім денеге қонымды және әдемі болуы керек.

III. Жаңа сабақты түсіндіру

Кез келген бұйымды дайындау үшін оның сызбасын жасау керек. Ал сызбаны жасау үшін адам денесінің өлшемін алу керек. Олай болса, бүгінгі сабағымыздың тақырыбы: Бас орамал және алжапқыштың сызбасын жасауға арналған өлшемдер. Өлшем алу ережелері.

Мақсаты: Оқушыларға алжапқыш туралы түсінік беру. Алжапқышқа қажетті өлшем бірліктерді үйрету. Мүсіндегі бағдарлы нүктенің орнын анықтауды және жазықтықта бейнелеуді меңгерту.

Адам тұтынатын киімдердің барлығы жүздеген ғасырлар бұрын пайда болған. Әдепкіде киім адамды тек суықтан қорғау қызметін атқарған. Алайда ғалымдар осыдан 23 мың жыл бұрын адамдар өз киімдерін ілу қабыршақтармен, моншақтармен әсемдеуге тырысқандығы анықтаған.

Ертедегі адамдардың жұмыс киімінен өзге киімі болмағандықтан оның

сыртынан алжапқыш киетін болған.

Балалар, алжапқыш деген сөзді естігенде ойларыңа не келді?

Алжапқышты не үшін қолданамыз? Тағы қай жерлерде қолданамыз? (дайын алжапқыш үлгілерін көрсету).

(Маталар туралы айту). Алжапқышқа арналған мата түксіз, жеңіл, тез жуылатын, тігісі мықты болуы қажет. Ең бастысы оларды шыттан, зығырдан, сатеннен тіккен дұрыс.Себебі: бұл маталардан тігілген бұйым тез жуылады, жақсы үтіктеледі және сырт көрінісі тартымды болады. Қазіргі кезде тоқыма өндірісінде матаның ені 90 см, 120 см дейін шығарылады, сондықтан енін ескеріп алған дұрыс. Енді осы сабақта түсінгенімізді сарамандық жұмыспен жалғастырамыз.

IV. Сарамандық жұмыс

Нұсқау карта тарату (слайдтан көрсету)

Ережені айта отырып, қалай өлшеу керектігін манекеннен көрсетемін.

Оқушылар бір-бірін өлшеп, өлшемдерін параққа жазады.

Қорытынды нұсқау.

Оқушылар адам денесіндегі мынадай үш өлшем бойынша нықтап, белгілеуге болатынына көздері жетеді.

1. Кеуденің жоғарғы тұсы- кеуде енінің сызығы

2. Белдің төменгі шеті-бел сызығы

3. Алжапқыштың ең төменгі бөлігі-етек сызығы, қалта (Манекеннен көрсету)

V. Жаңа сабақты бекіту

1.Өлшем дене бітімнің қай жағынан алынады?

2. Өлшем ұзындығы мен айналымы қалай жазылады?

3. Өлшем алу ережесін айтып беріңдер

4. Дене бітіміндегі негізгі сызықтарды атаңдар

5. 4 өлшемді қайталау

VI. Үйге тапсырма:

Масштабты сызғыш, өшіргіш, қалам алып келу

VII. Бағалау:

Сабаққа жақсы қатысып отырған оқушылардың білімін бағалау.

№ 275 ОРТА БІЛІМ БЕРЕТІН

КОМУННАЛДЫҚ МЕМЛЕКЕТТІК МЕКЕМЕСІ

ТЕХНОЛОГИЯ ПӘНІ

« Бас орамал және алжапқыштың сызбасын жасауға арналған өлшемдер.

Өлшем алу ережелері »

Технология пәнінің мұғалімі

Иманова Шынарай Абдижалеловна

Байқоңыр, 2016 жыл